ନୂଆଦିଲ୍ଲୀ,୨।୪: କେନ୍ଦ୍ର ମନ୍ତ୍ରୀ ଅନୁରାଗ ଠାକୁର ରବିବାର କଂଗ୍ରେସ ନେତା ରାହୁଲ ଗାନ୍ଧୀଙ୍କୁ ଟାର୍ଗେଟ୍ କରିଛନ୍ତି। ବୀର ସାବରକରଙ୍କ ନେଇ ରାହୁଲ ଦେଇଥିବା ମନ୍ତବ୍ୟକୁ ନେଇ ଅନୁରାଗ କହିଛନ୍ତି, ରାହୁଲ ଗାନ୍ଧୀ ୧୦ ଜନ୍ମରେ ମଧ୍ୟ ସାବରକର ହୋଇପାରିବେ ନାହିଁ। କେମ୍ବ୍ରିଜ କାନ୍ଦ ଏବଂ ଲଣ୍ଡନ ମିଛ ଅଧିକ କିଛି କରିବ ନାହିଁ।
ସେହିପରି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କ ଉପରେ ଆକ୍ରମଣ କରି ଅନୁରାଗ ତାଙ୍କୁ ମଦ ଦୁର୍ନୀତିର କିଙ୍ଗପିନ ବୋଲି କହିଛନ୍ତି। କେଜ୍ରିୱାଲଙ୍କୁ ମିଥ୍ୟାବାଦୀ ନମ୍ବର ୧ ଏବଂ ସ୍କାମର ନମ୍ବର ୧ ବୋଲି ସେ କହିଛନ୍ତି। ଏହା ସହିତ ପଶ୍ଚିମବଙ୍ଗ ଏବଂ ବିହାରରେ ରାମ ନବମୀ ଅବସରରେ ରେ ହୋଇଥିବା ହିଂସା ସଂପର୍କରେ କେନ୍ଦ୍ର ମନ୍ତ୍ରୀ ଉଭୟ ରାଜ୍ୟ ସରକାରଙ୍କୁ ଟାର୍ଗେଟ କରିଥିଲେ। ବିହାରରେ ତେଜସ୍ବୀ ଯାଦବ ଏବଂ ନୀତୀଶ କୁମାରଙ୍କ ନେତୃତ୍ୱରେ ଜଙ୍ଗଲ ରାଜ ପୁଣି ଫେରିଛି ଏବଂ ପଶ୍ଚିମବଙ୍ଗରେ ମୁଖ୍ୟମନ୍ତ୍ରୀ ମମତା ବାନାର୍ଜୀ ଶୋଇଛନ୍ତି ବୋଲି ଠାକୁର କହିଛନ୍ତି।
