ସୁରକ୍ଷା ମନ୍ତ୍ର…

କେତେବେଳେ ପ୍ରବଳ ଗରମ ତ କେତେବେଳେ ଲାଗି ରହୁଛି ପ୍ରବଳ ବର୍ଷା। ଆଉ ପୁଣି କେତେବେଳେ ହଠାତ୍‌ ଝଡ଼ ତୋଫାନ ସାଙ୍ଗକୁ ବିଜୁଳି, ଘଡ଼ଘଡ଼ି ଓ କୁଆପଥର ବର୍ଷା। ତେବେ ପାଣିପାଗର ଏଭଳି ଅସ୍ବାଭାବିକ ପରିବର୍ତ୍ତନ କେବେ ସୃଷ୍ଟି କରୁଛି ସ୍ବାସ୍ଥ୍ୟ ସମସ୍ୟା ତ କେବେ ସାଜୁଛି ଅନେକ ଧନଜୀବନ ହାନିର କାରଣ। ତା’ଛଡ଼ା ପୁଣିଥରେ ବଢ଼ୁଥିବା କରୋନା ରୋଗୀଙ୍କ ସଂଖ୍ୟା ଖେଳାଇଦେଉଛି ଭୟର ବାତାବରଣ। ଏମିତିରେ ସତର୍କତା ଓ ସଚେତନତା ହିଁ ସଭିଙ୍କ ପାଇଁ ସୁରକ୍ଷା ମନ୍ତ୍ର …

କିଛିଦିନ ହେବ ଅତ୍ୟଧିକ ଗରମ ସାଙ୍ଗକୁ ହଠାତ୍‌ ଅଦିନିଆ ବର୍ଷା ଲାଗିରହୁଛି। ପାଣିପାଗର ଏଭଳି ଅସ୍ବାଭାବିକ ପରିବର୍ତ୍ତନ ଅଧିକାଂଶଙ୍କଠାରେ ଝାଡ଼ା, ଥଣ୍ଡା, କାଶ, ଜ୍ୱର ଆଦି ଭଳି ସ୍ବାସ୍ଥ୍ୟ ସମସ୍ୟାକୁ ଆହୁରି ବଢ଼ାଇ ଦେଉଛି। କେବଳ ଏତିକି ନୁହେଁ, ବେଳେବେଳେ ପ୍ରବଳ ଝଡ଼ ତୋଫାନ ସାଙ୍ଗକୁ ବିଜୁଳି, ଘଡ଼ଘଡ଼ି ଓ କୁଆପଥର ବର୍ଷା ଯୋଗୁ ମଧ୍ୟ ଅନେକ ଧନ ଜୀବନ ହାନି ହେଉଛି। ଏଭଳି ବିଷମ ପରିସ୍ଥିତିରେ ଯଦିଓ ଏହି ପ୍ରାକୃତିକ ବିପତ୍ତିକୁ ରୋକିବା ମଣିଷପକ୍ଷେ ସହଜ ନୁହେଁ, ହେଲେ ଏକ୍ଷେତ୍ରରେ ଶରୀରକୁ ସୁସ୍ଥ ରଖିବା ଲାଗି ବିଭିନ୍ନ ସଚେତନ ରହିବା ସହ ସତର୍କ ରହିବା ବୁଦ୍ଧିମତ୍ତାର କାମ…
ବାହାରକୁ ନ ଯିବା ଭଲ: ହଠାତ୍‌ ପ୍ରବଳ ବର୍ଷା ହେଲେ ବାହାରକୁ ନ ଯିବା ଭଲ। ନିହାତି ଆବଶ୍ୟକ ଥିଲେ ଯଦି ବାହାରକୁ ଯାଉଛନ୍ତି ସାଙ୍ଗରେ ଛତା, ରେନିକୋଟ୍‌ ଆଦି ରଖନ୍ତୁ। ଗାଡ଼ି ଚଲାଇବା ବେଳେ ବର୍ଷା, ଘଡ଼ଘଡ଼ି କିମ୍ବା ବିଜୁଳି ମାରିଲେ ବାହାରେ ଆଦୌ ନ ରହି ତତ୍‌କ୍ଷଣାତ୍‌ ନିକଟରେ ଥିବା କୌଣସି ଘର, ହୋଟେଲ୍‌ ଆଦିକୁ ଚାଲି ଯାଆନ୍ତୁ। ବର୍ତ୍ତମାନ କାଶ, ଥଣ୍ଡା ଭଳି ଭାଇରାଲ୍‌ ଫ୍ଲୁ ବ୍ୟାପୁଥିବାରୁ ଠିଆ ହେବା ବେଳେ ଉପସ୍ଥିତ ଅନ୍ୟମାନଙ୍କଠାରୁ ଯଥାସମ୍ଭବ ସାମାଜିକ ଦୂରତା ରକ୍ଷା କରନ୍ତୁ।
ପାଣିପାଗ ସୂଚନା ଦେଖନ୍ତୁ: ମନେରଖନ୍ତୁ ବର୍ତ୍ତମାନର ସମ୍ବେଦନ ସମୟରେ ସର୍ବଦା ବାହାରକୁ ଯିବା ପୂର୍ବରୂ ରେଡିଓ, ଟିଭି, ଇଣ୍ଟରନେଟ୍‌ ଆଦିରୁ ପାଣିପାଗ ସୂଚନା ଦେଖିନେବା ଭଲ। ଏହାଦ୍ୱାରା ଆପଣ ଆରମ୍ଭରୁ ସତର୍କ ହୋଇପାରିବେ।
ପାଖରେ ରଖନ୍ତୁ ଏକ୍ସଟ୍ରା ଡ୍ରେସ୍‌: ଏଦିନେ ଥଣ୍ଡା, ଜ୍ୱର ନୁହେଁ ବରଂ ଭାଇରସ୍‌ ସଂକ୍ରମଣ ଏବଂ ଫଙ୍ଗାଲ୍‌ ଇନ୍‌ଫେକ୍‌ଶନର ଭୟ ବେଶିଥିବାରୁ ଓଦା ପୋଷାକରେ ଅଧିକ ସମୟ ରହିବା ଠିକ୍‌ ନୁହେଁ। ତେଣୁ ବର୍ଷା ପାଗରେ ବାହାରକୁ ଯାଉଥିଲେ ପାଖରେ ଏକ ସେଟ୍‌ ଡ୍ରେସ୍‌, ଟାଓ୍ବେଲ୍‌, ମାସ୍କ ଆଦି ରଖନ୍ତୁ। ଯଦି କୌଣସି କାରଣରୁ ଓଦା ହୋଇଯା’ନ୍ତି, ତେବେ ତୁରନ୍ତ ଭଲ ଭାବେ ପୋଛି ହୋଇ ଶୁଖିଲା ପୋଷାକ ପିନ୍ଧି ଦିଅନ୍ତୁ।
ବିଜୁଳି, ଘଡ଼ଘଡ଼ିରେ ରୁହନ୍ତୁ ସତର୍କ: ଯଦି ବାହାରେ ଥିବାବେଳେ ବର୍ଷା ସହ ହଠାତ୍‌ ବିଜୁଳି ମାରେ, ତେବେ ପାଣି ସ୍ଥାନରେ ଆଦୌ ରୁହନ୍ତୁ ନାହିଁ। କାରଣ ପାଣି ବିଦ୍ୟୁତ୍‌ ସୁପରିବାହୀ ହୋଇଥିବାରୁ କରେଣ୍ଟ ଲାଗିବାର ଆଶଙ୍କାଥାଏ। ସେହିପରି ବିଜୁଳି, ଘଡ଼ଘଡ଼ି ମାରୁଥିବା ସମୟରେ ମୋବାଇଲ୍‌ ଫୋନ୍‌ରେ ଆଦୌ କଥା ହୁଅନ୍ତୁ ନାହିଁ। ନଚେତ୍‌ ଏହା ବ୍ଲାଷ୍ଟ ହେବା ଯୋଗୁ କାନ ନଷ୍ଟ ହେବା କିମ୍ବା ଜୀବନଯିବାର ବି ଆଶଙ୍କା ରହିଛି।
ସ୍ବାସ୍ଥ୍ୟ ପ୍ରତି ରୁହନ୍ତୁ ସଜାଗ: ହଠାତ୍‌ ପାଣିପାଗ ପରିବର୍ତ୍ତନ ଯୋଗୁ ଅନେକଙ୍କଠାରେ ସ୍ବାସ୍ଥ୍ୟ ସମସ୍ୟା ବା ସିଜନାଲ୍‌ ଇଫେକ୍ଟିଭ୍‌ ଡିସ୍‌ଅର୍ଡର ଦେଖାଦିଏ। ତା’ଛଡ଼ା ପୁଣି ବଢ଼ୁଥିବା କରୋନା ସମସ୍ୟା ଖେଳାଇଛି ଆତଙ୍କ। ଏମିତିରେ ନୀରୋଗ ରହିବା ଲାଗି ନିଜର ରୋଗ ପ୍ରତିରୋଧକ ଶକ୍ତି ବୃଦ୍ଧି କରାଇବା ସବୁଠୁ ଗୁରୁତ୍ୱପୂର୍ଣ୍ଣ। ଥଣ୍ଡା, କାଶ ହେଲେ ଅଦାରସ, ମହୁ କିମ୍ବା ତୁଳସୀ ରସ, ମହୁ ମିଶାଇ ଖାଆନ୍ତୁ ା ରସୁଣ ମଧ୍ୟ ଖାଇବା ଏଦିନେ ବେଶ୍‌ ଉପକାରୀ। ପ୍ରଚୁର ପରିମାଣରେ ପାଣି ପିଅନ୍ତୁ। ପ୍ରୋଟିନ୍‌, ଆଇରନ୍‌, ଜିଙ୍କ୍‌, ଭିଟାମିନ୍‌ ସି ଯୁକ୍ତ ଖାଦ୍ୟ ସହିତ ଋତୁଭିତ୍ତିକ ସବୁଜ ପନିପରିବା, ଫଳ ଓ ଶାଗ ଭଳି ଆଣ୍ଟିଅକ୍ସିଡାଣ୍ଟଯୁକ୍ତ ଖାଦ୍ୟ ଖାଆନ୍ତୁ। ଖାଦ୍ୟ ତାଲିକାରେ ଗାଈଘିଅକୁ ସାମିଲ କରନ୍ତୁ। ପ୍ରଚୁର ପରିମାଣରେ ଭିଟାମିନ୍‌ ଡି’ର ତତ୍ତ୍ବ ଏବଂ ଓମେଗା-୩ ଫ୍ୟାଟି ଏସିଡ୍‌ ଏଦିନେ ଶରୀର ପାଇଁ ବେଶ୍‌ ଜରୁରୀ। ଏଥିପାଇଁ ମାଛ ଖାଆନ୍ତୁ। ତେଲ ମସଲାଯୁକ୍ତ ଖାଦ୍ୟ, ଫାଷ୍ଟଫୁଡ୍‌ ଜାତୀୟ ଖାଦ୍ୟ ଏବଂ ରାସ୍ତାକଡ଼ରେ ମିଳୁଥିବା ଅସ୍ବାସ୍ଥ୍ୟକର ଖାଦ୍ୟ ପରିବର୍ତ୍ତେ ରୋଗ ପ୍ରତିରୋଧକ ଶକ୍ତି ବୃଦ୍ଧି କରିବା ଲାଗି ସୁଷମ ଆହାର ଗ୍ରହଣ କରନ୍ତୁ।

 

ଚିରସ୍ମିତା ନାୟକ (ଛାତ୍ରୀ, ଛତିଆ)- କିଛିଦିନ ହେବ ଘରେ ଘରେ ଥଣ୍ଡା, କାଶ, ଜ୍ୱର ଭଳି ସମସ୍ୟା ଦେଖିବାକୁ ମିଳୁଛି। ଏମିତିରେ କିଛିଦିନ ହେବ ବର୍ଷା ହେଉଥିବାରୁ ଏଭଳି ସମସ୍ୟା ବଢ଼ିବାର ଆଶଙ୍କା ରହିଛି। ତେଣୁ ସୁରକ୍ଷା ଦୃଷ୍ଟିରୁ ବର୍ଷା ବେଳେ ଓଦା ନ ହେବା ଲାଗି ଯଥାସମ୍ଭବ ଘରେ ରହୁଛି। ଆଇସ୍‌କ୍ରିମ୍‌ କିମ୍ବା ଅନ୍ୟ ଥଣ୍ଡାଜାତୀୟ ଖାଦ୍ୟ ଏବଂ ବଜାରରେ ମିଳୁଥିବା ଖାଦ୍ୟଠୁ ଦୂରେଇ ରହୁଛି। ଏହା ବ୍ୟତୀତ ବର୍ଷାରେ ବିଜୁଳି କିମ୍ବା ଘଡ଼ଘଡ଼ି ହେବା ମାତ୍ରେ ମୋବାଇଲ୍‌ ବ୍ୟବହାର ନ କରି ସ୍ବିଚ୍‌ଅଫ୍‌ କରି ରଖୁଛି।
ରାଜେଶ ପଟ୍ଟନାୟକ (କର୍ମଜୀବୀ, ଭୁବନେଶ୍ୱର)- ବର୍ତ୍ତମାନ ପାଣିପାଗର ଅସ୍ବାଭାବିକ ପରିବର୍ତ୍ତନ ସମସ୍ତଙ୍କ ପାଇଁ ଚିନ୍ତାର କାରଣ ସାଜିଛି। କୌଣସି କାମରେ ବାହାରକୁ ଯିବାକୁ ଥିଲେ ବର୍ଷା ପାଇଁ ଖୁବ୍‌ ହଇରାଣ ହେବାକୁ ପଡୁଛି। ତା’ଛଡା ହଠାତ୍‌ ଓଦା ହୋଇଗଲେ ଥଣ୍ଡା, କାଶ ଆଦି ଫ୍ଲୁ ସମସ୍ୟା ଟେନ୍‌ଶନ୍‌ ବଢ଼ାଉଛି। ଏସବୁରୁ ଦୂରେଇ ରହିବା ଲାଗି ରୋଗ ପ୍ରତିରୋଧକ ଶକ୍ତି ବଢ଼ାଉଥିବା ସନ୍ତୁଳିତ ଖାଦ୍ୟ ଖାଇବା ପ୍ରତି ଗୁରୁତ୍ୱ ଦେଉଛି। ସେହିପରି ବାହାରକୁ ଯିବା ପୂର୍ବରୁ ପାଣିପାଗ ବିଷୟରେ ନ୍ୟୁଜ୍‌ ଦେଖିବା ସହ ସୁରକ୍ଷା ଦୃଷ୍ଟିରୁ ରେନ୍‌କୋଟ୍‌ ପାଖରେ ରଖୁଛି।


Enter your email to get our daily news in your inbox.

All Right Reserved By Dharitri.Com

ଡାକ୍ତରଙ୍କ ଅବହେଳାରୁ ଛାତ୍ରୀ ମୃତ୍ୟୁ ଅଭିଯୋଗ, କାର୍ଯ୍ୟାନୁଷ୍ଠାନ, କ୍ଷତିପୂରଣ ଦାବିରେ ଧାରଣା

ନୂଆପଡ଼ା,୧୮।୧୧(ମକାରୁ ବେମାଲ): ନୂଆପଡ଼ା ଜିଲା ବୋଡେନ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ଡାକ୍ତର ଓ ନର୍ସଙ୍କ ଅବହେଳା ଯୋଗୁ ଅଷ୍ଟମ ଶ୍ରେଣୀ ଛାତ୍ରୀଙ୍କ ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ…

ସରକାରଙ୍କ ବଡ଼ ନିଷ୍ପତ୍ତି; ଘୁଞ୍ଚିଲା ପଞ୍ଚାୟତ ନିର୍ବାଚନ, ବିଧାନସଭା ପରେ….

ଲକ୍ଷ୍ନୌ,୧୮।୧୧: ଉତ୍ତରପ୍ରଦେଶରେ ପଞ୍ଚାୟତ ନିର୍ବାଚନକୁ ନେଇ ବଡ଼ ନିଷ୍ପତ୍ତି ନେଇଛନ୍ତି ଯୋଗୀ ସରକାର । ପଞ୍ଚାୟତ ନିର୍ବାଚନ କରାଇବାର ସମୟସୀମାକୁ ଆଉ ୬ ମାସ ବୃଦ୍ଧି କରାଯାଇଛି…

ରେଡ୍ ଜୋନ୍‌ରେ ଗଞ୍ଜାମ: ଅଫିସରଙ୍କ ହଜିଗଲାଣି ନିଦ, ଚିନ୍ତାରେ ଲୋକେ; ନିୟୋଜିତ ହେଲେ ୪୦ ଉଦ୍ଧାରକାରୀ ଦଳ…

ଭଞ୍ଜନଗର, ୧୮।୧୧ (ବାବୁଲା ପ୍ରଧାନ): ସମ୍ଭାବ୍ୟ ବାତ୍ୟା ଓ ଲଗାଣ ବର୍ଷାକୁ ନେଇ ଗଞ୍ଜାମ ଜିଲାରେ ଆଶଙ୍କା ବଢ଼ିଥିବା ବେଳେ ପ୍ରଶାସନ ପକ୍ଷରୁ ପ୍ରସ୍ତୁତିକୁ ଜୋରଦାର କରାଯାଇଛି।…

ପ୍ଲେଇଂ ଇଲେଭେନ୍‌ରେ ସୁଯୋଗ ନମିଳିବାକୁ ରାଗିଗଲେ ଖେଳାଳି, କହିଲେ ମୋର ଆତ୍ମସମ୍ମାନ….

ନୂଆଦିଲ୍ଲୀ, ୧୮।୧୧: ଦୋହାରେ ନଭେମ୍ବର ୧୯ରୁ ଆରମ୍ଭ ହେବ ୨୦୨୬ ପୁରୁଷ ଇମର୍ଜିଂ ଏସିଆ କପ୍‌ । ଏହି ଟୁର୍ଣ୍ଣାମେଣ୍ଟରେ ଇଣ୍ଡିଆ-ଏ ପକ୍ଷରୁ ଖେଳିବେ ଭାରତୀୟ ଅଲରାଉଣ୍ଡର…

Litton Das: ପ୍ରଥମେ ଶତକ, ଏବେ ଉଇକେଟକିପିଂରେ ରଚିଲେ ଇତିହାସ, ଭାଙ୍ଗିଲେ ୪୭ ବର୍ଷ ପୁରୁଣା ବିଶ୍ୱ ରେକର୍ଡ

ଢାକା/ଜୋହାନ୍ସବର୍ଗ,୧୮।୧୧: ଟେଷ୍ଟ କ୍ରିକେଟରେ ବାଂଲାଦେଶର ଖେଳାଳିମାନେ କ୍ରମାଗତ ଭାବେ ନିଜର ଦକ୍ଷତା ପ୍ରମାଣିତ କରୁଛନ୍ତି । ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ଭୂମିରେ ଚମତ୍କାର ପ୍ରଦର୍ଶନ ଜାରି…

ବାତ୍ୟା ଅକ୍ବାନ; ଉପକୂଳ ଅଞ୍ଚଳରେ ଆଲର୍ଟ ପ୍ରଶାସନ, ଆଶ୍ରୟସ୍ଥଳୀକୁ ସ୍ଥାନାନ୍ତର ଜାରି

ମହାକାଳପଡ଼ା,୧୮ା୧୧(ପ୍ରତାପ ଚନ୍ଦ୍ର ସ୍ୱାଇଁ): ବଙ୍ଗୋସାଗର ସୃଷ୍ଟି ବାତ୍ୟା ଅକ୍ବାନ ଓଡିଶା ମୁହାଁ ହେଉଛି । ଏହା ପ୍ରଭାବରେ କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଉପକୂଳ ଅଞ୍ଚଳର କେତେକ…

ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି: ପ୍ରଥମ ମ୍ୟାଚ୍‌ରେ ମାଲେସିଆକୁ ଭେଟିବ ଭାରତ

ଭୋପାଳ,୧୮।୧୧: ମହିଳା ଏସିଆନ ଚାମ୍ପିୟନ୍ସ ଟ୍ରଫି ହକି ଟୁର୍ନାମେଣ୍ଟ ଗୁରୁବାରଠାରୁ ଆରମ୍ଭ ହେବାକୁ ଯାଉଛି। ଚଳିତ ସିଜନରେ ଚମତ୍କାର ଫର୍ମରେ ଥିବା ଭାରତୀୟ ଦଳ ଟୁର୍ନାମେଣ୍ଟ ଜିତିବା…

ବାତ୍ୟା ଅକ୍ବାନ: ଝିପିଝିପି ବର୍ଷା ଆରମ୍ଭ, ଦୁର୍ଗମ ଅଞ୍ଚଳରୁ ଲୋକଙ୍କୁ ଉଦ୍ଧାର ଜାରି

ପାତ୍ରପୁର,୧୮ା୧୧(ଉମା ଚରଣ ନେପାକ): ସମ୍ଭାବ୍ୟ ବାତ୍ୟା ଅକ୍ବାନକୁ ନେଇ ପାତ୍ରପୁର ବ୍ଲକ ପ୍ରଶାସନ ପକ୍ଷରୁ ସତର୍କତାମୂଳକ ପଦକ୍ଷେପ ଜୋରଦାର କରାଯାଇଛି । ପାହାଡ଼ିଆ ଓ ନଦୀ ଅବବାହିକାରେ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?