ପଟ୍ଟାଙ୍ଗି, ୨୩।୧୨(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ସଦର ମହକୁମାସ୍ଥିତ ପଡାଲଗୁଡା ଛକ ଉପରେ ଚଳନ୍ତା ଟ୍ରକକୁ ଅନ୍ୟ ଏକ ଟ୍ରକ ପଛ ପଟରୁ ଧକ୍କା ଦେଇ ସମ୍ପୂର୍ଣ୍ଣ ନଷ୍ଟ ହୋଇଯାଇଥିବା ବେଳେ ଅଳ୍ପକେ ବର୍ତ୍ତିଯାଇଛନ୍ତି ଡ୍ରାଇଭର। ସୂଚନା ମୁତାବକ, ସୋମବାର ବିଳମ୍ବିତ ରାତି ପ୍ରାୟ ୧୨ଟା ୩୦ ମିନିଟ୍ ସମୟରେ ଯଥା ଆନ୍ଧ୍ର , ଓଡିଶା ଏବଂ ଛତିଶଗଡ଼ ପ୍ରମୁଖକୁ ସଂଯୋଗ କରିଥିବା ୨୬ନଂ ଜାତୀୟ ରାଜପଥ ଦେଇ କୋରାପୁଟ ଅଭିମୁଖେ ଯାଉଥିବା CG07BN 4439 ଟି ଆଗପଛ ହୋଇ ଯାଉଥିବା ସମୟରେ ଅତ୍ୟଧିକ କୁହୁଡ଼ି ଯୋଗୁ ଉକ୍ତ ଟ୍ରକ ପଛରେ ରହିଥିବା ଅନ୍ୟ ଏକ ଟ୍ରକ ନମ୍ବର AP39W 6299ଟି ଭାରସାମ୍ୟ ହରାଇ ଉପରୋକ୍ତ ଟ୍ରକ ପଛପଟରୁ ଧକ୍କା ଦେଇଥିଲା । ଫଳରେ ଟ୍ରକଟି ସମ୍ମୁଖ ପଟରୁ ସମ୍ପୂର୍ଣ୍ଣ ନଷ୍ଟ ହୋଇଯାଇଥିବା ବେଳେ ଡ୍ରାଇଭର ଆର. ଜଗନ୍ନାଥ ରାଓ ଟ୍ରକ ଭିତରେ ଚାପି ହୋଇ ରହି ଯାଇଥିଲା । ଖବରପାଇ ସ୍ଥାନୀୟ ପୋଲିସ ଅଗ୍ନିଶମ ବିଭାଗ କର୍ମଚାରୀଙ୍କୁ ନେଇ ଘଟଣାସ୍ଥଳେ ପହଞ୍ଚି କଟର ମାଧ୍ୟମରେ ଟ୍ରକ ଭିତରେ ଚାପି ହୋଇ ରହିଥିବା ଡ୍ରାଇଭରଙ୍କୁ ଉଦ୍ଧାର କରି ପ୍ରଥମେ ପଟ୍ଟାଙ୍ଗି ସ୍ବାସ୍ଥ୍ୟ କେନ୍ଦ୍ରକୁ ପଠାଇ ପ୍ରାଥମିକ ଚିକିତ୍ସା ପରେ ସମ୍ପର୍କୀୟମାନେ ଓ ଟ୍ରକ ମାଲିକ ଆନ୍ଧ୍ର ରାଜ୍ୟର ବିଶାଖାପାଟଣା ସ୍ଥିତ ଏକ ଘରୋଇ ସ୍ବାସ୍ଥ୍ୟ କେନ୍ଦ୍ରକୁ ସ୍ଥାନାନ୍ତରିତ କରିଛନ୍ତି । ଟ୍ରକରେ ହେଲପର ନଥିବା ବେଳେ ହେଲପର ବସିବା ପାଶର୍ବରେ ଅନେକ କ୍ଷତି ହୋଇଥିବା ବେଳେ ହେଲପର ମଧ୍ୟ ମୃତ୍ୟୁ ମୁଖରୁ ବଞ୍ଚି ଯାଇଛନ୍ତି। ଟ୍ରକର ହେଲପର ସ୍ଥାନୀୟ ପଟ୍ଟାଙ୍ଗି ବ୍ଲକ ସଦର ମହକୁମାର ବୋଲି ଜଣାପଡିଛି ।
Dharitri – The Largest & Most Trusted Odia Daily
