ଆଉ ଏକ ମୁକାବିଲା

କେନ୍ଦ୍ରୀୟ ସଶସ୍ତ୍ର ଆରକ୍ଷୀ ବଳ ଏବଂ କେନ୍ଦ୍ରୀୟ ଆରକ୍ଷୀ ସଂସ୍ଥାଗୁଡ଼ିକରେ ଏସ୍‌ପି ଓ ଡିଆଇଜି ସ୍ତରୀୟ ପୋଲିସ ଅଧିକାରୀମାନଙ୍କର ଅଭାବ ରହିଛି। ଉକ୍ତ ଅଭାବ ପୂରଣ କରିବା ଲାଗି ଏବେ ସ୍ବରାଷ୍ଟ୍ର ମନ୍ତ୍ରଣାଳୟ(ଏମ୍‌ଏଚ୍‌ଏ) ଆଗକୁ ବାହାରିଛି। ଏମ୍‌ଏଚ୍‌ଏ ପ୍ରସ୍ତାବ ଦେଇଛି, ଯେଉଁ ଆଇପିଏସ୍‌ ଅଧିକାରୀମାନେ ଏସ୍‌ପି ଓ ଡିଆଇଜି ସ୍ତର ପଦବୀକୁ କେନ୍ଦ୍ରୀୟ ଡେପୁଟେଶନରେ ଆସୁନାହାନ୍ତି, ଅବଶିଷ୍ଟ କ୍ୟାରିୟର ଲାଗି ସେମାନଙ୍କୁ କୌଣସି କେନ୍ଦ୍ରୀୟ ପଦବୀ ମିଳିବ ନାହିଁ। ଏମ୍‌ଏଚ୍‌ଏର ପ୍ରସ୍ତାବ ଶୁଣିବାକୁ ଭାରି କଡ଼ା ଲାଗୁଛି। ହେଲେ କେନ୍ଦ୍ରରେ ଏସ୍‌ପି ଓ ଡିଆଇଜି ସ୍ତରରେ ୫୦ ପ୍ରତିଶତରୁ ଊର୍ଦ୍ଧ୍ୱ ଖାଲି ପଦବୀକୁ ଲକ୍ଷ୍ୟ କଲେ ମନ୍ତ୍ରଣାଳୟର ଏହା ଏକ ନୈରାଶ୍ୟଜନକ ପଦକ୍ଷେପ ବୋଲି ପ୍ରତୀତ ହେଉଛି। କିନ୍ତୁ ଆଗକୁ ଖୁବ୍‌ ଶୀଘ୍ର ସିଭିଲ ସର୍ଭିସ ନିୟମଗୁଡ଼ିକରେ ସଂଶୋଧନ ହେବାର ଆଉ ଏକ ପ୍ରସ୍ତାବ ରହିଛି। ଏହା ରାଜ୍ୟଗୁଡ଼ିକର ସହମତି କିମ୍ବା ବିନା ସହମତିରେ ଆଇଏଏସ୍‌, ଆଇପିଏସ୍‌ ଏବଂ ଆଇଏଫ୍‌ଏସ୍‌( ଇଣ୍ଡିଆନ୍‌ ଫରେଷ୍ଟ ସର୍ଭିସ) ଅଧିକାରୀଙ୍କୁ କେନ୍ଦ୍ରୀୟ ଡେପୁଟେଶନରେ ନେବାକୁ ଅନୁମତି ଦେବ। ଉକ୍ତ ପଦକ୍ଷେପ ରାଜ୍ୟ ସରକାରଙ୍କ ତୀବ୍ର ବିରୋଧର ସମ୍ମୁଖୀନ ହେବା ସ୍ପଷ୍ଟହେଉଛି। ସେମାନଙ୍କ ଶକ୍ତିକୁ କେନ୍ଦ୍ର ଦୁର୍ବଳ କରୁଛି ବୋଲି ରାଜ୍ୟଗୁଡ଼ିକ ଅଭିଯୋଗ କରୁଛନ୍ତି। ଅନ୍ୟପଟେ ଏମ୍‌ଏଚ୍‌ଏର ବାବୁମାନେ ଯୁକ୍ତି ବାଢୁଛନ୍ତି ଯେ,ଏବକାର ପ୍ରଚଳିତ ଆଇନଗୁଡ଼ିକରେ ଅଧିକାଂଶ ଆଇପିଏସ୍‌ ଅଧିକାରୀ କେବଳ ଆଇଜି ସ୍ତରରେ କେନ୍ଦ୍ରକୁ ଡେପୁଟେଶନରେ ଆସୁଥିବାରୁ ବର୍ତ୍ତମାନ କେନ୍ଦ୍ରରେ ଏସ୍‌ପି ଓ ଡିଆଇଜି ସ୍ତରୀୟ ଅଧିକାରୀଙ୍କ ଅଭାବ ଦେଖାଯାଇଛି। ଏହି ପ୍ରସ୍ତାବ ବିରୋଧରେ ରାଜ୍ୟଗୁଡ଼ିକ ପକ୍ଷରୁ ନିଶ୍ଚିତ ଭାବେ ବିରୋଧର ସ୍ବର ଉଠିବ, ମୁକାବିଲା ସ୍ଥିତି ଉପୁଜିବ।
ବାବୁ ଫେରିଲେ
କେରଳର ବରିଷ୍ଠ ଆଇଏଏସ୍‌ ଅଧିକାରୀ କେ.ଆର୍‌.ଜ୍ୟୋଥିଲାଲଙ୍କୁ ଫେବୃୟାରୀରେ ସାଧାରଣ ପ୍ରଶାସନ ବିଭାଗ (ଜିଏଡି) ସଚିବ ପଦରୁ ହଟାଇ ଦିଆଯାଇଥିଲା। କିଛି ମାସ ଅନ୍ତରରେ ସେ ଏବେ ପୁଣି ତାଙ୍କ ପଦବୀକୁ ଫେରିଛନ୍ତି। କେରଳ ମୁଖ୍ୟମନ୍ତ୍ରୀ ପିନାରୟୀ ବିଜୟନ ଏବଂ ରାଜ୍ୟପାଳ ଅରିଫ୍‌ ମହମ୍ମଦ ଖାଁଙ୍କ ମଧ୍ୟରେ ଉପୁଜିଥିବା ଏକ ଅପ୍ରତ୍ୟାଶିତ ବିବାଦରେ ଜ୍ୟୋଥିଲାଲ ଫସି ଯାଇଥିଲେ। ରାଜଭବନରେ ଜଣେ ରାଜନୈତିକ ବ୍ୟକ୍ତିଙ୍କ ବିବାଦୀୟ ନିଯୁକ୍ତିକୁ ନେଇ ଜ୍ୟୋଥିଲାଲଙ୍କ ଲିଖିତ ଚିଠି ଖାଁଙ୍କୁ ଏତେ କ୍ରୋଧିତ କରିଥିଲା ଯେ, ସେ ବିଧାନସଭାରେ ରାଜ୍ୟପାଳଙ୍କ ଅଭିଭାଷଣରେ ସ୍ବାକ୍ଷର କରିବାକୁ ମନା କରିଦେଇଥିଲେ। ଜ୍ୟୋଥିଲାଲ ଉକ୍ତ ଚିଠିକୁ ରାଜ୍ୟପାଳଙ୍କ ଅତିରିକ୍ତ ପିଏ ଭାବେ ଭାଜପା ନେତା ହରି କରଥାଙ୍କ ନିଯୁକ୍ତି ଆଦେଶ ସହ ରାଜଭବନକୁ ପଠାଯାଇଥିଲା। ରାଜ୍ୟପାଳଙ୍କ ଇଚ୍ଛାନୁସାରେ ସରକାର ଏହି ନିଯୁକ୍ତିକୁ ଅନୁମୋଦନ କରିଥିଲେ ବୋଲି ଉକ୍ତ ଚିଠିରେ ସୂଚିତ ହୋଇଥିବା ଜଣାପଡ଼ିଥିଲା। କେବଳ ଏତିକି ନୁହେଁ, ରାଜ ଭବନରେ ରାଜନେତାଙ୍କ ନିଯୁକ୍ତି ପାଇଁ ନିୟମ ନ ଥିବା ଉଲ୍ଲେଖ କରିବା ଓ ଏହାକୁ ନେଇ ମୁଖ୍ୟମନ୍ତ୍ରୀଙ୍କ ଅସନ୍ତୋଷ ସମ୍ପର୍କରେ ଅବଗତ କରିଥିଲା। ଖାଁ ଏହା ଦେଖି ରାଗିଯାଇଥିଲେ। ସେହି ସମୟରେ ବିଜୟନ ଜ୍ୟୋଥିଲାଲଙ୍କୁ ତାଙ୍କ ପଦବୀରୁ ହଟାଇ ଦେଇଥିଲେ ଏବଂ ଏକ ବଡ଼ ସାମ୍ବିଧାନିକ ସଙ୍କଟ ଟାଳି ଦେଇଥିଲେ। କିନ୍ତୁ ଦୁଇ ମାସ ପରେ ବାବୁ ଜଣକ ପୁଣି ତାଙ୍କ ପୁରୁଣା ପଦବୀକୁ ଫେରି ଆସିଲେ। ତେବେ ଖାଁ ଏବଂ ବିଜୟନଙ୍କ ମଧ୍ୟରେ ଲାଗିଥିବା ବିବାଦ ଏବେ କ’ଣ ଶେଷ ହୋଇଯାଇଛି ବୋଲି ବୁଝିବାକୁ ହେବ ନା ଜ୍ୟୋଥିଲାଲଙ୍କ ପ୍ରତ୍ୟାବର୍ତ୍ତନରେ ରାଜ୍ୟ ସରକାର ଏବଂ ରାଜ୍ୟପାଳଙ୍କ ମଧ୍ୟରେ ପୁନର୍ବାର ଉତ୍ତେଜନା ପ୍ରକାଶ ପାଇବ? ରାଜ୍ୟପାଳଙ୍କ କାର୍ଯ୍ୟାଳୟ ଏହା ଉପରେ ମନ୍ତବ୍ୟ ଦେଇ ନ ଥିବାବେଳେ ମୁଖ୍ୟମନ୍ତ୍ରୀଙ୍କ ଆଗାମୀ କାର୍ଯ୍ୟଧାରା କିମ୍ବା ପଦକ୍ଷେପଗୁଡ଼ିକ ଉଭୟଙ୍କ ମଧ୍ୟରେ ଗୁରୁତ୍ୱପୂର୍ଣ୍ଣ ସମ୍ପର୍କ ବଜାୟ ରଖିବା ପାଇଁ ପ୍ରମୁଖ ଭୂୂମିକା ନେଇପାରେ।
ବରିଷ୍ଠଙ୍କୁ ବଡ଼ ଲାଭ
ହରିୟାଣାରେ ଅନେକ ଅବସରପ୍ରାପ୍ତ ବାବୁ ମୁଖ୍ୟମନ୍ତ୍ରୀ ମନୋହରଲାଲ ଖଟ୍ଟରଙ୍କ ସରକାରରେ ଖୁସିରେ ରହିବାର କାରଣ ହେଉଛି ପୁନଃ ନିଯୁକ୍ତି। ଖଟ୍ଟର ଏକ ଡଜନରୁ ଅଧିକ ଆଇଏଏସ୍‌ ଓ ଆଇପିଏସ୍‌ ଅଧିକାରୀଙ୍କୁ ଅବସର ପରେ ଗୁରୁତ୍ୱପୂର୍ଣ୍ଣ ପଦବୀଗୁଡ଼ିକରେ ପୁନଃ ନିଯୁକ୍ତି ଦେଇଛନ୍ତି। ଅତି ନିକଟରେ ଦୁଇ ପୂର୍ବତନ ଆଇଏଏସ୍‌ ଅଧିକାରୀ ବିଜୟ ବର୍ଦ୍ଧନ ଓ ଏସ୍‌.ଏସ୍‌.ଫୁଲିିଆ ଯଥାକ୍ରମେ ମୁଖ୍ୟ ସୂଚନା କମିଶନର ଏବଂ ସୂଚନା କମିଶନର ଭାବେ ନିଯୁକ୍ତି ପାଇଥିଲେ। ଗତବର୍ଷ ନଭେମ୍ବରରେ ବର୍ଦ୍ଧନ ମୁଖ୍ୟ ଶାସନ ସଚିବ ଭାବେ ଅବସର ଗ୍ରହଣ କରିଥିଲେ। ଚଳିତବର୍ଷ ଜାନୁୟାରୀ ପ୍ରାରମ୍ଭରେ, ପୂର୍ବତନ ଆଇଏଏସ୍‌ ଅଧିକାରୀ ଜ୍ୟୋତି ଆରୋରାଙ୍କୁ ଅବସର ପରେ ସୂଚନା କମିଶନର ଭାବେ ଅବସ୍ଥାପିତ କରାଯାଇଥିଲା। ଏଭଳି ନିଯୁକ୍ତି ତାଲିକା ଖୁବ୍‌ ଲମ୍ବା।
ଖଟ୍ଟର ବରିଷ୍ଠ ବାବୁମାନଙ୍କୁ ଅବସର ପରେ ସରକାରରେ କାର୍ଯ୍ୟ କରିବାକୁ ପୁନର୍ବାର ସେମାନଙ୍କୁ ଫେରାଇ ଆଣୁଛନ୍ତି। ପୂର୍ବତନ ମୁଖ୍ୟ ଶାସନ ସଚିବ କେସନି ଆନନ୍ଦ ଆରୋରାଙ୍କୁ ମଧ୍ୟ ଅବସର ପରେ ସମାନ ପ୍ରକାରେ ହରିୟାଣା ଜଳ ସଂସାଧନ ପ୍ରାଧିତ୍କରଣର ଅଧ୍ୟକ୍ଷ କରାଯାଇଥିଲା। ପରକୁ ପର ହରିୟାଣାରେ ଏଭଳି ନିଯୁକ୍ତି ଚାଲିଛି। ଏହା ସମ୍ପୂର୍ଣ୍ଣ ଠିକ୍‌ ବୋଲି ସ୍ବୀକୃତ ହେଉଥିବାବେଳେ , ଏହା ନିଃସନ୍ଦେହ ଏବଂ ସ୍ପଷ୍ଟ ବୁଝାପଡ଼ୁଛି ଯେ, କିଛି ବାବୁଙ୍କୁ ସେମାନଙ୍କ ସାଥୀ ତୁଳନାରେ ଭଲ ପଦବୀ ମିଳିଯାଉଛି।
Email: dilipcherian@gmail.com


Enter your email to get our daily news in your inbox.

All Right Reserved By Dharitri.Com

ସମାଧାନ ନୁହେଁ ଫର୍ଟିଫାଏଡ ଚାଉଳ

ପୁଷ୍ଟି ସୁରକ୍ଷା ପାଇଁ ଖାଦ୍ୟ ବିବିଧତାର ଭୂମିକା ରହିଛି। ଖାଦ୍ୟରେ ବିବିଧତାର ଅଭାବ ଯୋଗୁ ଶିଶୁମାନଙ୍କ ମଧ୍ୟରେ ବିଭିନ୍ନ ପ୍ରକାର ଅପପୁଷ୍ଟି ଯଥା ବୟସ ଅନୁସାରେ...

ଆନ୍ଦୋଳନକୁ ଅଣଦେଖା

ଆକାର ପଟେଲ ଚଳିତ ମାସ ଶେଷଆଡ଼କୁ, ଅର୍ଥାତ୍‌ ୨୬ ସେପ୍ଟେମ୍ବରରେ ସଂଯୁକ୍ତ କିଷାନ ମୋର୍ଚ୍ଚା କୃଷି ଆଇନଗୁଡ଼ିକ ପ୍ରତ୍ୟାହାର ଦାବିରେ ଭାରତ ବନ୍ଦ ଡାକରା ଦେଇଛି।...

ଆବଶ୍ୟକ ମଣ୍ଡି ସଂସ୍କାର

ପ୍ରଫେସର ଦିଗମ୍ବର ପାତ୍ର ଧାନ କ୍ରୟ ସମୟରେ ଓଡ଼ିଶାର ବିଭିନ୍ନ ଏଜେଣ୍ଟଙ୍କ ମାଧ୍ୟମରେ ମିଲର୍‌ ଏବଂ ରାଜନୈତିକ ଗୋଷ୍ଠୀ ମଧ୍ୟରେ ସୁସମ୍ପର୍କ ଜଣାଶୁଣା। ରାଜ୍ୟ ସରକାର...

ଏଇ ଭାରତରେ

କୃଷି ବର୍ଜ୍ୟରୁ କପଡ଼ା ପ୍ରସ୍ତୁତ ହେବା କଥା ଶୁଣି ଆଶର୍ଯ୍ୟ ଲାଗୁଛି, ହେଲେ ଏହା ମୁମ୍ବାଇର କୌଶିକଙ୍କ ବରଦାନଙ୍କ ଦ୍ୱାରା ସମ୍ଭବ ହୋଇପାରିଛି। ଟେକ୍ସଟାଇଲ ଇଣ୍ଡଷ୍ଟ୍ରିରେ...

ଏଇ ଭାରତରେ

ଜଣେ ଅପରାଧୀଙ୍କ ଜୀବନରେ ଆସିଥିବା ଅବିଶ୍ୱସନୀୟ ପରିବର୍ତ୍ତନ ଓ ତାଙ୍କ ନିଆରା ସେବା ସମାଜ ପାଇଁ ବାସ୍ତବ ପ୍ରେରଣାଦାୟକ। ଏହି ବ୍ୟକ୍ତି ଜଣକ ହେଉଛନ୍ତି ଉତ୍ତରପ୍ରଦେଶ...

ଅଙ୍ଗଦାନ ମହାପୁଣ୍ୟ

ଡା. ଉମେଶ ଚନ୍ଦ୍ର ପାତ୍ର ଅଙ୍ଗଦାନ ଏପରି ଏକ ପ୍ରକ୍ରିୟା ଯେଉଁଥିରେ ଜଣେ ବ୍ୟକ୍ତି (ମୃତ ଓ ଜୀବିତ) ଠାରୁ ସୁସ୍ଥ ଅଙ୍ଗ ଏବଂ ଟିସୁକୁ...

ଗଣତନ୍ତ୍ର ଉପରେ ପେଗାସସ୍‌ ଆକ୍ରମଣ

ଭାଲଚନ୍ଦ୍ର ଷଡ଼ଙ୍ଗୀ ଭାରତ ସମେତ ବିଶ୍ୱର ୫୦ଟି ଦେଶର ପଚାଶ ହଜାରରୁ ଊର୍ଦ୍ଧ୍ୱ ବ୍ୟକ୍ତିଙ୍କ ମୋବାଇଲ୍‌ ଫୋନ୍‌କୁ ପେଗାସସ୍‌ ସଫ୍ଟୱେର ମାଧ୍ୟମରେ ହ୍ୟାକିଂ କରି ସରକାରଙ୍କ...

ପୀରାହାଟ ଓ ପଞ୍ଚୁଟିକ୍ରିରେ ଗାନ୍ଧୀ

ଶ୍ରୀମନ୍ତ ଖୁଣ୍ଟିଆ ମହାତ୍ମା ଗାନ୍ଧୀ ଓଡ଼ିଶାକୁ ୮ ଥର ଆସିଛନ୍ତି। ସେଥିମଧ୍ୟରୁ ଭଦ୍ରକ ଜିଲାକୁ ୩ ଥର ଆସିଛନ୍ତି। ତନ୍ନଧ୍ୟରୁ ହରିଜନ ପଦଯାତ୍ରା ଓ ଖଦିର...

Advertisement
Archives

Model This Week