Advertisement

ରାୟଗଡ଼ାରେ ପ୍ରାଚୀନ ଗୁମ୍ଫା, ପଥରର ସନ୍ଧାନ

ରାୟଗଡ଼ା ଅଫିସ,୪ା୧୧: ରାୟଗଡ଼ା ସହର ନିକଟବର୍ତ୍ତୀ ଅଞ୍ଚଳରେ ପ୍ରାଚୀନ ସଭ୍ୟତାର ସନ୍ଧାନ ମିଳିଛି। ଦିଲ୍ଲୀ ବିଶ୍ୱବିଦ୍ୟାଳୟ ଇତିହାସ ବିଭାଗର ପିଏଚ୍‌.ଡି. ଛାତ୍ର ଲୋକେଶ ଦୁର୍ଗା ଏବଂ ସ୍ବାଧୀନ ଭାବେ ଗବେଷଣା କରୁଥିବା ତାଙ୍କର ୨ ସହଯୋଗୀ ଦମୟନ୍ତୀ ବାଗ ଏବଂ ପ୍ରତାପ କୁମାର ବିଶ୍ୱାଳ ଅନୁସନ୍ଧାନ ବେଳେ ଉକ୍ତ ଅଞ୍ଚଳରୁ ପ୍ରାଚୀନ କାଳର ୨ ଗୁମ୍ଫା ଏବଂ କିଛି ପଥର ପାଇଛନ୍ତି। ଲୋକେଶଙ୍କଠାରୁ ମିଳିଥିବା ରିପୋର୍ଟ ଅନୁଯାୟୀ, ନାଗାବଳୀ ନଦୀ ଅବବାହିକାରେ ପ୍ରାଚୀନ ସଭ୍ୟତା ରହିଛି।
ନିକଟରେ ଗବେଷକ ଟିମ୍‌ ଏହି ସ୍ଥାନରେ ଅନୁସନ୍ଧାନ କରିଥିଲେ। ପ୍ରାରମ୍ଭିକ ପର୍ଯ୍ୟାୟ ଅନୁସନ୍ଧାନ ବେଳେ ଡୁମାଗୁଡ଼ା ପାହାଡ଼ରୁ ପଥରରେ ନିର୍ମିତ ଅନେକ ହତିଆର ସହ ସେତେବେଳର ମାନବ ବସବାସ କରୁଥିବା ଦୁଇଟି ଗୁମ୍ଫାର ସନ୍ଧାନ ପାଇଥିଲେ। ଉକ୍ତ ପଥର ଗୁଡ଼ିକ ପୁରାତନ ପ୍ରସ୍ତରଯୁଗର ବୋଲି ଗବେଷକ ଟିମ୍‌ ଅନୁମାନ କରୁଛନ୍ତି। ଉକ୍ତ ଗବେଷଣା ସମ୍ପର୍କରେ ‘କ୍ୱାର୍ଟରଲି ଜର୍ନାଲ ଅଫ୍‌ ଦି ମିଥିକ ସୋସାଇଟି(ବାଙ୍ଗାଲୋର)’ରେ ପ୍ରକାଶ ପାଇଥିଲା। ଅନୁସନ୍ଧାନକାରୀ ଦଳ ପ୍ରଥମେ ପାହାଡ଼ ତଳୁ ୩୦ ମିଟର ଦୂରରେ ଏକ ଗୁମ୍ଫା ପାଇଥିଲେ। ପରେ ପ୍ରଥମ ଗୁମ୍ଫାଠାରୁ ୨୦୦ ମିଟର ଦୂରରେ ସେମାନେ ଆଉ ଏକ ଗୁମ୍ଫାର ସନ୍ଧାନ ପାଇଥିଲେ। ଏଠାରେ ପଥର ନିର୍ମିତ ଏକ ପ୍ଲାଟ୍‌ଫର୍ମ ମଧ୍ୟ ରହିଛି। ଉକ୍ତ ପ୍ଲାଟ୍‌ଫର୍ମ ସିଧାସଳଖ ଦ୍ୱିତୀୟ ଗୁମ୍ଫାକୁ ସଂଯୋଗ କରୁଥିବା ଲୋକେଶ କହିଛନ୍ତି। ରିପୋର୍ଟ ଅନୁଯାୟୀ, ଗୁମ୍ଫାରେ ଗ୍ରାନାଇଟ, ଖାଣ୍ଡୋଲାଇଟ, କ୍ୱାର୍ଟଜାଇଟ, ଚିସେଲ, ହାଣ୍ଡେକ୍ସ ଏବଂ ବ୍ଲେଡ୍‌ ଆଦି ରହିଛି। ତେବେ ଟିମ୍‌ ପକ୍ଷରୁ ଏହା ପ୍ରାଥମିକ ସର୍ବେକ୍ଷଣ ଥିଲା। ଏବେ କୌଣସି ସିଦ୍ଧାନ୍ତରେ ଉପନୀତ ହେବା ଉଚିତ ନୁହେଁ ବୋଲି ଲୋକେଶ କହିଛନ୍ତି। ଏହା ବ୍ୟତୀତ ରାୟଗଡ଼ା ସହର ଠାରୁ ମାତ୍ର ୨୦ କି.ମି. ଦୂରରେ ପ୍ରବାହିତ ହେଉଥିବା ଝଞ୍ଜାବତୀ ନଦୀ ନିକଟରୁ ଅନ୍ୟ ଏକ ବିଚିତ୍ର ପଥରର ସନ୍ଧାନ ମିଳିଛି। ଏହା ମନୁଷ୍ୟ ଆକୃତିର ରହିଛି। ରାୟଗଡ଼ା ସହରର ଚତୁଃପାର୍ଶ୍ୱରେ ଅନେକ ପ୍ରାଚୀନ ଗୁମ୍ଫା ରହିଛି। କୃଷି କାର୍ଯ୍ୟ ଏବଂ ଆଧୁନିକ ଯୁଗରେ ବିଭିନ୍ନ ସ୍ଥାନରେ କୋଠା ନିର୍ମାଣ ଯୋଗୁ ଏହି ଗୁମ୍ଫାଗୁଡ଼ିକ ନଷ୍ଟ ହୋଇଯାଉଛି। ଏଗୁଡ଼ିକୁ ସଂରକ୍ଷଣ କରାଗଲେ ଭବିଷ୍ୟତରେ ଗବେଷକଙ୍କ ପାଇଁ ଉପଯୋଗୀ ହୋଇପାରିବ ଏବଂ ଏହି ଅଞ୍ଚଳ ଏକ ପର୍ଯ୍ୟଟନସ୍ଥଳ ପାଲଟିବ ବୋଲି ଗବେଷକମାନେ ପ୍ରକାଶ କରିଛନ୍ତି।


Enter your email to get our daily news in your inbox.

All Right Reserved By Dharitri.Com

କେରଳରୁ ଫେରିବାକୁ ଦିନ ଗଣୁଛନ୍ତି ୩୦ ଓଡ଼ିଆ

କେନ୍ଦୁଝର,୩ା୫(ସ୍ବ.ପ୍ର.)-କରୋନା ଲକ୍‌ଡାଉନ ଯୋଗୁ କେରଳରେ ଫସିଥିବା ୩୦ ଓଡ଼ିଆ ଶ୍ରମିକ ଜନ୍ମ ସ୍ଥାନକୁ ଫେରିବା ପାଇଁ ଦିନ ଗଣୁଛନ୍ତି। ଏନେଇ ସେମାନେ କେନ୍ଦ୍ର ଓ ରାଜ୍ୟ...

ବୋଲେରୋ ଲୁଟି ନେବାବେଳେ ଦୁର୍ଘଟଣା: ପଥଚାରୀ ବାପା, ଝିଅ, ପୁଅଙ୍କ ଜୀବନ ଗଲା

ଯୋଡା, ୨୮।୧୦(ଡି.ଏନ.ଏ.)-ଏକ ବୋଲେରୋ ଲୁଟ୍‌ କରି ଫେରାର ହୋଇଯିବା ବେଳେ ଚାଳକ ଭାରସାମ୍ୟ ହରାଇବାରୁ ରାସ୍ତାରେ ଯାଉଥିବା ଲୋକଙ୍କ ଉପରେ ଏହା ମାଡ଼ି ଯାଇଥିଲା। ଫଳରେ...

ଧରିତ୍ରୀରେ ପ୍ରକାଶିତ ଖବର ମୁଖ୍ୟମନ୍ତ୍ରୀଙ୍କୁ ଟୁଇଟ୍‌ କଲେ ସାମାଜିକ କର୍ମୀ

ବରଗଡ଼ ଅଫିସ୍‌,୫।୫-ଉତ୍ତରପ୍ରଦେଶର ନୋଇଡ଼ାସ୍ଥିତ ଆର୍ଷ ଗୁରୁକୁଳରେ ବରଗଡ଼ ଜିଲାର ୪୨ଜଣ ଛାତ୍ରୀଛାତ୍ର ଫସି ରହିଛନ୍ତି। ଏ ନେଇ ଅଭିଭାବକମାନେ ସ୍ଥାନୀୟ ପ୍ରଶାସନ ନିକଟରେ ଦୃଷ୍ଟି ଆକର୍ଷଣ...

ଚାଷୀଙ୍କୁ ମିଳୁନି, କଳାବଜାର ଆଶଙ୍କା

ଢେଙ୍କାନାଳ ଅଫିସ, ୧୨।୯ – ଢେଙ୍କାନାଳରେ ୟୁରିଆ ସାରର ବ୍ୟାପକ ଅଭାବ ଦେଖାଦେଇଛି। ଜିଲାର ଅଧା ଚାଷୀ ସାର ପାଇନାହାନ୍ତି। ଧାନଚାଷ ଶେଷ ପର୍ଯ୍ୟାୟରେ ପହଞ୍ଚତ୍ଥିବାବେଳେ...

ଜମି ଅଧିଗ୍ରହଣକୁ ବିରୋଧ: ୭୦ କିମି ପଦଯାତ୍ରାରେ ଆସି ଧାରଣା ଦେଲେ ଆଦିବାସୀ

ସୁନ୍ଦରଗଡ଼,୨୧।୧୦(ଡି.ଏନ୍‌.ଏ.): ସୁନ୍ଦରଗଡ଼ ଜିଲା ରାଜଗାଙ୍ଗପୁରରେ ଥିବା ଏକ ଘରୋଇ କମ୍ପାନୀର ଚୂନ ପଥର ଖଣି ସମ୍ପ୍ରସାରଣ ପାଇଁ ଜମି ଅଧଗ୍ରହଣ ପ୍ରକ୍ରିୟାକୁ ବିରୋଧ କରି ଆଦିବାସୀ...

ଜଙ୍ଗଲରୁ ୬ ଜୁଆଡି ଗିରଫ

ଭଞ୍ଜନଗର,୨୨।୫(ଡି.ଏନ୍‌.ଏ.)- ତାରସିଂ ପୋଲିସ ଗୁରୁବାର ଲେମ୍ବେଇ ନିକଟସ୍ଥ ଜଙ୍ଗଲରେ ଚଢ଼ାଉ କରି ୬ ଜୁଆଡ଼ିଙ୍କୁ ଗିରଫ କରି ସେମାନଙ୍କ ୯ ହଜାର ୨୬୦ ଟଙ୍କା, ୬ଟି...

କୃଷି ତାଲିମ କାର୍ଯ୍ୟକ୍ରମ: କେସିଙ୍ଗାରୁ ଗଲେ ୨୫ ଚାଷୀ

କେସିଙ୍ଗା,୧୦।୯(ଡି.ଏନ୍‌.ଏ.): ଆତ୍ମା ଯୋଜନା କଳାହାଣ୍ଡି ଆନୁକୂଲ୍ୟରେ କେସିଙ୍ଗା ବ୍ଲକର ମହିଳା ଖାଦ୍ୟ ନିରାପତ୍ତା ଦଳର ୮ଜଣ ମହିଳା ଓ ୧୭ ଚାଷୀଙ୍କୁ ବୌଦ୍ଧ ଜିଲାର ପାଲିଝରସ୍ଥିତ...

ରଣପୁର ରଥ ଯାତ୍ରା ପାଇଁ ପ୍ରସ୍ତୁତି: ରଣପୁର ଜଙ୍ଗଲରେ ମିଳୁନି ରଥ କାଠ

ରଣପୁର,୪ା୬(ସ୍ବ.ପ୍ର.)-ଓଡିଶାର ଦ୍ୱିତୀୟ ଶ୍ରୀ କ୍ଷେତ୍ର ଭାବେ ପରିଚିତ ରଣପୁର ରଥଯାତ୍ରା ପାଇଁ ଦେବୋତ୍ତର ବିଭାଗ ତରଫରୁ ସୋମବାର ରଣପୁର ବ୍ଲକ ସଭାଗୃହରେ ଏକ ପ୍ରସ୍ତୁତି ବୈଠକ...

Advertisement
Archives

Model This Week