ଅନନ୍ୟା ପାଣ୍ଡେ ଏବେ ଅନୁତାପ କରୁଛନ୍ତି। ହେଲେ କ’ଣ ହେବ ? ବୋହିଗଲା ପାଣି ଆଉ ଧନୁରୁ ବାହାରି ଯାଇଥିବା ତୀର କ’ଣ ଫେରିଆସେ ? ଅସଲ କଥା ହେଲା, ନିକଟରେ ଅନନ୍ୟାଙ୍କୁ ଏକ ନୂଆ ସିନେମାରେ ଅଭିନୟ କରିବାକୁ ଅଫର ମିଳିଥିଲା। ନିଜ ଭୂମିକା ବିଷୟରେ ଜାଣିବା ପରେ ଖୁସିରେ ଉଛୁଳି ଉଠିଥିଲେ ସେ। ହେଲେ ଏହି ଫିଲ୍ମରେ ସଂଯୋଜିତ ହେବାକୁ ଥିବା ଏକ ଆଇଟମ୍ ନମ୍ବର ତାଙ୍କର ଟେନ୍ସନ ବଢ଼ାଇ ଦେଇଥିଲା। ସେପଟେ ଦେଖିଲା ବେଳକୁ ଏହି ଗୀତର ସଂଯୋଗ କାହାଣୀ ସହ ରହିଛି। କିନ୍ତୁ ଏପରି ଗୀତରେ ନାଚିବାକୁ ରାଜି ହୋଇ ନଥିଲେ ଅନନ୍ୟା। କେବଳ ସେତିକି ନୁହେଁ, ଅଫରଟିକୁ ମଧ୍ୟ ହାତଛଡ଼ା କରିଥିଲେ। ହେଲେ ଏବେ ସେପରି ନିଷ୍ପତ୍ତିକୁ ନେଇ ଅନୁତାପ କରୁଛନ୍ତି ସେ। ‘ଅଫରଟିକୁ ରେଡ୍ ସିଗ୍ନାଲ ଦେଖାଇବା ପରେ ଏବେ ମୁଁ ଭାବୁଛି ଯେ ସେପରି ଡିସିସନ ବିଷୟରେ ଭଲ ଭାବରେ ଚିନ୍ତା କରିଥିଲେ ହୋଇଥାଆନ୍ତା। ହେଲେ ଏବେ ଆଉ କିଛି କରିହେବ ନାହିଁ। ସାମାନ୍ୟ ଭୁଲ ପାଇଁ ଭଲ ଭୂମିକାଟିଏ ହାତରୁ ଖସିଗଲା ବୋଲି କହନ୍ତି ଅନନ୍ୟା।’
