ବିହାରର କେନାଲ୍ ମ୍ୟାନ୍ କୁହାଯାଉଥିବା ଲାଉଙ୍ଗି ଭୁୟାଁଙ୍କ ଟ୍ରାକ୍ଟର ଉପହାର ଦେଇଛନ୍ତି ବିଶିଷ୍ଟ ଶିଳ୍ପପତି ଆନନ୍ଦ ମହିନ୍ଦ୍ରା। ଗୟା ଜିଲାର ଲହଥୁଆ ଅଞ୍ଚଳର କୋଠିଲାୱା ଗାଁରେ ବାସ କରୁଥିବା ଲାଉଙ୍ଗି ୩୦ ବର୍ଷର ଅକ୍ଲାନ୍ତ ପରିଶ୍ରମ ପରେ ସେ ପାହାଡ କାଟି ୩ କିଲୋମିଟରର ଲମ୍ବା ଏକ କେନାଲ ତିଆରି କରିଛନ୍ତି। ପାହାଡରୁ ବର୍ଷା ଜଳ ନିଜ ଗାଁ କ୍ଷେତକୁ ଆଣିବା ପାଇଁ ସେ ଏହା କରିଛନ୍ତି। ଫଳରେ ଗାଁର ୩ ହଜାର ଲୋକ ଏଥିରୁ ଉପକୃତ ହେଉଛନ୍ତି। ଆନନ୍ଦ ମହିନ୍ଦ୍ରା ଲାଉଙ୍ଗିଙ୍କ କାର୍ଯ୍ୟରେ ଖୁସି ହୋଇ ତାଙ୍କୁ ଏକ ମହିନ୍ଦ୍ରା ଟ୍ରାକ୍ଟର ଉପହାର ଦେଇଛନ୍ତି। ଏନେଇ ସେ ଟୁଇଟ୍ କରି ସୂଚନା ଦେଇଛନ୍ତି। ପୂର୍ବରୁ ରୋହିନ କୁମାର ନାମକ ଜଣେ ବ୍ୟକ୍ତି ଲାଉଙ୍କିଙ୍କୁ ଟ୍ରାକ୍ଟର ଯୋଗାଇଦେବା ପାଇଁ ଆନନ୍ଦ ମହିନ୍ଦ୍ରାଙ୍କୁ ଟୁଇଟ୍ ଯୋଗେ କହିଥିଲେ। ଏହାର ଜବାବରେ ଲାଉଙ୍ଗିଙ୍କୁ ଟ୍ରାକ୍ଟର ଉପହାର ଦେଲେ ମୋର ସୌଭାଗ୍ୟ ହେବ ବୋଲି ଆନନ୍ଦ କହିଥିଲେ। ଏବେ ଟ୍ରାକ୍ଟର ଲାଉଙ୍ଗିଙ୍କ ଘରେ ପହଞ୍ଚିବା ପରେ ଆନ୍ଦ ନିଜ ଟିମ୍ ଉପରେ ଖୁସି ବ୍ୟକ୍ତ କରିଛନ୍ତି। ପ୍ରତିଦିନ ଘରୁ ଜଙ୍ଗଲରେ ପହଞ୍ଚି କେନାଲ ଖୋଳୁଥିଲେ। ତାଙ୍କ ପରିବାର ଏହା କରିବାକୁ ବାରଣ କରିଥିଲେ। କିନ୍ତୁ ଭୁୟାଁ କାହା କଥା ଶୁଣି ନ ଥିଲେ। ଭୁୟାଁ ନିଜେ କହିଛନ୍ତି ଯେ ତାଙ୍କ ସ୍ତ୍ରୀ, ପୁଅ ଏବଂ ବୋହୂ ସମସ୍ତେ ଏହି କାମରୁ ତାଙ୍କୁ ଅଟକାଇବାକୁ ଚେଷ୍ଟା କରିଥିଲେ, କାରଣ ଏଥିରୁ କିଛି ତାଙ୍କୁ ପାରିଶ୍ରମିକ ମିଳୁ ନ ଥିଲା। ଏକ ସମୟରେ ଲୋକମାନେ ତାଙ୍କୁ ପାଗଳ ବୋଲି କହିବା ଆରମ୍ଭ କଲେ, କିନ୍ତୁ ଆଜି ପାଣି ଆସିବା ପରେ ସମସ୍ତେ ତାଙ୍କୁ ପ୍ରଶଂସା କରୁଛନ୍ତି। ସେ କହିଥିଲେ, ପୂର୍ବରୁ ମୁଁ ଚାଷ କାର୍ଯ୍ୟ କରୁଥିଲି। ପୁଅ କାମ ଖୋଜିବାକୁ ସହରକୁ ଗଲା, ଗାଁର ଅଧିକାଂଶ ଲୋକ ମଧ୍ୟ କାମ କରିବାକୁ ବାହାରକୁ ଗଲେ। ଦିନେ ଛେଳି ଚରାଇବା ବେଳେ ମୁଁ ଭାବିଲି ଯଦି ଗାଁକୁ ପାଣି ଆସିଯିବ ତେବେ ଲୋକେ ଆଉ ବାହାରକୁ ଖଟିବାକୁ ଯିବେ ନାହିଁ। ସେବେଠାରୁ ମୁଁ କେବଳ ଖୋଳିବା ଆରମ୍ଭ କଲି ବୋଲି ଲାଉଙ୍ଗି କହିଛନ୍ତି।
You & your team are simply the best @hsikka1 Can’t believe I proposed gifting Laungi Bhuiyan—Bihar’s ‘CanalMan”—a tractor only yesterday morning & by late yesterday evening you had delivered it to him! Well done, & my gratitude to our dealer partner as well. pic.twitter.com/EFCBsrgPq2
— anand mahindra (@anandmahindra) September 20, 2020
