ମହିନ୍ଦ୍ରା ଗ୍ରୁପ ଚେୟାରମ୍ୟାନ ଆନନ୍ଦ ମହିନ୍ଦ୍ରା ସୋସିଆଲ ମିଡିଆରେ ପ୍ରାୟତଃ ସକ୍ରିୟ ଥାନ୍ତି। କେବଳ ଏତିକି ନୁହେଁ, ଆନନ୍ଦ ମହିନ୍ଦ୍ରା ମଧ୍ୟ ଲୋକଙ୍କୁ ଅନେକ ସମୟରେ ସାହାଯ୍ୟ କରନ୍ତି। କିଛି ସମୟ ପୂର୍ବରୁ ଏକ ଭିଡିଓ ଭାଇରାଲ ହୋଇଥିଲା। ଏହି ଭିଡିଓରେ ଚିକୁ ନାମକ ଏକ ଶିଶୁ ମହିନ୍ଦ୍ରା ଥର ଗାଡିକୁ ମାତ୍ର ୭୦୦ ଟଙ୍କାରେ କିଣିବାକୁ ଚାହୁଁଥିଲେ। ସେ ହୁଏତ ଏତିକି ଟଙ୍କାରେ କମ୍ପାନୀରୁ କାର୍ ପାଇ ନ ଥିବେ, କିନ୍ତୁ ମହିନ୍ଦ୍ରା କମ୍ପାନୀ ନିଶ୍ଚିତ ଭାବରେ ପିଲାଟିକୁ ଏକ ବଡ଼ ସୁଯୋଗ ଦେଇଛି। ସେ ଏବଂ ତାଙ୍କ ପରିବାର ଏହି ଘଟଣାକୁ କେବେ ବି ଭୁଲି ପାରିବେ ନାହିଁ।
ଚିକୁ ପୁଣେ ନିକଟସ୍ଥ ଚାକାନରେ ଅବସ୍ଥିତ ମହିନ୍ଦ୍ରା ପ୍ଲାଣ୍ଟ୍ ପରିଦର୍ଶନ କରିବାର ସୁଯୋଗ ପାଇଲେ। ଏହାର ଏକ ଅତି ସୁନ୍ଦର ଭିଡିଓ ମହିନ୍ଦ୍ରା ଗ୍ରୁପ ଚେୟାରମ୍ୟାନ ଆନନ୍ଦ ମହିନ୍ଦ୍ରା ନିଜେ ଏକ୍ସରେ ପୋଷ୍ଟ କରିଛନ୍ତି, ଯାହାକ୍ ଭାଇରାଲ ହେଉଛି। ଏହି ଭିଡିଓରେ ପ୍ରଥମେ ପୁରୁଣା କ୍ଲିପ ଦୃଶ୍ୟମାନ ହେଉଛି, ଯେଉଁଥିରେ ଚିକୁ ତାଙ୍କ ପିତାଙ୍କ ସହ ୭୦୦ ଟଙ୍କାରେ ଥାର କିଣିବା ବିଷୟରେ କଥାବାର୍ତ୍ତା କରୁଛନ୍ତି। ଏହି ପ୍ଲାଣ୍ଟ ପରିଦର୍ଶନ କରି ବେଳେ ସେ ବହୁତ ଖୁସି ଥିଲେ।
ଆମର ଶ୍ରେଷ୍ଠ ବ୍ରାଣ୍ଡ ଆମ୍ବାସାଡରମାନଙ୍କ ମଧ୍ୟରୁ ଜଣକୁ ହୋଷ୍ଟ କରିଥିବାରୁ @ ashakharga1 ଏବଂ Team @mahindraauto ଧନ୍ୟବାଦ!
ଭାଇରାଲ ଭିଡିଓରେ ଚିକୁ ତାଙ୍କ ପ୍ରିୟ କାରରେ ମହିନ୍ଦ୍ରାଙ୍କ କାର ପ୍ଲାଣ୍ଟରେ ପହଞ୍ଚିଛନ୍ତି। ପ୍ଲାଣ୍ଟରେ ଉପସ୍ଥିତ ଥିବା ଲୋକମାନେ ତାଙ୍କୁ ଉତ୍ସାହର ସହିତ ସ୍ବାଗତ କରିଛନ୍ତ। ଏହି ପୁରା ଭିଡିଓରେ ସେ ବହୁତ ଖୁସି ଦେଖାଯାଉଛନ୍ତି। ସେ ପ୍ଲାଣ୍ଟ କର୍ମଚାରୀଙ୍କ ସହ କଥାବାର୍ତ୍ତା କରନ୍ତି, ଉତ୍ସାହର ସହିତ ସବୁକିଛି ପଚାରନ୍ତି ଏବଂ ଦେଖନ୍ତି । ଆନନ୍ଦ ମହିନ୍ଦ୍ରାଙ୍କ ଦ୍ୱାରା ଶେୟାର ହୋଇଥିବା ଏହି ଭିଡିଓକୁ ଲୋକମାନେ ବହୁତ ପସନ୍ଦ କରୁଛନ୍ତି।
