ବିଫଳତା ଲୁଚାଇବାକୁ ବାହାନା

ବଇଣ୍ଡା,୨୯ା୯ (ପରିକ୍ଷିତ ସାହୁ)

ବିପଦସଙ୍କୁଳ ଅବସ୍ଥାରେ ଅତି ତଳକୁ ଝୁଲିରହିଛି ବିଦ୍ୟୁତ୍‌ ତାର। ମୁକୁଳା ପଡ଼ିଛି ଟ୍ରାନ୍ସଫର୍ମର ଚତୁଃପାର୍ଶ୍ୱ। ଅନେକ ସ୍ଥାନରେ କାଠ, ବାଉଁଶ ଖୁଣ୍ଟିରେ ଯୋଗାଯାଇଛି ସେବା। ଅନୁଗୋଳ ଜିଲା ଆଠମଲ୍ଲିକ ଉପଖଣ୍ଡର ବହୁ ଗାଁରେ ଅସଜଡ଼ା ବିଦ୍ୟୁତ୍‌ ବ୍ୟବସ୍ଥାର ଏପରି ଚିତ୍ର ବାରମ୍ବାର ଦେଖିବାକୁ ମିଳୁଛି। ଏପରି କି ମାସେ ହେଲା ଉପଖଣ୍ଡର ୨୬ଟି ଟ୍ରାନ୍ସଫର୍ମର ପୋଡ଼ିଯାଇଥିଲେ ମଧ୍ୟ ତାହାକୁ ବଦଳାଯାଉ ନାହିଁ। ସହସ୍ରାଧିକ ଲୋକ ଏହି ଜରୁରୀ ସେବାରୁ ବଞ୍ଚିତ ରହିଥିବାବେଳେ ଭିତ୍ତିଭୂମି ସଜାଡିବାରେ ଦାୟିତ୍ୱରେ ଥିବା ସଂସ୍ଥା ବିଫଳ ହୋଇଥିବା ଅଭିଯୋଗ ହେଉଛି। ହେଲେ ନିଜ ବିଫଳତା ଲୁଚାଇବାକୁ ଉକ୍ତ ସଂସ୍ଥା ନାନା ବାହାନା କରୁଥିବା ଉପଭୋକ୍ତାମାନେ କହିଛନ୍ତି। ଉତ୍ତମ ସେବା ବଦଳରେ କେବଳ ବିଲ୍‌ ଆଦାୟ ଉପରେ ଜୋର୍‌ ଦିଆଯାଉଥିବାରୁ ଆଠମଲ୍ଲିକ ଉପଖଣ୍ଡରେ ଅସନ୍ତୋଷ ଦେଖାଦେଇଛି।
ଆଠମଲ୍ଲିକ ଉପଖଣ୍ଡର କିଶୋରନଗର ଓ ଆଠମଲ୍ଲିକ ବ୍ଲକ ଅଞ୍ଚଳରେ ୨୬ଟି ଟ୍ରାନ୍ସଫର୍ମର ମାସେ ତଳୁ ପୋଡିଯାଇଛି। ଫଳରେ ଶତାଧିକ ଗ୍ରାମବାସୀ ବିନା ବିଦ୍ୟୁତ୍‌ରେ ଅଛନ୍ତି। ବହୁ ହେକ୍ଟର ଜମିକୁ ପାଣି ମାଡ଼ିପାରୁ ନାହିଁ। କିଶୋରନଗର ବ୍ଲକ ବାମୁର ବିଦ୍ୟୁତ୍‌ ବିଭାଗ ଅଧୀନରେ ଥିବା ଆମ୍ବପାଳ ଗ୍ରାମର ୬୩ କେଭି ଟ୍ରାନ୍ସଫର୍ମର, ରେଙ୍ଗାଳବେଡ଼ାର ୨୫ କେଭି ଟ୍ରାନ୍ସଫର୍ମର, ସୁସବ ଗ୍ରାମର ୨୫ କେଭି, ଭାଙ୍ଗମୁଣ୍ଡା ଗ୍ରାମର ୨୫ କେଭି, ପିପଳମୁଣ୍ଡା ଗ୍ରାମର୨୫ କେଭି, ମାଣିକପୁର ଗ୍ରାମର ୧୬ କେଭି, ଅଙ୍ଗପଡା ଗ୍ରାମର ୬୩ କେଭି, ଧଡରପାଳ ଗ୍ରାମର ୧୬ କେଭି, ପୁରୁଣାପାଣି ଗ୍ରାମର ୧୬ କେଭି, ନତଡା ଗ୍ରାମର ଏଲ୍‌ଆଇ ପଏଣ୍ଟ ପାଇଁ ଲାଗିଥିବା ୨୫ କେଭି, ବଅଁରନାଳି ଗ୍ରାମର ୨୫ କେଭି ଓ ୬୩ କେଭି, ପର୍ଶୁମାଳ ଗ୍ରାମର ୬୩ କେଭି, ଜଏରାଟର ୧୬ କେଭି, ଓସ୍କାପାଲି ପଞ୍ଚାୟତ ବାଲିଜେରେଙ୍ଗର ୧୬ କେଭି, ଜାମ୍ବୁନାଳି ଗ୍ରାମର ୨୫ କେଭି ଓ ଏଲଆଇ ପଏଣ୍ଟ ପାଇଁ ଲାଗିଥିବା ୨୫ କେଭି ଟ୍ରାନ୍ସଫର୍ମର ପୋଡ଼ିଯାଇଛି। ସେହିପରି ଆଠମଲ୍ଲିକ ବ୍ଲକ କୁରୁମଟାପ ଗ୍ରାମରେ ଏଲ୍‌ଆଇ ପଏଣ୍ଟ ପାଇଁ ଲାଗିଥିବା ୨୫ କେଭି, ତିଳେଶ୍ୱର ହରିଜନ ସାହିର ୧୦ କେଭି, ଟେନ୍ତୁଳିପଥର ଗ୍ରାମର ୧୦ କେଭି, ଅନ୍ତତପାଲି ଗ୍ରାମର ୬୩ କେଭି, ଜାମୁଡୁଲି ଗ୍ରାମ ଏଲ୍‌ଆଇ ପଏଣ୍ଟରେ ଥିବା ୧୬ କେଭି, ମାଧପୁର ଏଲ୍‌ଆଇ ପଏଣ୍ଟ ପାଇଁ ଥିବା ୨୫ କେଭି, କିଆକଟା ଏଲ୍‌ଆଇ ପଏଣ୍ଟ ପାଇଁ ଲାଗିଥିବା ୨୫ କେଭି, ବିନିକେଇଠାରେ ଏଲଆଇ ପଏଣ୍ଟ ପାଇଁ ଥିବା ୨୫ କେଭିର ୨ଟି ଟ୍ରାନ୍ସଫର୍ମର ପୋଡିଯାଇଛି। ଏ ନେଇ ଅଞ୍ଚଳର ଉପଭୋକ୍ତାମାନେ ବହୁବାର ବଇଣ୍ଡାସ୍ଥିତ ବିଦ୍ୟୁତ୍‌ ବିଭାଗ କାର୍ଯ୍ୟାଳୟଠାରେ ଅଭିଯୋଗ କରିଥିଲେ ମଧ୍ୟ ପଦକ୍ଷେପ ନିଆଯାଉ ନ ଥିବା ତିଳେଶ୍ୱର ଗ୍ରାମବାସୀ ଅଭିଯୋଗ କରିଛନ୍ତି। କରୋନା ମହାମାରୀକୁ ଆଳ କରି ବହୁ ବିଳମ୍ବରେ ଉପଭୋକ୍ତାମାନଙ୍କୁ ବିଲ୍‌ ଦିଆଯାଉଥିବା ବେଳେ ସମସ୍ତ ବକେୟା ପଇଠ ନ କଲେ ନୂତନ ଟ୍ରାନ୍ସଫର୍ମର ଲଗାଯିବ ନାହିଁ ବୋଲି ବିଭାଗୀୟ ଅଧିକାରୀମାନେ କହୁଛନ୍ତି। ଅନେକ ଉପଭୋକ୍ତାଙ୍କ ମିଟର ଖରାପ ହୋଇଥିବା କହି ମିନିମମ୍‌ ଚାର୍ଜ ପକାଇ ବିଲ୍‌ ଆଦାୟ କରୁଥିବା କର୍ମଚାରୀମାନେ ଅଧିକ ଅର୍ଥ ନେଉଥିବା ଜଏରାଟ ଗ୍ରାମବାସୀ ଅଭିଯୋଗ କରିଛନ୍ତି। ତୁରନ୍ତ ଅଚଳ ଟ୍ରାନ୍ସଫର୍ମର ସ୍ଥାନରେ ନୂଆ ବ୍ୟବସ୍ଥା କରିବାକୁ ଉପଭୋକ୍ତାମାନେ ଦାବି କରିଛନ୍ତି।
ଭଙ୍ଗା ଖୁଣ୍ଟରେ ତାର ଟଣାଯାଉଛି
ମାଧପୁର ଅଞ୍ଚଳରେ ଉତ୍ତମ ସେବା ଯୋଗାଇବାରେ ଘରୋଇ ସଂସ୍ଥା ବିଫଳ ହୋଇଛି। ଯେଉଁ ଅଞ୍ଚଳରେ ଟ୍ରାନ୍ସଫର୍ମର ପୋଡ଼ୁଛି, ସେଠାରେ ନୂତନ ଟ୍ରାନ୍ସଫର୍ମର ଲଗାଇବାରେ ବହୁ ବିଳମ୍ବ କରାଯାଉଛି। ଅନେକ ଗ୍ରାମରେ ଭଙ୍ଗା ଖୁଣ୍ଟରେ ବିଦ୍ୟୁତ୍‌ ତାର ଟଣାଯାଇଛି।
-ସଚ୍ଚିଦାନଦ ପ୍ରଧାନ
ଗଦାଧରପୁର, ମାଧପୁର
ସେବା ପରିବର୍ତ୍ତେ ଜୁଲମ
ବିଦ୍ୟୁତ୍‌ ସମସ୍ୟାର ସମାଧାନ ପରିବର୍ତ୍ତେ ଜୁଲମ ବଢ଼ୁଛି। କେବଳ ଏଲ୍‌ଇଡି ବଲ୍‌ ଜାଳୁଥିବା ଲୋକଙ୍କଠାରୁ ମିନିମମ୍‌ ଚାର୍ଜ ପକାଇ ବିଲ୍‌ ସଂଗ୍ରହ କରାଯାଉଛି। ସରକାର ବିନା ଦେୟରେ ଗରିବଙ୍କୁ ସଂଯୋଗ ଦେଉଥିବାବେଳେ ଅସାଧୁ କର୍ମଚାରୀ ଅର୍ଥ ଦାବି କରୁଛନ୍ତି।
-ରମଣୀ ରଞ୍ଜନ ପ୍ରଧାନ, ଜଏରାଟ
ଅଯଥା ବିଲ୍‌ କରାଯାଉଛି
ଗ୍ରାମାଞ୍ଚଳରେ ବିଦ୍ୟୁତ୍‌ ସେବା ବିପର୍ଯ୍ୟସ୍ତ ହୋଇପଡିଛି। ପୋଡ଼ିଯାଇଥିବା ଟ୍ରାନ୍ସଫର୍ମର ଲଗାଇବାରେ ବହୁ ବିଳମ୍ବ କରାଯାଉଛି। ଅଯଥା ବିଲ୍‌ କରି ଉପଭୋକ୍ତାଙ୍କଠାରୁ ଅଧିକ ଅର୍ଥ ନିଆଯାଉଛି। ଭିତ୍ତିଭୂମିରେ ଉନ୍ନତି ଆଣିବା ଦିଗରେ ବିଭାଗ ଫେଲ୍‌ ମାରିଛି।
-ଭାଗୀରଥି ପ୍ରଧାନ, ଭାଜପା ନେତା
ସମାଧାନ ପାଇଁ ନିର୍ଦ୍ଦେଶ ଦିଆଯିବ
ଆଠମଲ୍ଲିକ ଉପଖଣ୍ଡରେ ଥିବା ପୋଡ଼ା ଟ୍ରାନ୍ସଫର୍ମର ସ୍ଥାନରେ କିଭଳି ଶୀଘ୍ର ନୂତନ ଟ୍ରାନ୍ସଫର୍ମର ଲଗାଯିବ ସେ ନେଇ ବିଦ୍ୟୁତ୍‌ ବିଭାଗ ଏସ୍‌ଡିଓଙ୍କୁ ନିର୍ଦ୍ଦେଶ ଦିଆଯିବ। ଲୋକଙ୍କ ସମସ୍ୟା ସମାଧାନ ଦିଗରେ ତୁରନ୍ତ ପଦକ୍ଷେପ ନିଆଯିବାକୁ କୁହାଯିବ।
-ଲଲିତ ମୋହନ ବେହେରା, ଉପଜିଲାପାଳ, ଆଠମଲ୍ଲିକ
ତୁରନ୍ତ ପଦକ୍ଷେପ ନିଆଯିବ
ପୋଡ଼ି ଯାଇଥିବା ଟ୍ରାନ୍ସଫର୍ମର ସ୍ଥାନରେ ନୂତନ ଟ୍ରାନ୍ସଫର୍ମର ଲଗାଯାଉଛି। କିନ୍ତୁ କିଛି ଅଞ୍ଚଳର ଉପଭୋକ୍ତାଙ୍କ ଉପରେ ବିଲ୍‌ ବାବଦ ବହୁ ଅର୍ଥ ବକେୟା ଥିବାରୁ ନୂତନ ଟ୍ରାନ୍ସଫର୍ମର ଲଗାଇବାରେ ସମସ୍ୟା ହେଉଛି। ତଥାପି ବିଭାଗ ପକ୍ଷରୁ ପଦକ୍ଷେପ ନିଆଯିବ।
-ସିପକ କୁମାର ଦାସ,
ଏସ୍‌ଡିଓ, ବଇଣ୍ଡା ସେକ୍ସନ


Enter your email to get our daily news in your inbox.

All Right Reserved By Dharitri.Com

ନିଆରା ଢଙ୍ଗରେ ପାଳିଲେ ଦୀପାବଳି ପ୍ରଶାସନିକ ଅଧିକାରୀ, ସାଧାରଣ ଜନତା ସାମିଲ

ନୟାଗଡ଼ ଅଫିସ,୨୯ା୧୦: ନୟାଗଡ଼ ଜିଲାରେ ବିଭିନ୍ନ ସ୍ଥାନରେ ସୋମବାର ନିଆରା ଢଙ୍ଗରେ ଦୀପାବଳି ପାଳିତ ହୋଇଯାଇଛି। ଜିଲା ପ୍ରଶାସନଠାରୁ ଆରମ୍ଭ କରି ବିଭିନ୍ନ କ୍ଲବର ପିଲାମାନେ...

ବରଗଡ଼ରେ ଲଜ୍ଜା: ଲୁଚକାଳି ଖେଳିବାକୁ ଡାକି ନାବାଳିକାଙ୍କୁ ବଳାତ୍କାର

ବରଗଡ଼ ଅଫିସ,୧୭।୯: ବରଗଡ଼ ଜିଲା ପାଇକମାଲ ଥାନା ଅଧୀନ ଏକ ଗ୍ରାମରେ ସୋମବାର ଜଣେ ୯ ବର୍ଷର ନାବାଳିକାଙ୍କୁ ବଳାତ୍କାର ହୋଇଥିବା ଅଭିଯୋଗ ହୋଇଛି। ପୀଡିତା...

ଫାଣ୍ଡିରେ କନଷ୍ଟେବଳଙ୍କୁ ବଳାତ୍କାର

ବାଲେଶ୍ୱର ଅଫିସ/ବାହାନଗା, ୨୯।୫(ଡି.ଏନ.ଏ.): ବାତ୍ୟା ଡ୍ୟୁଟିରେ ଥିବା ଜଣେ ମହିଳା କନଷ୍ଟେବଳଙ୍କୁ ଫାଣ୍ଡି ପରିସରରେ ବଳାତ୍କାର କରାଯାଇଛି। ଏହି ଲଜ୍ଜାଜନକ ଘଟଣା ଘଟାଇଛନ୍ତି ସମ୍ପୃକ୍ତ ଫାଣ୍ଡି...

ଦିଅରଙ୍କ ହାତରେ ଭାଉଜଙ୍କ ଜୀବନ ଗଲା

କଟକ ଅଫିସ,୨।୪: କଟକ ସହର ଶିଖରପୁର ଉପର ସାହିରେ ଜମିବାଡିକୁ କେନ୍ଦ୍ରକରି ଶୁକ୍ରବାର ସକାଳେ ଏକ ବିଭତ୍ସ ହତ୍ୟାକାଣ୍ଡ ଘଟିଛି। ଦିଅରଙ୍କ ଆକ୍ରମଣରେ ବିଧବା ଭାଉଜଙ୍କର...

ଥାନାରେ କଂଗ୍ରେସକର୍ମୀଙ୍କ ଭଙ୍ଗାରୁଜା

ଚିତ୍ରକୋଣ୍ଡା,୨୦।୬: ମାଲକାନଗିରି ପ୍ରଦେଶ କଂଗ୍ରେସ ନେତୃ୍‌ତ୍ୱରେ ଚିତ୍ରକୋଣ୍ଡାରେ ସୋମବାର ୧୮ଟି ପଞ୍ଚାୟତର ୫ ହଜାରରୁ ଊର୍ଦ୍ଧ୍ୱ ଆଦିବାସୀ ପାରମ୍ପରିକ ଅସ୍ତ୍ରଶସ୍ତ୍ର ଧରି ଏକାଠି ହୋଇଥିଲେ। ଏଥିରେ...

ବଲାଙ୍ଗୀର ସଦର ବ୍ଳକ ପକ୍ଷରୁ ଗାଁକୁ ଚାଲ ଅଭିଯାନ

ବଲାଙ୍ଗୀର ଅଫିସ, ୨୮ା୧:  ବଲାଙ୍ଗୀର ସଦର ବ୍ଳକ୍‌ ପକ୍ଷରୁ ବୁଧବାର ଗାଁକୁ ଚାଲ ଅଭିଯାନର ଶୁଭାରମ୍ଭ କରାଯାଇଛି। ବ୍ଳକ ଅଧ୍ୟକ୍ଷ ଗୋଲାପ ବାଗ, ବିଡିଓ ବାସୁଦେବ...

ସହାୟତା ଦାବି କଲେ ସେବାୟତ

ବାରିପଦା ଅଫିସ,୧ା୫- ବାରିପଦାସ୍ଥିତ ଶ୍ରୀ ଶ୍ରୀ ହରିବଳଦେବଜୀଉ ମହାପ୍ରଭୁ ବିଜେ ମନ୍ଦିରର ସେବାୟତମାନଙ୍କୁ ଆର୍ଥିକ ସହାୟତା ପ୍ରଦାନ ନିମନ୍ତେ ଜିଲାପାଳଙ୍କଠାରେ ଦାବି କରାଯାଇଛି। ସେବାୟତମାନେ ଗୁରୁବାର...

ଗରିବଙ୍କ କଲ୍ୟାଣ ମୋଦି ସରକାରଙ୍କ ମୂଳ ଲକ୍ଷ୍ୟ: ଧର୍ମେନ୍ଦ୍ର

ମାହାଙ୍ଗା,୧ା୬(ସ୍ବ.ପ୍ର.): କଟକ ଜିଲା ମାହାଙ୍ଗା ବ୍ଳକ ଅନ୍ତର୍ଗତ ବରାହିପୁରଠାରେ ଭାଜପା ପକ୍ଷରୁ ଗରିବ କଲ୍ୟାଣ ସମ୍ମିଳନୀ ଉତ୍ସବ ମଙ୍ଗଳବାର ଅନୁଷ୍ଠିତ ହୋଇଯାଇଛି। ଏଥିରେ କେନ୍ଦ୍ର ଶିକ୍ଷା...

Advertisement
Archives

Model This Week