ଆଳି,୧ା୧୧(ଡି.ଏନ.ଏ.):ପ୍ରତ୍ୟେକ କାର୍ଯ୍ୟରେ ଏବେ ଆଧାର କାର୍ଡ ଜରୁରୀ ହୋଇପଡ଼ିଥିବା ବେଳେ ଆଧାର କାର୍ଡଟିଏ ନ ଥିବାରୁ ସରକାରୀ ସୁବିଧାରୁ ବଞ୍ଚତ୍ତ ହୋଇଛନ୍ତି ଜଣେ ମହିଳା। ମହିଳା ଜଣକ ଏବେ ମସ୍ତିଷ୍କ ଜନିତ ରୋଗରେ ରୋଗାକ୍ରାନ୍ତ ଥିବା ବେଳେ ସ୍ବାସ୍ଥ୍ୟକାର୍ଡ ନ ଥିବାରୁ ଚିକିତ୍ସା ନିମନ୍ତେ ଆର୍ଥତ୍କ ସମସ୍ୟା ଦେଖାଦେଇଛି। ଏଭଳି ଜଣେ ମହିଳା ହେଉଛନ୍ତି ଆଳି ବ୍ଲକ ମେଣ୍ଢପୁର ପଞ୍ଚାୟତ ପଦନପୁର ଗଁାର ଅବଦୁଲ କୁଦୁସଙ୍କ ୩୨ ବର୍ଷୀୟ ଝିଅ ଆମେରା ର୍ଫିଦୋଷ। ୨୪ ବର୍ଷ ବୟସରେ ଆମେରାଙ୍କ ସାଲେପୁର ରାଇଶୁଙ୍ଗୁଡା ଗଁାର ସୟଦ ଅରିଫଙ୍କ ସହ ବିବାହ ହୋଇଥିଲା। ବିବାହର ୪ବର୍ଷ ପରେ ହଠାତ ଆମେରା ପାରାଲିସିସ ରୋଗରେ ଆକ୍ରାନ୍ତ ହୋଇଥିଲେ। ପରିବାର ଲୋକ ତାଙ୍କୁ ଭୁବନେଶ୍ୱରର ଏକ ଘରୋଇ ମେଡିକାଲ ନେଇ ଚିକିତ୍ସା କରାଇଥିଲେ। ସେଠାରେ ତାଙ୍କର ବ୍ରେନ ଅପରେଶନ ହୋଇଥିଲା। ଆମେରାଙ୍କ ସ୍ବାସ୍ଥ୍ୟ କାର୍ଡ ନ ଥିବାରୁ ଲକ୍ଷାଧିକ ଟଙ୍କା ଖର୍ଚ୍ଚ କରି ଚିକିତ୍ସିତ ହୋଇ ଫେରିଥିଲେ। ଆମେରାଙ୍କ ସ୍ବାସ୍ଥ୍ୟବସ୍ଥା ଠିକ୍ ନ ଥିବାରୁ ସେ ଏବେ ବାପଘର ଆଳି ପଦନପୁର ଗ୍ରାମରେ ରହୁଛନ୍ତି। ଏବେ ତାଙ୍କର ଦ୍ୱିତୀୟ ଅପରେଶନ ନିମନ୍ତେ ଡାକ୍ତର କହିବାରୁ ପାଖରେ ସମ୍ବଳ ନାହିଁ। ଏଥିନିମନ୍ତେ ସେ ସୋମବାର ମେଣ୍ଢପୁର ପଞ୍ଚାୟତ କାର୍ଯ୍ୟାଳୟରେ ଅନୁଷ୍ଠିତ ପଲ୍ଲୀରେ ପ୍ରଶାସନ ଶିବିରକୁ ଆସି ଆଧାରକାର୍ଡ ନ ଥିବାରୁ ସେମାନେ ସରକାରୀ ସୁବିଧାରୁ ବଞ୍ଚତ୍ତ ହେଉଥିବା ନେଇ ଅଭିଯୋଗ କରିଥିଲେ। ଆମେରାଙ୍କ ଆଧାର କାର୍ଡ ନ ଥିବାରୁ ତାଙ୍କର ରାଶନ କାର୍ଡ ହୋଇନାହିଁ। ରାଶନ କାର୍ଡ ଥିଲେ ତାଙ୍କୁ ରାଜ୍ୟ ସରକାରଙ୍କ ପକ୍ଷରୁ ମିଳୁଥିବା ଚିକିତ୍ସା ସୁବିଧା ପାଇଥାନ୍ତେ। ଲକ୍ଷାଧିକ ଟଙ୍କା ଖର୍ଚ୍ଚ କରି ପ୍ରଥମ ଥର ବ୍ରେନ ଅପରେଶନ ହୋଇଥିବା ବେଳେ ଦ୍ୱିତୀୟ ଥର ଅପରେଶନ ନିମନ୍ତେ ସେ ସରକାରୀ ସହାୟତା ଲୋଡିଛନ୍ତି। ସରକାରୀ ସ୍ତରରେ ତାଙ୍କର ଆଧାରକାର୍ଡ କରିବା ସହ ରାଶନ ଓ ସ୍ବାସ୍ଥ୍ୟକାର୍ଡ ଖୁବ୍ଶୀଘ୍ର ଯୋଗାଇ ଦେବାକୁ ସେ ବିଡିଓଙ୍କ ନିକଟରେ ଗୁହାରି କରିଥିଲେ। ବିଡିଓ ଦ୍ୱିବେନ୍ଦୁ ଦାସ ଏ ନେଇ ବ୍ଲକ ପ୍ରଶାସନ ପକ୍ଷରୁ ଯାହା କିଛି ସମ୍ଭବ ତାହା କରିବାକୁ ସେ ପ୍ରତିଶ୍ରୁତି ଦେଇଛନ୍ତି।
