ମୁମ୍ବାଇ: ଅଭିନେତ୍ରୀ ସାମନ୍ଥା ରୁଥ୍ପ୍ରଭୁଙ୍କ ସହ ଅଭିନେତା ଅଲ୍ଲୁ ଅର୍ଜୁନଙ୍କ ଝିଅ ଆର୍ହା ଡେବ୍ୟୁ କରିବେ। ଆର୍ହା ଲୋକପ୍ରିୟ ଷ୍ଟାର୍ କିଡ୍ଙ୍କ ମଧ୍ୟରୁ ଜଣେ। ‘ପୁଷ୍ପା ଦ ରାଇଜ୍’ରୁ ଅଲ୍ଲୁ ଅର୍ଜୁନ କେବଳ ବକ୍ସ ଅଫିସରେ ହିଟ୍ ହୋଇନାହାନ୍ତି ବରଂ ଲୋକଙ୍କ ହୃଦୟରେ ଏକ ସ୍ବତନ୍ତ୍ର ସ୍ଥାନ ଅଧିକାର କରିଛନ୍ତି। ଏବେ ତାଙ୍କ ଝିଅ ଆର୍ହା ମାତ୍ର ୬ ବର୍ଷ ବୟସରେ ପିତାଙ୍କୁ ଗର୍ବିତ କରିଦେଇଛନ୍ତି। ଏତେ କମ୍ ବୟସରେ ଆର୍ହା ସାମନ୍ଥାଙ୍କ ସହ ଫିଲ୍ମ ‘ଶକୁନ୍ତଳା’ରେ ଡେବ୍ୟୁ କରିବେ। ଅଲ୍ଲୁ ଅଧିକାଂଶ ସମୟରେ ଝିଅ ଆର୍ହାଙ୍କ ଫଟୋ ଏବଂ ଭିଡିଓ ଶେୟାର କରିଥାନ୍ତି। ତାଙ୍କର କ୍ୟୁଟ୍ନେସ ପ୍ରଶଂସକଙ୍କୁ ପସନ୍ଦ ଆସିଥାଏ।
