ରାଜନଗର,୨୧ା୯(ଡି.ଏନ୍.ଏ.): କେନ୍ଦ୍ରାପଡ଼ା ଜିଲା ରାଜନଗର ଥାନା ଅଧୀନ ମାଣପଡ଼ା ଗ୍ରାମରେ ଏକ ଦୁଃଖଦ ଘଟଣା ଘଟିଛି। ଶନିବାର ପୂର୍ବାହ୍ନରେ ଦୁଇ ଝିଅଙ୍କୁ ଛାଡ଼ି ସ୍ଥାନୀୟ ଜରିମୂଳସ୍ଥିତ ବ୍ୟାଙ୍କକୁ ଟଙ୍କା ଉଠାଇବାକୁ କହି ମା’ ପ୍ରମିଳା ନାଥ ଯାଇଥିଲେ। ସନ୍ଧ୍ୟା ହୋଇଥିଲେ ହେଁ ସେ ଘରକୁ ନ ଫେରିବାରୁ ଝିଅ ସତ୍ୟପ୍ରିୟା ତାଙ୍କୁ ଖୋଜିବାକୁ ଯାଇଥିଲେ। ସତ୍ୟପ୍ରିୟା ତାଙ୍କୁ ବିଭିନ୍ନ ସ୍ଥାନରେ ଖୋଜାଖୋଜି କରିବା ପରେ ମାମୁଘର ଗାଁ ନିକଟସ୍ଥ ବ୍ରାହ୍ମଣୀ କୂଳରୁ ମା’ଙ୍କ ମୋବାଇଲ୍ ଓ ଚପଲ ପାଇଥିଲେ। ରାତି ହୋଇଯାଇଥିବାରୁ ସେ ମାମୁଘରେ ରହିଯାଇଥିଲେ। ତେବେ ସକାଳୁ ତାଙ୍କ ମୃତଦେହ ମାମୁଘର ପଛପଟ ପୋଖରୀରୁ ଉଦ୍ଧାର କରାଯାଇଥିଲା। ସେହିପରି ରବିବାର ରାତିରେ ପ୍ରମିଳାଙ୍କ ମୃତଦେହ ହଂସୁଆ ନଦୀରୁ ଉଦ୍ଧାର କରାଯାଇଛି। ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି ରଖିଛି। ରାଜନଗର ଥାନାରେ ଏନେଇ ଦୁଇଟି ମାମଲା ରୁଜୁ ହୋଇଛି। ସତ୍ୟପ୍ରିୟାଙ୍କ ବାପା ଏକ ହତ୍ୟା ମାମଲା ରୁଜୁ କରିଛନ୍ତି।
