ଭୁବନେଶ୍ୱର,୪ା୧୨(ସ୍ପୋଟର୍ସ ବ୍ୟୁରୋ): ଦିଲ୍ଲୀର ତାଲକୋଟରା ଇନ୍ଡୋର ଷ୍ଟାଡିୟମରେ ଚାଲିଥିବା ଅଲ୍ ଇଣ୍ଡିଆ ଜୋନାଲ କରାଟେ ପ୍ରତିଯୋଗିତାରେ ଓଡିଶା ୨୩ଟି ପଦକ ହାସଲ କରିଛି। ଓଡ଼ିଶାର କରାଟେକାମାନେ ୧୦ ସ୍ବର୍ଣ୍ଣ, ୫ ରୌପ୍ୟ ଓ ୮ କାଂସ୍ୟ ପଦକ ହାସଲ କରିଛନ୍ତି। ଅନୁପମା ସ୍ବାଇଁ ମହିଳା ସିନିୟର ୫୫ କିଲୋ କୁମିତେରେ, ସାଲୋନୀ ଲେଙ୍କା ମହିଳା ସିନିୟର ୬୮ କିଲୋ, ରିତେଶ ରାୟ ସିନିୟର ଓ ୨୧ ବର୍ଷରୁ କମ୍ ପୁରୁଷ ୮୪ କିଲୋ ବର୍ଗରେ, ସୁମନ ଶେଖର ଦାସ ସିନିୟର ପୁରୁଷ ୭୫ କିଲୋ, ବ୍ରତତି ବିଶ୍ୱପ୍ରଭା ପତି ୨୧ ବର୍ଷରୁ କମ ମହିଳା ୫୦ କିଲୋ, ମଧୁପ୍ରିୟା ବାଇ କ୍ୟାଡେଟ ମହିଳା କାଟା, ରିତେଶ ମହାନ୍ତି କ୍ୟାଡେଟ ପୁରୁଷ ୫୭ କିଲୋ, ସିନିୟର ମହିଳା ଟିମ୍ କାଟା (ଭାଲେନା ଭାଲେଣ୍ଟିନା, ଶୂରୋମିତା ସିହ୍ନା, ଅଫିଫା ପରୱେଜ) ଓ ପୁରୁଷ ଜୁନିୟର ଟିମ କାଟା (ଜ୍ୟୋତି ରଞ୍ଜନ ରାଉତ, ବେଦାନ୍ତ ଦାସ, ଶୁଭମ ସାମଲ) ସ୍ବର୍ଣ୍ଣ ପଦକ ବିଜୟୀ ହୋଇଛନ୍ତି।
ସେହିପରି ସିନ୍ଧୁତନୟା ଖୁଣ୍ଟିଆ ମହିଳା ସିନିୟର ୫୦ କିଲୋ କୁମିତେ, ଦେବସ୍ମିତା ଦଳବେହେରା ୨୧ ବର୍ଷରୁ କମ ମହିଳା ୬୮ କିଲୋ, ବେଦାନ୍ତ ଦାସ କ୍ୟାଡେଟ ପୁରୁଷ କାଟା, ଶୂରୋମିତା ସିହ୍ନା କ୍ୟାଡେଟ ମହିଳା କାଟା ଓ ଶୁଭକାନ୍ତ ବିଶାଳ ଜୁନିୟର ପୁରୁଷ ୭୦ କିଲୋ ବିଭାଗରେ ରୌପ୍ୟ ପଦକ ବିଜୟୀ ହୋଇଛନ୍ତି।
ଭାଲେନା ଭାଲେଣ୍ଟିନା ସିନିୟର ମହିଳା କାଟାରେ, ଡି. ଭଗବାନ ରେଡି ସିନିୟର ପୁରୁଷ ୫୫ କିଲୋ, ବ୍ରତତି ବିଶ୍ୱପ୍ରଭା ପତି ସିନିୟର ମହିଳା ୫୦ କିଲୋ, ଅନୁରାଧା ପାତ୍ର ମହିଳା ୬୮ କିଲୋ, ଦୀପ୍ତି ନାମଦେଓ କ୍ୟାଡେଟ ମହିଳା ୪୦ କିଲୋ କୁମିତେ, ଜ୍ୟୋତି ରଞ୍ଜନ ରାଉତ ପୁରୁଷ ଜୁନିୟର କାଟା, ଅଫିଫା ପରୱେଜ ୨୧ ବର୍ଷରୁ କମ ମହିଳା ଓ ବରିଷ୍ଠ ପୁରୁଷ ଟିମ୍ କାଟା (ମହେଶ ଡୋରା, କ୍ରିଷ୍ଣା ଶିକାରୀ, ତୁଷାର ବିଶାଳ, ରଜନୀ ବିଶି) ପ୍ରମୁଖ କାଂସ୍ୟ ପଦକ ବିଜୟୀ ହୋଇଛନ୍ତି। ପଦକ ବିଜେତା ପ୍ରତିଯୋଗୀମାନଙ୍କୁ ଓଡ଼ିଶା ରାଜ୍ୟ କରାଟେ ସଂଘର ସମ୍ପାଦକ ଗୌରୀ ମହାନ୍ତି, କୋଚ ଡ. ହରି ପ୍ରସାଦ ପଟ୍ଟନାୟକ ଓ ଅନ୍ୟାନ୍ୟ ସଦସ୍ୟ ଧନ୍ୟବାଦ ଜଣାଇଛନ୍ତି।
