ନୂଆଦିଲ୍ଲୀ,୨୮।୩ : ଯାଞ୍ଚ୍ ଏଜେନ୍ସି ଯୋଗୁ ବିରୋଧୀଙ୍କ ମଧ୍ୟରେ ଆତଙ୍କ ସୃଷ୍ଟି ହୋଇଛି। ତେଣୁ ଦେଶର ସମସ୍ତ ଦୁର୍ନୀତିଗ୍ରସ୍ତ ଏକଜୁଟ ହୋଇ ଯାଇଛନ୍ତି। ଭାଜପା ମୁଖ୍ୟାଳୟରେ ନୂଆ ଆବାସିକ ପରିସରର ଲୋକାର୍ପଣ ଅବସରରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଏଭଳି କହି ବିରୋଧୀ ଦଳଙ୍କୁ କଡ଼ା ସମାଲୋଚନା କରିଛନ୍ତି। ଏବେ ସାମ୍ବିଧାନିକ ସଂସ୍ଥାର କାର୍ଯ୍ୟ ଉପରେ ପ୍ରଶ୍ନ ଉଠାଯାଉଛି। ନ୍ୟାୟପାଳିକାର କାର୍ଯ୍ୟ ବାଧା ସୃଷ୍ଟି କରାଯାଉଛି। କଂଗ୍ରେସ ଶାସନ ସମୟରେ ବ୍ୟାଙ୍କଗୁଡ଼ିକୁ ଲୁଟା ଯାଇଥିଲା।
ବିରୋଧୀଙ୍କ ଆରୋପରେ ଦେଶର ପ୍ରଗତିର ଧାରାକୁ ରୋକାଯାଇ ପାରିବ ନାହିଁ। ଭାଜପାକୁ ଶେଷ କରିବାର ପ୍ରୟାସ କରାଯାଉଛି। ମୋତେ ଜେଲରେ ଭର୍ତ୍ତି କରିବାର ଉଦ୍ୟମ ହୋଇଛି। ମାତ୍ର ,ସବୁ କ୍ଷେତ୍ରରେ ବିରୋଧୀଙ୍କୁ ସଫଳତା ମିଳି ପାରି ନାହିଁ। ଭାଜପା ସହିତ ଦେଶ ଆଗେଇ ଚାଲିଛି ବୋଲି ପ୍ରଧାନମନ୍ତ୍ରୀ କହିଛନ୍ତି।
