ବଲିଉଡ ଅଭିନେତ୍ରୀ ଆଲିଆ ଭଟ୍ଟ ଲଗାତର ଗୋଟିଏ ପରେ ଗୋଟିଏ ହିଟ୍ ଫିଲ୍ମ ଦେଇଚାଲିଛନ୍ତି। ତାଙ୍କ ଅଭିନୀତ ଗାଙ୍ଗୁବାଇ କାଠିଆୱାଡି ସୁପରହିଟ୍ ହେବାପରେ ଏବେ ‘ଆର୍ଆର୍ଆର୍’ ଫିଲ୍ମ ମଧ୍ୟ ବକ୍ସ ଅଫିସ୍ରେ ସୁପରହିଟ୍ ସାବ୍ୟସ୍ତ ହୋଇଛି। ଏହି ୨ଟି ଫିଲ୍ମ ଦେଖିବା ପରେ ସମସ୍ତେ ଆଲିଆଙ୍କ ଅଭିନୟକୁ ପ୍ରଶଂସା କରୁଛନ୍ତି। ଏପରିକି ପ୍ରଶଂସକମାନେ ତାଙ୍କୁ ଜାତୀୟ ପୁରସ୍କାର ପାଇବାକୁ ଯୋଗ୍ୟ ବୋଲି କହିଛନ୍ତି। ଆଲିଆ ବହୁତ କମ ବୟସରେ ନିଜକୁ ପ୍ରମାଣିତ କରିଛନ୍ତି। ନିକଟରେ ଆଲିଆ ଶାହାରୁଖ ଖାନଙ୍କ ସହ ଫିଲ୍ମ ପ୍ରଡକ୍ସନରେ ପାଦ ଥାପିବାକୁ ଯାଉଛନ୍ତି।
ଆଲିଆ ନିଜର ପରିଶ୍ରମ ଆଧାରରେ କୋଟି କୋଟି ଟଙ୍କା ରୋଜଗାର କରିଛନ୍ତି। ଆଲିଆ ଭଟ୍ଟଙ୍କ ସମ୍ପତ୍ତି ମୂଲ୍ୟ ୧୬୫ କୋଟି ଟଙ୍କା। ବାନ୍ଦ୍ରାଠାରେ ମଧ୍ୟ ଆଲିଆଙ୍କର ଏକ ଘର ଅଛି ଯାହାର ମୂଲ୍ୟ ପ୍ରାୟ ୩୨ କୋଟି ଟଙ୍କା ବୋଲି କୁହାଯାଏ। ଏହା ବ୍ୟତୀତ ତାଙ୍କର ନିଜର ଭ୍ୟାନିଟି ଭ୍ୟାନ ଅଛି। ଲଣ୍ଡନରେ ଆଲିଆଙ୍କର ଏକ ଘର ମଧ୍ୟ ଅଛି। କିଛି ମାସ ପୂର୍ବରୁ, ଆଲିଆ ଭଟ୍ଟ ଜୁହୁରେ ଏକ ଘର କିଣିଥିଲେ।
ସେ ରଣବୀର କପୁରଙ୍କ ବିଲଡିଂରେ ଏକ ଘର ମଧ୍ୟ ନେଇଛନ୍ତି। ବଲିଉଡର ସର୍ବାଧିକ ରୋଜଗାର କରୁଥିବା ଅଭିନେତ୍ରୀମାନଙ୍କ ମଧ୍ୟରୁ ଆଲିଆ ଭଟ୍ଟ ଅନ୍ୟତମ। ଆଲିଆଙ୍କର ଅନେକ ବଡ ଫିଲ୍ମ ସହିତ ବଡ ବ୍ରାଣ୍ଡର ବିଜ୍ଞାପନ କରନ୍ତି। ଆଲିଆ ତାଙ୍କ ପ୍ରେମିକ ରଣବୀର କପୁରଙ୍କ ପରି ଗାଡି କିଣିବାକୁ ମଧ୍ୟ ବହୁତ ଭଲ ପାଆନ୍ତି। ଆଲିଆଙ୍କର ଏକ ରେଞ୍ଜ ରୋଭର ଭୋଗ ଅଛି ଯାହାର ମୂଲ୍ୟ ୧.୭୪ କୋଟି ଟଙ୍କା। କବଳ ଏତିକି ନୁହେଁ, ତାଙ୍କର ଅଡି ଏ୬ ଅଛି, ଯାହାର ମୂଲ୍ୟ ୬୧ ଲକ୍ଷ ଟଙ୍କା। ଏକ ବିଏମ୍ଡବ୍ଲ୍ୟୁ ୭ ସିରିଜ ମଧ୍ୟ ଅଛି, ଯାହାର ମୂଲ୍ୟ ପ୍ରାୟ ୧.୩୭ କୋଟି ଟଙ୍କା।
