ନୂଆଦିଲ୍ଲୀ, ୮।୬ : ମହାପୁରୁଷ ମହମ୍ମଦଙ୍କ ବିଷୟରେ ଦିଆଯାଇଥିବା ବିବାଦୀୟ ମନ୍ତବ୍ୟ ପରେ ଆତଙ୍କବାଦୀ ସଂଗଠନ ଅଲ୍ କାଏଦା ଭାରତର ବିଭିନ୍ନ ସ୍ଥାନରେ ଆତ୍ମଘାତୀ ବିସ୍ଫୋରଣ କରିବାକୁ ଧମକ ଦେଇଛି। ଜୁନ ୬ରେ ଅଲ୍ କାଏଦା ଏକ ଧମକପୂର୍ଣ୍ଣ ଚିଠିରେ କହିଛି ଯେ ଭାରତର ଦିଲ୍ଲୀ, ମୁମ୍ବାଇ, ଉତ୍ତରପ୍ରଦେଶ ଏବଂ ଗୁଜୁରାଟରେ ଆତ୍ମଘାତୀ ଆକ୍ରମଣ କରାଯିବ।
ଏହି ଆତ୍ମଘାତୀ ଆକ୍ରମଣ ମହାପୁରୁଷ ମହମ୍ମଦଙ୍କ ଉପରେ ଦିଆଯାଇଥିବା ଆପତ୍ତିଜନକ ମନ୍ତବ୍ୟ ପାଇଁ କରାଯିବ ବୋଲି ଏହି ଆତଙ୍କବାଦୀ ସଂଗଠନ କହିଛି। ଅଲ କାଏଦା ଚିଠିରେ ଲେଖିଛି ଯେ, ଯେଉଁମାନେ ଏଭଳି କରିଛନ୍ତି ସେମାନଙ୍କୁ ହତ୍ୟା କରାଯିବ। ଏହି ଲଢ଼େଇ ଜାରି ରହିବ ବୋଲି ଚିଠିରେ ଉଲ୍ଲେଖ କରାଯାଇଛି।
ସୂଚନାଯୋଗ୍ୟ,ମାଲେସିଆ, କୁଏତ, ପାକିସ୍ଥାନ ସମେତ ଅନେକ ଦେଶ ସମାଲୋଚନା ଭାରତର ଭାରତୀୟ ଜନତା ପାର୍ଟିର ନେତାଙ୍କ ବିବୃତ୍ତିକୁ କରିଛନ୍ତି। କିଛି ଦିନ ପୂର୍ବରୁ ଭାଜପାର ପୂର୍ବତନ ସଦସ୍ୟା ନୁପୁର ଶର୍ମା ମଧ୍ୟ ଏକ ଟିଭି ବିତର୍କ ସମୟରେ ଇସଲାମ ବିରୋଧରେ କିଛି ମନ୍ତବ୍ୟ ଦେଇଥିବାବେଳେ ନବୀନ ଜିନ୍ଦଲ ଟୁଇଟରରେ ଏକ ଆପତ୍ତିଜନକ ଟୁଇଟ ମଧ୍ୟ କରିଥିଲେ।
ଅବଶ୍ୟ, ଭାରତ ଏହି ବିବୃତ୍ତିରୁ ନିଜକୁ ଦୂରେଇ ରଖିଛି। ଅର୍ଗାନାଇଜେଶନ ଅଫ ଇସଲାମିକ ସହଯୋଗର ବିବୃତ୍ତିକୁ ଭାରତ ମଧ୍ୟ ନିନ୍ଦା କରିଛି ଏବଂ ଏହାକୁ ଅନ୍ୟାୟ ଏବଂ ସଂକୀର୍ଣ୍ଣ ମନୋଭାବ ବୋଲି କହିଛି। ଏହାପୂର୍ବରୁ ଭାଜପା ନୁପୁର ଶର୍ମାଙ୍କୁ ତାଙ୍କ ପଦବୀରୁ ହଟାଇ ଦେଇଛି ଏବଂ ନବୀନ ଜିନ୍ଦଲଙ୍କୁ ମଧ୍ୟ ମିଡିଆ ଦାୟିତ୍ୱରୁ ହଟାଇ ଦେଇଛି। କୌଣସି ଧାର୍ମିକ ବ୍ୟକ୍ତିତ୍ୱଙ୍କର ଅପମାନ ଗ୍ରହଣୀୟ ନୁହେଁ ବୋଲି ଭାଜପା ଏକ ବିବୃତ୍ତି ଜାରି କରିଛି।
