ଶ୍ରୀନଗର,୨୯।୬: ଜମ୍ମୁ-କଶ୍ମୀର ସୁଞ୍ଜଓ୍ବାନଠାରେ ଥିବା ମିଲିଟାରୀ ଷ୍ଟେଶନ ଉପରେ ମଙ୍ଗଳବାର ପୁଣି ଡ୍ରୋନ୍ ଉଡୁଥିବାର ଦେଖାଯାଇଛି। ଏହାକୁ ନେଇ ସତର୍କ ସୂଚନା ଜାରି କରାଯାଇଛି। ଶନିବାର-ରବିବାର ବିଳମ୍ବିତ ରାତ୍ରରେ ଏୟାର ଫୋର୍ସ ଷ୍ଟେଶନରେ ଡ୍ରୋନ୍ ଦ୍ୱାରା ଆକ୍ରମଣ କରାଯିବା ପରେ ସୋମବାର ଜମ୍ମୁର କାଲୁଚକ ମିଲିଟାରୀ ଷ୍ଟେଶନ ଉପରେ ଡ୍ରୋନ୍ ଉଡୁଥିବା ଦେଖିବାକୁ ମିଳିଥିଲା। ସେନା ଯବାନଙ୍କ ପକ୍ଷରୁ ୨୫ ରାଉଣ୍ଡ୍ ଗୁଳି ଫାୟାରିଂ କରାଯାଇଥିଲା। ମଙ୍ଗଳବାର ଏହାର ପୁନରାବୃତ୍ତିି ଘଟିଛି। ଭୋର୍ ୨ଟା ୩୦ରେ ସୁଞ୍ଜଓ୍ବାନଠାରେ ଥିବା ମିଲିଟାରୀ ଷ୍ଟେଶନ ଉପରେ ଡୋନ୍ ଉଡି ବୁଲୁଥିବାର ଦେଖାଯାଇଛି। ସେହିପରି ରତାନୁଚେକ୍ରେ ରାତ୍ର ୧ଟା ୮ରେ ଡ୍ରୋନ୍ ଦେଖାଯାଇଛି। କୁଞ୍ଜଓ୍ବାନିରେ ଭୋର୍ ୩ଟା ୯ ଏବଂ ୪ଟା ୧୯ରେ ଡ୍ରୋନ୍ ଉଡୁଥିବାରୁ ସେନା ଯବାନ ଦେଖିଛନ୍ତି। ତେବେ ଡ୍ରୋନ୍ ଉପରେ କୌଣସି ଫାୟାରିଂ କରାଯାଇ ନାହିଁ। କିଛି ସମୟ ପରେ ଡ୍ରୋନ୍ ଅଦୃଶ୍ୟ ହୋଇଯାଇଥିଲା। ଡ୍ରୋନ୍ ଉଡିବାକୁ ଦୃଷ୍ଟିରେ ରଖି ଭାରତୀୟ ସେନା ପକ୍ଷରୁ ଆଲର୍ଟ ଜାରି କରାଯାଇଛି।
