ନୂଆଦିଲ୍ଲୀ, ୩୧।୮-ପଶ୍ଚିମବଙ୍ଗର ଏକ କଲେଜର ମେରିଟ ତାଲିକାରେ ଗତକାଲି ଅଭିନେତ୍ରୀ ସନ୍ନି ଲିଓନିଙ୍କ ନାମ ଆସିଥିଲା। ବର୍ତ୍ତମାନ ଏହି ତାଲିକାରେ ବଲିଉଡ ଗାୟିକା ନେହା କକ୍କରଙ୍କ ନାମ ମଧ୍ୟ ଯୋଡି ହୋଇଯାଇଛି। ପଶ୍ଚିମବଙ୍ଗର ମାଲଦା ଜିଲାର ଏକ କଲେଜର ପ୍ରବେଶିକା ପରୀକ୍ଷାର ମେରିଟ ତାଲିକାରେ ଟପରେ ନେହାଙ୍କ ନାମ ରହିଛି।
ଏ ନେଇ କଲେଜ ଅଧ୍ୟକ୍ଷ ଅନିରୁଦ୍ଧ ଚୌଧୁରୀ କହିଛନ୍ତି, ଶୁକ୍ରବାର ପ୍ରଥମ ମେରିଟ ଲିଷ୍ଟ ତାଲିକା ପ୍ରକାଶ ପାଇଥିଲା। ପରେ ସଂଶୋଧନ କରାଯାଇ ଦ୍ୱିତୀୟ ଲିଷ୍ଟ ପ୍ରକାଶ ପାଇଛି। ଏ ନେଇ କଲେଜ ପକ୍ଷରୁ ସ୍ଥାନୀୟ ପୋଲିସ ଷ୍ଟେଶନ ଏବଂ ପଶ୍ଚିମବଙ୍ଗ ପୋଲିସର ସାଇବର କ୍ରାଇମ ସେଲ ନିକଟରେ ଅଭିଯୋଗ ହୋଇଛି। କେହି ଅସାମାଜିକ ବ୍ୟକ୍ତି ଜାଣିଶୁଣି ଏଡିଟ କରି ମେରିଟ ଲିଷ୍ଟରେ ନେହାଙ୍କ ନାମ ଦେଉଛି। ଉଚ୍ଚଶିକ୍ଷା ପ୍ରଣାଳୀ ଏବଂ ଅନଲାଇନ ଆଡମିଶନ ପ୍ରକ୍ରିୟାକୁ ବଦନାମ କରିବାକୁ କିଛି ବ୍ୟକ୍ତି ଚାହିଁୁଛନ୍ତି।
ସୂଚନାଯୋଗ୍ୟ ଯେ, ଶନିବାର ୨୪ ପରଗାନା ଜିଲାର ବାରାସତ ସରକାରୀ ମହାବିଦ୍ୟାଳୟର ଇଂରାଜୀ ସମ୍ମାନ ତାଲିକାରେ ସନ୍ନିଙ୍କ ନାମ ତୃତୀୟ ସ୍ଥାନରେ ରହିଥିଲା। ୧୫୭ ପ୍ରାର୍ଥୀଙ୍କ ତାଲିକାରେ ସନ୍ନିଙ୍କ ନାମ ୧୫୧ ଥିଲା।
