ମୀରପୁର,୨୨।୧୨: ମୀରପୁରରେ ଖେଳାଯାଉଥିବା ଭାରତ-ବାଂଲାଦେଶ ଟେଷ୍ଟରେ ଜୟଦେବ ଉନାଦକତ୍ ଟିମ ଇଣ୍ଡିଆକୁ ପ୍ରଥମ ସଫଳତା ଦେଇଛନ୍ତି। ସେ ଜାକିର ହାସନଙ୍କୁ ଆଉଟ୍ କରିଥିଲେ। ଟେଷ୍ଟ କ୍ରିକେଟରେ ଏହା ତାଙ୍କର ପ୍ରଥମ ଉଇକେଟ ଥିଲା। ଏଠାରେ ବିଶେଷ କଥା ହେଉଛି ତାଙ୍କର ପ୍ରଥମ ଟେଷ୍ଟ ଉଇକେଟ ପାଇବାକୁ ତାଙ୍କୁ ୧୨ ବର୍ଷ ସମୟ ଲାଗିଛି।
ଡିସେମ୍ବର ୨୦୧୦ରେ ଜୟଦେବ ଉନାଦକତ୍ ତାଙ୍କର ଟେଷ୍ଟ ଡେବ୍ୟୁ କରିଥିଲେ। ଦକ୍ଷିଣ ଆଫ୍ରିକା ବିପକ୍ଷ ସେଞ୍ଚୁରିଅନ ଟେଷ୍ଟରେ ସେ ପ୍ରଥମ ଥର ପାଇଁ ଟେଷ୍ଟ ଜର୍ସି ପିନ୍ଧିବାର ସୁଯୋଗ ପାଇଲେ। ତେବେ ଏହି ଟେଷ୍ଟରେ ତାଙ୍କର ପ୍ରଦର୍ଶନ ଅତ୍ୟନ୍ତ ଖରାପ ଥିଲା। ୨୬ ଓଭର ବୋଲିଂ କରି ୧୦୦ରୁ ଅଧିକ ରନ ଦେବା ପରେ ମଧ୍ୟ ସେ ଗୋଟିଏ ଉଇକେଟ ପାଇନଥିଲେ।
ଏହି ଖରାପ ପ୍ରଦର୍ଶନ ପରେ ସେ ପୁନର୍ବାର ଟେଷ୍ଟ ଖେଳିବାର ସୁଯୋଗ ପାଇଲେ ନାହିଁ। ଗତ ୧୨ ବର୍ଷରେ, ପ୍ରଥମ ଶ୍ରେଣୀ ମ୍ୟାଚରେ ଜୟଦେବଙ୍କ ପ୍ରଦର୍ଶନ ସେତେଟା ଭଲ ନ ଥିଲା। ଫଳରେ ତାଙ୍କୁ ଭାରତର ଟେଷ୍ଟ ଦଳରେ ସାମିଲ କରାଯାଇ ନ ଥିଲା। ଗତ ସିଜିନରେ ସେ ଘରୋଇ ମ୍ୟାଚ୍ରେ ଚମତ୍କାର ପ୍ରଦର୍ଶନ କରିଥିଲେ, ଏଥର ତାଙ୍କୁ ବାଂଲାଦେଶ ସିରିଜରେ ସୁଯୋଗ ଦିଆଯାଇଥିଲା। ପ୍ରଥମ ମ୍ୟାଚ୍ରେ ସେ ଚୂଡାନ୍ତ ଏକାଦଶରେ ସ୍ଥାନ ପାଇ ନ ଥିଲେ, କିନ୍ତୁ ଦ୍ୱିତୀୟ ମ୍ୟାଚ୍ରେ ତାଙ୍କୁ କୁଲଦୀପ ଯାଦବଙ୍କ ସ୍ଥାନରେ ଦଳରେ ସାମିଲ କରାଯାଇଥିଲା।
𝐏𝐞𝐫𝐬𝐢𝐬𝐭𝐞𝐧𝐜𝐞 𝐚𝐧𝐝 𝐡𝐚𝐫𝐝 𝐰𝐨𝐫𝐤 𝐩𝐚𝐲𝐬 𝐨𝐟𝐟 🫡@JUnadkat last played a Test match for #TeamIndia on December 16, 2010.
After 12 years, he will be donning the whites again today.#BANvIND pic.twitter.com/ziQGecIcrE
— BCCI (@BCCI) December 22, 2022
