ମୁମ୍ବାଇ: ବଲିଉଡ୍ରେ କ୍ୟାରିୟର ଆରମ୍ଭ କରି ସାରିଥିବା ହିନା ଖାଁ ଦେଖିବାକୁ ତ ସୁନ୍ଦର ହେଲେ ତାଙ୍କର ଗ୍ଲାମରସ୍ ଫଟୋ ଫ୍ୟାନ୍ସଙ୍କ ମନ କିଣିବାରେ ଏକ ନମ୍ବର ବୋଲି କୁହାଯାଏ । ନିକଟରେ ଇନଷ୍ଟାଗ୍ରମାରେ ସେ ପୋଷ୍ଟ କରିଥିବା ଫଟୋ ଏବେ ଖୁବ୍ ଚର୍ଚ୍ଚାରେ । ନିକଟରେ ତାଙ୍କ ସୁନ୍ଦରତା ପାଇଁ ତାଙ୍କୁ ଟାଇମ୍ସର ଟପ୍ ୨୦ ମୋଷ୍ଟ ଡିଜାରେବଲ ଓମେନ ପୁରସ୍କାର ମିଳିଛି । ଇନଷ୍ଟାଗ୍ରମାରେ କେବେ ଇଣ୍ଡିଆନ ତ ପୁଣି କେବେ ୱେଷ୍ଟର୍ଣ୍ଣ ଡ୍ରେସରେ ଫଟୋ ପୋଷ୍ଟ କରି ଫ୍ୟାନଙ୍କ ଦିଲ୍ ଜିତି ଥାଆନ୍ତି । ପ୍ରଶଂସକ ତାଙ୍କର ପ୍ରାୟ ସବୁ ଲୁକ୍ସକୁ ଖୁବ୍ ପ୍ରଶଂସା କରି ଥାଆନ୍ତି । ନିକଟରେ ଆନିମଲ ପ୍ରିଣ୍ଟ ବ୍ଲାକ ଆଣ୍ଡ ହ୍ୱାଇଟ ଡ୍ରେସ୍ ପିନ୍ଧିଥିବାର ଫଟୋ ହିନା ଶେୟାର କରିଥିଲେ । ଏଥିରେ ସେ ବାଳ ଖୋଲା ରଖିଥିଲେ ଯାହାକୁ ତାଙ୍କ ପ୍ରଶଂସକ ଖୁବ୍ ପସନ୍ଦ କରିଛନ୍ତି । ଏଥିରେ ତାଙ୍କୁ ୩ ଲକ୍ଷରୁ ଅଧିକ ଲାଇକ୍ସ ମିଳିଛି । ଆଉ ଏକ ଫଟୋରେ ସେ ବଡ ବ୍ଲାକ କଲର କ୍ୟାପ ପିନ୍ଧିବା ସହ ହାତରେ ନେଟ୍ ଗ୍ଲୋବ୍ସ ପିନ୍ଧି ହଲିଉଡ୍ ଅଭିନେତ୍ରୀଙ୍କ ପରି ନଜର ଆସିଛନ୍ତି । ତେବେ ହିନାଙ୍କ ଫଟୋ ଦେଖି ଖୁବ୍ କମେଣ୍ଟ କରିଛନ୍ତି ତାଙ୍କ ପ୍ରଶଂସକ । ଆଉ ଏହାକୁ ଦେଖିବା ପରେ ରୋହିତ ରୟ କହିଛନ୍ତି ପ୍ରଶଂସା ପାଇଁ ଶବ୍ଦ ବୋଧହୁଏ କମ୍ ପଡିଗଲା ।
