ବୌଦ୍ଧ ୮।୧୨(ଅଜିତ କୁମାର ବାରିକ): ବୌଦ୍ଧ ଜିଲା ଖୋର୍ଦ୍ଧା ବଲାଙ୍ଗୀର ୫୭ ନଂ ଜାତୀୟ ରାଜପଥର ପୁରୁଣାକଟକ ଥାନା ଅନ୍ତର୍ଗତ ମାର୍ଦିଙ୍ଗ ଗ୍ରାମ ନିକଟସ୍ଥ ବୁଲାଣି ରାସ୍ତାରେ ରବିବାର ଏକ ଦୁର୍ଘଟଣା ଘଟିଛି। ଦୁର୍ଘଟଣାରେ ସ୍ତ୍ରୀ ଙ୍କ ମୃତ୍ୟୁ ଘଟିଥିବା ବେଳେ ସ୍ବାମୀ ଆହତ ହୋଇଛନ୍ତି।
ସୂଚନା ମୁତାବକ କନ୍ଧମାଳ ଜିଲା ଚକାପାଦ ବ୍ଲକ ଅନ୍ତର୍ଗତ ବ୍ରାହ୍ମଣପାଦ ଗ୍ରାମର ବିରୂପାକ୍ଷ ରାଉତ ଓ ସ୍ତ୍ରୀ ଅପରାଜିତା ରାଉତ, ସକାଳୁ ଏକ ବାଇକ ଯୋଗେ ପୁରୁଣାକଟକକୁ ଆସୁଥିବା ବେଳେ ପଛପଟୁ ଏକ ଟ୍ରକ ଜାତୀୟ ରାଜପଥର ମର୍ଦଇଙ୍ଗି ଠରେ ଧକ୍କା ଦେଇଥିଲା । ଧକ୍କା ଦେବା ଫଳରେ ସ୍ତ୍ରୀ ଅପରାଜିତାଙ୍କ ମୃତ୍ୟୁ ହୋଇଥିବା ବେଳେ ସ୍ବାମୀ ଆହତ ଅଛନ୍ତି। ଦୁର୍ଘଟଣା ପରେ ଟ୍ରକ୍ ଫେରାର ମାରୁଥିବା ବେଳେ ଟ୍ରକ୍କୁ ହରେକୃଷ୍ଣପୁର ଛକରେ ଅଟକାଯାଇଛି। ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଛି ।
