ନୂଆଦିଲ୍ଲୀ, ୧୧।୮: ଝାଡ଼ଖଣ୍ଡରେ ନିଯୁକ୍ତି ପରୀକ୍ଷାରେ କଥିତ ଅନିୟମିତତା ବିରୋଧରେ ଆନ୍ଦୋଳନ କରୁଥିବା ଛାତ୍ରୀଛାତ୍ରଙ୍କ ଉପରେ ପୋଲିସ କାର୍ଯ୍ୟାନୁଷ୍ଠାନକୁ ନେଇ କକ୍ରୋଚ ଜନତା ପାର୍ଟି (CJP)ର ପ୍ରତିଷ୍ଠାତା ଅଭିଜିତ ଦୀପକେ ରାଜ୍ୟ ସରକାରଙ୍କୁ ପ୍ରଶ୍ନ କରିଛନ୍ତି। ସେ ଅଭିଯୋଗ କରିଛନ୍ତି ଯେ, ଝାଡ଼ଖଣ୍ଡରେ ମଧ୍ୟ ଛାତ୍ର ଆନ୍ଦୋଳନକୁ ଦମନ କରିବା ପାଇଁ ଲାଠିଚାର୍ଜ ଓ ଲୁହାବୁହା ଗ୍ୟାସ ବ୍ୟବହାର କରାଯାଇଛି।
ଦୀପକେ କହିଛନ୍ତି, ଝାଡ଼ଖଣ୍ଡ ହେଉ କି ଦିଲ୍ଲୀର ଜନ୍ତର ମନ୍ତର, ଛାତ୍ରୀଛାତ୍ରଙ୍କ ଉପରେ ବାରମ୍ବାର ଏଭଳି କାର୍ଯ୍ୟାନୁଷ୍ଠାନ କାହିଁକି ନିଆଯାଉଛି, ତାହା ବୁଝିବା କଷ୍ଟକର। ସେ ସ୍ପଷ୍ଟ କରିଛନ୍ତି ଯେ, CJP ଝାଡ଼ଖଣ୍ଡର ଛାତ୍ର ଆନ୍ଦୋଳନକୁ ସମ୍ପୂର୍ଣ୍ଣ ସମର୍ଥନ କରୁଛି ଏବଂ ତାଙ୍କ ଟିମ ଘଟଣାସ୍ଥଳରେ ଉପସ୍ଥିତ ରହି ଆନ୍ଦୋଳନକାରୀଙ୍କୁ ସମସ୍ତ ପ୍ରକାର ସହାୟତା ଯୋଗାଇ ଦେଉଛି।
ଅଭିଜିତ କହିଛନ୍ତି ଯେ, ଜନ୍ତର ମନ୍ତରରେ ଛାତ୍ର ଆନ୍ଦୋଳନ ସମୟରେ ଯେପରି ପୋଲିସ କାର୍ଯ୍ୟାନୁଷ୍ଠାନ ହୋଇଥିଲା, ସେହିପରି ଝାଡ଼ଖଣ୍ଡରେ ମଧ୍ୟ ପ୍ରଦର୍ଶନ କରୁଥିବା ଛାତ୍ରୀଛାତ୍ରଙ୍କ ଉପରେ ଲାଠିଚାର୍ଜ କରାଯାଇଛି। ପ୍ରଦର୍ଶନ ସମୟରେ ଲୁହବୁହା ଗ୍ୟାସ ମଧ୍ୟ ବ୍ୟବହାର କରାଯାଇଥିବା ସେ ଦାବି କରିଛନ୍ତି।
ସେ କହିଛନ୍ତି ଯେ, ଛାତ୍ରୀଛାତ୍ରଙ୍କ ଦାବି ଶୁଣିବା ଏବଂ ଆଲୋଚନା ମାଧ୍ୟମରେ ସମାଧାନର ବାଟ ବାହାର କରିବା ପରିବର୍ତ୍ତେ ପୋଲିସ ବଳ ପ୍ରୟୋଗ କରାଯିବା ଗମ୍ଭୀର ପ୍ରଶ୍ନ ସୃଷ୍ଟି କରୁଛି।
ଅଭିଜିତ ଦୀପକ ସ୍ପଷ୍ଟ କରିଛନ୍ତି ଯେ, ଝାଡ଼ଖଣ୍ଡରେ ଚାଲିଥିବା ଛାତ୍ର ଆନ୍ଦୋଳନ ସହ CJP ସମ୍ପୂର୍ଣ୍ଣ ଦୃଢ଼ତାର ସହ ଠିଆ ହୋଇଛି। ସଂଗଠନ ଛାତ୍ରଛାତ୍ରୀଙ୍କ ଦାବି ଏବଂ ସେମାନଙ୍କ ଆନ୍ଦୋଳନକୁ ସମର୍ଥନ କରୁଥିବା ସେ କହିଛନ୍ତି।
ସେ ଜଣାଇଛନ୍ତି ଯେ, CJPର ଟିମ ଝାଡ଼ଖଣ୍ଡରେ ଉପସ୍ଥିତ ଅଛି ଏବଂ ଆନ୍ଦୋଳନ ସମୟରେ ଆହତ ହୋଇଥିବା ଛାତ୍ରୀଛାତ୍ରଙ୍କୁ ସହାୟତା କରିବା ପାଇଁ କାମ କରୁଛି।
