ମୁମ୍ବାଇ: ବିବାଦରୁ ସବୁବେଳେ ଦୂରେଇ ରହୁଥିବା ବଲିଉଡ୍ର ମିଷ୍ଟର ପରଫେକ୍ସନିଷ୍ଟ ଆମିର ଖାଁ ଏବେ କିନ୍ତୁ ସୋସିଆଲ ମିଡିଆରେ ଟ୍ରୋଲ୍ ହୋଇଛନ୍ତି। ନିକଟରେ ସେ ତାଙ୍କର ପ୍ରଥମ ପତ୍ନୀଙ୍କ କନ୍ୟା ଇରା ଖାଁଙ୍କ ସହ ଏକ ଫଟୋରେ ନଜର ଆସିଛନ୍ତି। ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଅସଲ କଥା ହେଲା ସୋସିଆଲ ମିଡିଆରେ ଆକ୍ଟିଭ ରହୁଥିବା ଇରା ଏହି ଫଟୋକୁ ଶେୟାର କରିଛନ୍ତି। ନିକଟରେ ସେ ମିଶାଲ କୁପଲାନି ନାମକ ଜଣେ ଯୁବକଙ୍କ ସହ ଏକ ଫଟୋ ଶେୟାର କରିଥିବା ବେଳେ ସେ ତାଙ୍କର ବୟଫ୍ରେଣ୍ଡ ବୋଲି ଆଲୋଚନା ହେଉଥିଲା। ହେଲେ ଏହା ସ୍ପଷ୍ଟ ହୋଇ ନ ଥିଲା। ଏବେ କିନ୍ତୁ ଇରା ପିତା ଆମିରଙ୍କ ସହ ଯେଉଁ ଫଟୋ ଶେୟାର କରିଛନ୍ତି ତାହା ଅନେକଙ୍କ ପସନ୍ଦ ଆସିଥିବା ବେଳେ କେତେଜଣ ଏହାକୁ ନେଇ ଟ୍ରୋଲ୍ ମଧ୍ୟ କରିଛନ୍ତି। ସେ ଯାହା ହେଉ ୨୨ ବର୍ଷୀୟା ଇରା ଏବେ ପାଠପଢାରେ ବ୍ୟସ୍ତ ଥିବା ବେଳେ ସେ ଖୁବ୍ଶୀଘ୍ର ବଲିଉଡ୍ରେ ଡେବ୍ୟୁ କରିବେ ବୋଲି ଶୁଣିବାକୁ ମିଳୁଛି। ହେଲେ ଆମିର କୁହନ୍ତି ଇରା ନିର୍ଦ୍ଦେଶନାରେ ରୁଚି ରଖନ୍ତି ଅଭିନୟରେ ନୁହେଁ। ଅବଶ୍ୟ ମଝିରେ ମଝିରେ ଇରା ପିତାଙ୍କ ସହ ସମୟ କାଟିବାକୁ ଭଲପାଆନ୍ତି। ଯଦିଓ ପ୍ରଥମ ପତ୍ନୀଙ୍କଠାରୁ ଆମିର ଅଲଗା ହୋଇଯାଇଛନ୍ତି ପିଲାମାନଙ୍କୁ କିନ୍ତୁ ସେ ଖୁବ୍ ଭଲପାଆନ୍ତି।
