ନୂଆଦିଲ୍ଲୀ: ସୋସିଆଲ ମିଡିଆ ପ୍ରେମରେ ଆଜିକାଲିର ଯୁବପୀଢ଼ି। ଏଣୁ ଅନେକ ପ୍ରେମକାହାଣୀ ଏଠାରେ ହିଁ ଗଢ଼ି ଉଠୁଛି। ହେଲେ ବାଙ୍ଗାଲୋରର ଜଣେ ଯୁବକଙ୍କୁ ଅନ୍ଲାଇନ୍ରେ ପ୍ରେମ କରିବା ମହଙ୍ଗା ପଡ଼ିଛି। ୨୦୦୦ କିମି ରାସ୍ତା ଅତିକ୍ରାନ୍ତ କରି ଯୁବକଜଣଙ୍କ ପ୍ରେମିକାଙ୍କୁ ସର୍ପ୍ରାଇଜ୍ ଦେବାକୁ ଚାହିଁଥିଲେ। ହେଲେ ଯୁବତୀ ତାଙ୍କୁ ଚିହ୍ନି ନାହାନ୍ତି ବୋଲି କହିଦେଇଥିଲେ। ଫଳରେ ତାଙ୍କୁ ପୋଲିସ ଗିରଫ କରିଥିଲା। ପରେ ପୋଲିସ ଷ୍ଟେଶନରେ ଗୋଟିଏ ରାତି ବିତାଇବା ପରେ ଯୁବକଜଣଙ୍କୁ ମୁକୁଳିଛନ୍ତି।
ଘଟଣାଟି ଏପରି। ଉତ୍ତରପ୍ରଦେଶ ଦେବରିଆ ଜିଲାର ସଲମାନ ବାଙ୍ଗାଲୋରରେ ମେକାନିକ୍ ଭାବେ କାର୍ଯ୍ୟ କରନ୍ତି। ଅନ୍ଲାଇନ୍ରେ ସେ ଦିଲ୍ଲୀର ଜଣେ ଯୁବତୀଙ୍କ ପ୍ରେମରେ ପଡ଼ିଥିଲେ। କଥାବାର୍ତ୍ତା ହେବା ସମୟରେ ଯୁବତୀଙ୍କ ଜନ୍ମଦିନ ବିଷୟରେ ସେ ଜାଣିବାକୁ ପାଇଥିଲେ। ଶେଷରେ ତାଙ୍କୁ ଉପହାର ଦେବାକୁ ସେ ଇଚ୍ଛା ପ୍ରକାଶ କରିଥିଲେ। ଏଣୁ ସେ ବାଙ୍ଗାଲୋରରୁ ଲକ୍ଷ୍ନୌକୁ ବିମାନଯାତ୍ରା କରି ଲଖିମପୁର ଖେିରି ପାଇଁ ବସ୍ରେ ଚଢ଼ିଥିଲେ। ଯୁବତୀଙ୍କ ପାଇଁ ଚକୋଲେଟ୍, ଟେଡି ବିୟର ଏବଂ କିଛି ଅନ୍ୟ ଉପହାର ସାମଗ୍ରୀ ମଧ୍ୟ ସାଙ୍ଗରେ ଆଣିଥିଲେ। ହେଲେ ତାଙ୍କ ଉପରେ ପରିବାରଲୋକଙ୍କ ସନ୍ଦେହ ହୋଇଥିଲେ। ସେମାନେ ପୋଲିସକୁ ଫୋନ କରିଥିଲେ। ପୋଲିସ ତାଙ୍କୁ ଅଟକ ରଖି ପଚରାଉଚରା କରିବା ପରେ ଗୋଟିଏ ରାତି ସେ ଥାନାରେ ରହିଥିଲେ। ପରେ ସୋମବାର ତାଙ୍କୁ ପୋଲିସ ଛାଡ଼ିଥିଲା। ଏହା ଏବେ ଚର୍ଚ୍ଚାର ବିଷୟ ପାଲଟିଛି।
