ଖୋର୍ଦ୍ଧା ଅଫିସ,୧୭ା୧୧: ସଦର ଥାନା ଅନ୍ତର୍ଗତ ଦୁର୍ଗାପୁର ପଞ୍ଚାୟତ ବେଙ୍ଗିଟାଙ୍ଗି ଆମ୍ବ ତୋଟାରେ ମାଟି ଭିତରୁ ଏକ ମଣିଷର ହାତ ଦେଖିବାକୁ ମିଳିଛି। ବୁଧବାର ଏହି ଘଟଣା ଜଣାପଡ଼ିବା ପରେ ପୋଲିସ ଟିମ୍ ପହଞ୍ଚି ଚାରିପଟ ଦୌଡ଼ି ଟାଣି ସିଲ୍ କରିଥିଲା। ଗୁରୁବାର ପୂର୍ବାହ୍ନରେ ତହସିଲଦାର ଇପସିତ ସାହୁ ମାଜିଷ୍ଟ୍ରେଟ୍ଙ୍କ ଉପସ୍ଥିତିରେ ସାଇଣ୍ଟିଫିକ୍ ଟିମ୍ ସହ ଅନୁସନ୍ଧାନ ଆରମ୍ଭ କରିଛନ୍ତି। ସ୍ଥାନୀୟ ଲୋକଙ୍କ ସହାୟତାରେ ମାଟି ଖୋଲା ଚାଲିଛି। ମୁଣ୍ଡ ମାଟି ଉପରକୁ ବାହାରିଛି। ତେବେ ପୁଅ କି ଝିଅ ଜଣାପଡ଼ି ନ ଥିବା ବେଳେ, ଲୁଣ, ଦାନାଦାର ଓ କେମିକାଲ ପକାଇ ମୃତଦେହ ହତ୍ୟା କରାଯାଇଥିବା ପୋଲିସର ପ୍ରାଥମିକ ଅନୁସନ୍ଧାନରୁ ଜଣାପଡ଼ିଛି। ଘଟଣାସ୍ଥଳରେ ସଦର ଏସ୍ଡିପିଓ ଦିଲ୍ଲୀପ ଦାସ, ଟାଉନ ଅଧିକାରୀ ତାରିକ ଅହମ୍ମଦଙ୍କ ସମେତ ପୋଲିସ ମୁତୟନ ଅଛନ୍ତି।
