ବର୍ଷା ଋତୁ ନିଜର ଦାୟିତ୍ୱହୀନତା ପାଇଁ କୁଖ୍ୟାତ। ପାଣିପାଗ ବିଭାଗର ପୂର୍ବାନୁମାନ ସତ୍ତ୍ୱେ ବର୍ଷା ସମ୍ପୂର୍ଣ୍ଣ ନିଜ ଇଚ୍ଛାରେ ଚଳପ୍ରଚଳ। କେତେବେଳେ ସେ ଠିକ୍ ସମୟରେ ଆସେ ତ କେତେବେଳେ ବିଳମ୍ବରେ। କେତେବେଳେ ବୃଦ୍ଧାଙ୍କ ଅଟକ କାରଣରୁ ଘରୁ ବାହାରି ପାରୁ ନ ଥିବା ପ୍ରେମିକା ଭଳି ଆସିବାର ପ୍ରତିଶ୍ରୁତି ନେଇ ଆସେନାହିଁ ତ ଆଉ କେତେବେଳେ ଅବାଞ୍ଛିତ ଅତିଥିଙ୍କ ଭଳି ଆସି ଯିବାର ନାଁ ଧରେନି। ଏହାଠାରୁ ଅଧିକ ଦାୟିତ୍ୱବାନ ପ୍ରତିବର୍ଷ ଆସୁଥିବା ବିବାହ ଋତୁ। ଯଦିଓ ସ୍ବାଧୀନତା ଦିବସ ଓ ସାଧାରଣତନ୍ତ୍ର ଦିବସ ଭଳି ପ୍ରତିବର୍ଷ ନିର୍ଦ୍ଧାରିତ ଦିନରେ ଏହି ଋତୁ ଆସି ନ ଥାଏ, ତଥାପି ବିବାହ କେବେ ଆରମ୍ଭ ହେବ ଏବଂ କେବେ ଶେଷ ହେବ ତାହା ପାଞ୍ଜିକାରମାନେ ଆପଣଙ୍କୁ ବହୁତ ଆଗରୁ କହିଦିଅନ୍ତି । ପଞ୍ଚତାରକା ହୋଟେଲ, କଲ୍ୟାଣମଣ୍ଡପ, ଫାର୍ମ ହାଉସ ଇତ୍ୟାଦିର ମ୍ୟାନେଜର/ମାଲିକ ବିବାହ ତାରିଖ ଆଗୁଆ ଜାଣିବା ପରେ ବିବାହ ସମାରୋହ ବୁକିଂ ପାଇଁ ସେହି ଦିନଗୁଡ଼ିକ ଆକାଶଛୁଆଁ ଦର ଦର୍ଶାଇଥାନ୍ତି। ଯେଉଁ ଅଭିଭାବକମାନେ ଅଧିକ ଦର ବହନ କରିବାକୁ ଅସମର୍ଥ ସେମାନେ ମଧ୍ୟ ସେମାନଙ୍କ କ୍ଷେତ୍ରରେ ପାର୍କ, ଆର୍ଡବ୍ଲ୍ୟୁଏ କୋଠା, ବିବାହ ହଲ୍ ଇତ୍ୟାଦି ବୁକିଂ କରିବାକୁ ଏବଂ ସମ୍ପୃକ୍ତ କର୍ତ୍ତୃପକ୍ଷଙ୍କ ତଥାକଥିତ ‘ସେଟିଂ’ ପାଇଁ ଯଥେଷ୍ଟ ସମୟ ପାଆନ୍ତି।
ଏହି କର୍ତ୍ତୃପକ୍ଷମାନଙ୍କ ସହ କଥାବାର୍ତ୍ତା କଲେ ଜଣାଯାଏ ଯେ ସହରରେ ବିବାହ ପାଇଁ ଝିଅମାନେ ସେତିକି ଯୋଗ୍ୟ ନୁହନ୍ତି ଯେତିକି ବିବାହ ସ୍ଥାନ ବୁକିଂ ହେଉଛି । ସାଧାରଣ ନିର୍ବାଚନରେ କିଛି ପ୍ରାର୍ଥୀ ନିଜର ପ୍ରାର୍ଥିପତ୍ର ଘୋଷଣା କରିବା ସହ ନିର୍ବାଚନ ତାରିଖ ପାଖେଇ ଆସିଲେ ପ୍ରାର୍ଥିପତ୍ର ପ୍ରତ୍ୟାହାର କରିବା ସହ କିଛି ଅତିରିକ୍ତ ରୋଜଗାର କରିଥାନ୍ତି। ଏବେ ବିବାହ ସମାରୋହ ପାଇଁ ଲୋକପ୍ରିୟ ସ୍ଥାନ, ବ୍ୟାଣ୍ଡବାଜା, ଗାଡି ଇତ୍ୟାଦିର ଆଗୁଆ ବୁକିଂରେ ସମାନ ସମ୍ଭାବନା ସୃଷ୍ଟି ହୋଇଛି। ମହାନଗରର ବିବାହ ମାନଙ୍କରେ ଗାଡି, ବାଜା, ବ୍ୟାଣ୍ଡ ଅପେକ୍ଷା କିଛି ନାମୀଦାମୀ ନେତା ଓ ଦୁଇ ଚାରି ଜଣ ବିଦେଶୀ ଅତିଥିଙ୍କ ଉପସ୍ଥିତି ଅଧିକ ଜରୁରୀ ହୋଇପଡ଼ିଛି। ନେତାଙ୍କ ଦଳ କ୍ଷମତାରେ ଥିବା ପର୍ଯ୍ୟନ୍ତ ନେତା କେବଳ ନାମୀଦାମୀ ରହିବେ। ଯଦି ସେ କୌଣସି ମନ୍ତ୍ରୀ ଅଛନ୍ତି ତେବେ ଖୁସିର ଠିକଣା ନ ଥାଏ। କିନ୍ତୁ ବିବାହ ଋତୁରେ ଆପଣ ପ୍ରତ୍ୟେକ ବିବାହର ସୌନ୍ଦର୍ଯ୍ୟ ବଢାଇବା ପାଇଁ ଆପଣଙ୍କୁ ଏତେ ସଂଖ୍ୟକ ମନ୍ତ୍ରୀ ବା ମିଳିବେ କେଉଁଠୁ? ଗୋଟିଏ ପଦ ହଜାରେ ପ୍ରାର୍ଥୀ ଭଳି ସ୍ଥିତି। ବୁଦ୍ଧିଜୀବୀମାନେ ଭିଆଇପି ଉପସ୍ଥାନ ବ୍ୟବସ୍ଥା କରି ନ ପାରିବା କାରଣରୁ ହୀନମାନସିକତାର ଶିକାର ହେବା ଅପେକ୍ଷା ରାଜନେତା ଓ ବିଦେଶୀ ଅତିଥିମାନଙ୍କୁ ବିବାହ ଦିନ ବହୁ ପୂର୍ବରୁ ବୁକିଂ ବ୍ୟବସ୍ଥା କରିବା ଭଲ ବୋଲି ଭଲ ଭାବେ ଜାଣନ୍ତି। ହେଲେ ଅଦିନିଆ ବର୍ଷା ସବୁ ଧୋଇଦେଲା ପରି ବେଳେବେଳେ କ୍ୟାବିନେଟ ଅଦଳବଦଳ ଯୋଗୁ ମାସେ ପୂର୍ବରୁ ନିମନ୍ତ୍ରଣ କରାଯାଇଥିବା ନେତା ନିଜର ଚମକ ହରାଇଥାନ୍ତି ।ଆଜିକାଲି ସେମାନେ ଜେଲରେ ରହିବା ଏକ ସାଧାରଣ କଥା ହୋଇଗଲାଣି। ତା’ପରେ ସେମାନଙ୍କୁ ଡାକିଥିବା ବ୍ୟକ୍ତି ଭାବିଥାନ୍ତି ଯେ ଏଭଳି ଲୁଟ ହୋଇଥିବା ଧନସମ୍ପତ୍ତି ସହିତ ନେତା ବିବାହର ଉଜ୍ଜ୍ୱଳତା କ’ଣ ବଢ଼ାଇବେ? ଆଉ କିଛି ଭାବନ୍ତି ରାଜନେତାଙ୍କ ଉପସ୍ଥିତି ଅପେକ୍ଷା ଚଳଚ୍ଚିତ୍ର ତାରକାଙ୍କ ଉପସ୍ଥିତି ଅଧିକ ଗୁରୁତ୍ୱପୂର୍ଣ୍ଣ, କିନ୍ତୁ ଯେତେବେଳେ ସେମାନେ ଆସନ୍ତି, ସେମାନଙ୍କୁ ଅନେକ ସମୟରେ ଆୟକର ଏବଂ ଇଡି ଲୋକମାନେ ବିନା ନିମନ୍ତ୍ରଣରେ ଅନୁସରଣ କରନ୍ତି । ତେବେ ସେମାନଙ୍କୁ ଡାକି ନଚାଇବା ସମସ୍ତଙ୍କ ପକ୍ଷେ ସମ୍ଭବ ନୁହେଁ। ବିଦେଶୀ ମହିଳାମାନେ ଲେହେଙ୍ଗା-ଚୋଲି କିମ୍ବା ଶାଢ଼ି ପିନ୍ଧି ଉପସ୍ଥିତ ହେବାର ବିକଳ୍ପ ମଧ୍ୟବିତ୍ତଙ୍କ ପାଖରେ ରହିଛି, କିନ୍ତୁ ଏଥିରେ ମଧ୍ୟ କିଛି ତ୍ରୁଟି ପରିଲକ୍ଷିତ । ଯଦି ବିଦେଶୀ କନ୍ୟାର ଗୋରା ଚର୍ମ ସମ୍ମୁଖରେ ହଜାର ହଜାର ଟଙ୍କା ଖର୍ଚ୍ଚ କରି କରାଯାଇଥିବା ‘ବ୍ରାଇଡଲ ମେକ୍ଅପ’ ଫିକା ଦେଖାଯିବା ଆରମ୍ଭ ହୁଏ, ତେବେ ପରିବାର ସଦସ୍ୟମାନେ ଆପଣା ହସ୍ତେ ଜିହ୍ବା ଛେଦି ପରି ମନେହୁଏ। ମଞ୍ଚ ଉପରେ ଫୁଲରେ ସଜ୍ଜିତ ସିଂହାସନ ଭଳି ସିଟ୍୍ରେ ବସିଥିବା ନବବିବାହିତ ଦମ୍ପତିଙ୍କ ସହ ସେଲ୍ଫି ନେବା ପରିବର୍ତ୍ତେ ହାତରେ ମୋବାଇଲ ଫୋନ ଧରି ବିଦେଶୀ ଅତିଥିଙ୍କ ସହ ସେଲ୍ଫି ନେବାକୁ ଯଦି କୁଣିଆ ମୈତ୍ର ଆଗ୍ରହ ପ୍ରକାଶ କରନ୍ତି ତେବେ ମନ କ’ଣ ହେବ ତାହା ଅନୁମେୟ।
ପ୍ରଣତି ଆଚାର୍ଯ୍ୟ ମିଶ୍ର
ନୟାଗଡ଼
ମୋ:୯୪୩୭୬୪୨୯୪୭
