ମହାକାଳପଡ଼ା,୧୧ା୭(ପ୍ରତାପ ଚନ୍ଦ୍ର ସ୍ବାଇଁ): ଚଳିତବର୍ଷ ଜୁନ୍ ମାସ ତୃତୀୟ ସପ୍ତାହରେ ଦକ୍ଷିଣ ପଶ୍ଚିମ ମୌସୁମୀ ବର୍ଷା ଓଡ଼ିଶା ଉପକୂଳ ଛୁଇଁଥିଲେ ମଧ୍ୟ ଆଶାନୁରୂପକ ବର୍ଷା ହେଉନାହିଁ। ଫଳରେ ସ୍ଥାନୀୟ ଚାଷୀମାନଙ୍କ ଜମିରେ ପାଣି ନ ଥିବାରୁ ତଳି ଧାନ ନଷ୍ଟହେବାକୁ ବସିଲାଣି। ଦକ୍ଷିଣ, ପଶ୍ଚିମ ମୌସୁମୀ ବାୟୁ ବର୍ଷା ସକ୍ରିୟ ହେଲେ ଏହି ଅଞ୍ଚଳରେ ଚାଷୀମାନେ ବେଉଷଣ କାମ ଆରମ୍ଭ ହେବ ବୋଲି କହିଛନ୍ତି। ଅପରପକ୍ଷରେ ଜମ୍ବୁ-ମାର୍ଶାଘାଇ ମୁଖ୍ୟ କେନାଲ ଅଦ୍ୟାବଧି ଶୁଖିଲା ପଡ଼ିଛି। କଟକୀ ଦଳରେ ଭର୍ତ୍ତି ହୋଇଛି ଏହି ସର୍ବପୁରାତନ କେନାଲ। ଦିନ ଥିଲା ଏହି କେନାଲ ଦେଇ ବିଦେଶୀ ନାଗରିକମାନେ ବିଦେଶରୁ ଖାଦ୍ୟ ସାମଗ୍ରୀ କଟକର ମହାନଦୀ ଯୋବ୍ରା ମାଲଗୋଦାମକୁ ଯାତାୟାତ କରୁଥିଲା। ତେବେ ଏହି କେନାଲ ତା’ର ପୂର୍ବ ରୂପ ଓ ସୌନ୍ଦର୍ଯ୍ୟ ହରାଇଛି। ଅପରପକ୍ଷରେ ଏହି କେନାଲ କଟକର ମହାନଦୀ ବ୍ୟାରେଜ୍ ପୂର୍ବାଞ୍ଚଳ ସର୍କଲ ଜଳସେଚନ ବିଭାଗ ଅଧୀନରେ ପରିଚାଳିତ ହେଉଛି। ମିଳିଥିବା ସୂଚନା ଅନୁସାରେ, ସୋମବାର ପୂର୍ବାହ୍ନରେ ପାରମ୍ପରିକ ପୂଜାର୍ଚ୍ଚନା କରାଯାଇ କଟକ ଇଷ୍ଟର୍ନ ସର୍କଲ ମହାନଦୀ ବ୍ୟାରେଜରୁ ଆନୁଷ୍ଠାନିକ ଭାବେ କେନ୍ଦ୍ରାପଡ଼ା କେନାଲ ଓ ଜାରକା ଯାଜପୁର ହାଇ ଲେଭଲ କେନାଲରେ ଚଳିତବର୍ଷ ପ୍ରଥମ ମୌସୁମୀ ଋତୁରେ ଜଳ ନିଷ୍କାସନ କରାଯାଇଛି ବୋଲି କଟକସ୍ଥିତ ଇଷ୍ଟର୍ନ ସର୍କଲ ଜଳସେଚନ ବିଭାଗ ଅତିରିକ୍ତ ମୁଖ୍ୟଯନ୍ତ୍ରୀ ପୂର୍ଣ୍ଣଚନ୍ଦ୍ର ରଥ କହିଛନ୍ତି। ଏ ସଂକ୍ରାନ୍ତରେ ମୁଖ୍ୟଯନ୍ତ୍ରୀ ରଥଙ୍କୁ ପଚାରିବାରେ, ଆସନ୍ତା ୪ରୁ ୫ ଦିନ ମଧ୍ୟରେ କେନ୍ଦ୍ରାପଡ଼ା- ମାର୍ଶଘାଇ-ଜମ୍ବୁ କେନାଲ ତଳମୁଣ୍ତରେ ଜଳ ପହଞ୍ଚତ୍ବ। କେନାଲ ଜଳକୁ ଧୀରେ ଧୀରେ ନିଷ୍କାସନ କରାଯିବ। ଫଳରେ ସୁବିଧାରେ ତଳମୁଣ୍ଡରେ ଜଳ ପହଞ୍ଚତ୍ଲେ ସ୍ଥାନୀୟ ଚାଷୀମାନେ ଖରିଫ ଫସଲ ବେଉଷଣ କାମ ଆରମ୍ଭ କରିପାରିବେ ବୋଲି ସେ କହିଛନ୍ତି।
ବଙ୍ଗୋପସାଗରରେ ଲଘୁଚାପ କ୍ଷେତ୍ର ସୃଷ୍ଟି ହେଲେ ଦକ୍ଷିଣ, ପଶ୍ଚିମ ମୌସୁମୀ ସକ୍ରିୟ ହେବ। ଫଳରେ ଭୀଷଣ ବର୍ଷା ହେବ ବୋଲି କୁହାଯାଇଛି। ତେବେ ନିଅଣ୍ଟିଆ ସ୍ବଳ୍ପ ବୃଷ୍ଟିପାତ ଯୋଗୁ ଚଳିତବର୍ଷ ଖରିଫ ଫସଲ ଅମଳ ହେବା ନେଇ ଚିନ୍ତାରେ ଚାଷୀମାନେ ରହିଛନ୍ତି। ସେମାନଙ୍କ କହିବା କଥା ବର୍ଷାପାଣି କିମ୍ବା କେନାଲ ଜଳ ଆସିଲେ ଖରିଫ ଫସଲ ବେଉଷଣ ହେବ ବୋଲି ଜଳଧର ସ୍ବାଇଁ , ଜସବନ୍ତ ପ୍ରଧାନ , ଅନାଦି ସ୍ବାଇଁ , ସଦାଶିବ ରାଉତ , ପତିତପାବନ ସ୍ବାଇଁ , ଗୋଲେଖ ସ୍ବାଇଁଙ୍କ ପ୍ରମୁଖ ଚାଷୀ କହିଛନ୍ତିୟ
ବର୍ଷାଜଳ ଉପରମୁଣ୍ଡରୁ ନ ଆସିବାରୁ ତଳ ମହାନଦୀ , ଲୁଣା , ଗୋବରୀ ନଦୀରେ ସମୁଦ୍ର ଲୁଣିପାଣି ପ୍ରବେଶକରି ଚାଷଜମି କ୍ଷତି ପହଞ୍ଚାଉଛି ବୋଲି ଚାଷୀମାନେ କହିଛନ୍ତି। ଏ ସମ୍ପର୍କରେ କେନ୍ଦ୍ରାପଡ଼ା ଜଳସେଚନ ବିଭାଗ ଅଧୀକ୍ଷଣ ଯନ୍ତ୍ରୀ ଉମେଶ ଚନ୍ଦ୍ର ସେଠୀଙ୍କୁ ପଚାରିବାରେ କେନାଲ ଜଳ ଛଡ଼ାଯାଉଛି। କେନାଲ ଜଳ ଯୋଗାଣରେ ସମସ୍ୟା ରହିବ ନାହିଁ। ସ୍ଥାନୀୟ ଚାଷୀମାନେ ଚାଷକାର୍ଯ୍ୟ ଆରମ୍ଭ କରିବେ ବୋଲି ସେ କହିଛନ୍ତି।
