ରାଞ୍ଚି,୮।୨ : ଚେନ୍ନାଇ ସୁପର କିଙ୍ଗ୍ସର ଅଧିନାୟକ ମହେନ୍ଦ୍ର ସିଂ ଧୋନୀ ବର୍ତ୍ତମାନ ଆଇପିଏଲ ୨୦୨୪ପାଇଁ ପ୍ରସ୍ତୁତି ଆରମ୍ଭ କରିଛନ୍ତି। ଏହି ସମୟରେ ଧୋନୀଙ୍କ ବ୍ୟାଟର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ବାସ୍ତବରେ, ଧୋନୀଙ୍କ ବ୍ୟାଟ ଭାଇରାଲ ହେବା ପଛର କାରଣ ହେଉଛି ତାଙ୍କ ବ୍ୟାଟ ଉପରେ ଥିବା ଷ୍ଟିକର। ଫେବୃଆରୀ ୭, ବୁଧବାର ଦିନ ଟିମ ଇଣ୍ଡିଆର ପୂର୍ବତନ ମହାନ ଅଧିନାୟକ ଏମଏସ ଧୋନୀଙ୍କ ଫଟୋ ସୋସିଆଲ ମିଡିଆରେ ଶେୟାର କରାଯାଇଥିଲା। ଏହି ଫଟୋରେ ସେ ନେଟରେ ଅଭ୍ୟାସ କରୁଥିବା ଦେଖିବାକୁ ମିଳିଥିଲା।
ଧୋନୀ ଆଇପିଏଲ ୨୦୨୪ ପାଇଁ ଜୋରଦାର ଅଭ୍ୟାସ କରୁଥିବା ଦେଖିବାକୁ ମିଳିଥିଲା। ଏହି ସମୟରେ ତାଙ୍କ ବ୍ୟାଟ ଆକର୍ଷଣର କେନ୍ଦ୍ର ପାଲଟିଥିଲା। ତାଙ୍କ ବ୍ୟାଟ ଉପରେ ଥିବା ଷ୍ଟିକରଟି ତାଙ୍କ ପିଲାଦିନର ବନ୍ଧୁଙ୍କ ଦୋକାନର ଥିଲା। ବର୍ତ୍ତମାନ ଏମଏସ ଧୋନୀଙ୍କ ବ୍ୟାଟ ଏବଂ ତାଙ୍କ ପିଲାଦିନର ବନ୍ଧୁଙ୍କ ଦୋକାନର ଫଟୋ ସୋସିଆଲ ମିଡିଆରେ ଭାଇରାଲ ହେଉଛି। ଧୋନୀ ସାକ୍ଷାତକାର ସମୟରେ ତାଙ୍କ ପିଲାଦିନର ବନ୍ଧୁମାନଙ୍କଠାରୁ ପାଇଥିବା ସମର୍ଥନ ବିଷୟରେ ମଧ୍ୟ ଉଲ୍ଲେଖ କରିଛନ୍ତି । କେବଳ ଏତିକି ନୁହେଁ ମାହିଙ୍କ ଉପରେ ନିର୍ମିତ ଫିଲ୍ମ ‘ଏମଏସ ଧୋନୀ: ଦ ଅନଟୋଲ୍ଡ ଷ୍ଟୋରୀ’ରେ ତାଙ୍କ ସାଙ୍ଗମାନଙ୍କ ସହ ତାଙ୍କର ବିଶେଷ ସମ୍ପର୍କ ମଧ୍ୟ ଦେଖାଯାଇଥିଲା। ଖବର ଅନୁଯାୟୀ ତାଙ୍କ କ୍ୟାରିୟରରେ ପ୍ରଥମ ଥର ପାଇଁ ତାଙ୍କ ବନ୍ଧୁ ପ୍ରାୟୋଜକ ହୋଇଛନ୍ତି।
ଯେଉଁ ଦୋକାନର ନାମ ତାଙ୍କ ବ୍ୟାଟ ଉପରେ ଅଛି, ତାହା ପିଲାଦିନର ବନ୍ଧୁ ପରମଜିତ ସିଂଙ୍କର ଅଟେ। ପରମଜିତ ପିଲାଦିନରୁ କ୍ରିକେଟ ଖେଳିବାରେ ଏମଏସ ତାଙ୍କୁ ବହୁତ ସମର୍ଥନ କରିଛନ୍ତି। ଏଭଳି ପରିସ୍ଥିତିରେ ଧୋନୀ ମଧ୍ୟ ତାଙ୍କର ବିଶେଷ ବନ୍ଧୁ ଦେଇଥିବା ସମର୍ଥନକୁ ଭୁଲି ନାହାନ୍ତି।
ଚେନ୍ନାଇ ସୁପର କିଙ୍ଗ୍ସର ଅଧିନାୟକ ମହେନ୍ଦ୍ର ସିଂ ଧୋନୀ ଏବେ ପୁଣି ଥରେ ଆଇପିଏଲ ଖେଳିବାକୁ ପ୍ରସ୍ତୁତ ହେଉଛନ୍ତି। ଗତ ସିଜିନରେ ଆଣ୍ଠୁରେ ଆଘାତ ସହ ସଂଘର୍ଷ କରୁଥିଲେ। ଯାହା ପରେ ଆଣ୍ଠୁ ଅସ୍ତ୍ରୋପଚାର କରିବାକୁ ପଡିଥିଲା। ଆଇପିଏଲ ୨୦୨୩ରେ, ଏହା ଧୋନୀଙ୍କ ଶେଷ ଆଇପିଏଲ ସିଜିନ ହେବ ବୋଲି ଚିନ୍ତା କରାଯାଇଥିଲା କିନ୍ତୁ ପ୍ରଶଂସକଙ୍କ ବିପୁଳ ସମର୍ଥନ ପରେ ଧୋନୀ ଆଉ ଏକ ଆଇପିଏଲ ସିଜନ ଖେଳିବାକୁ ନିଷ୍ପତ୍ତି ନେଇଥିଲେ। କିନ୍ତୁ ପରେ ଧୋନିଙ୍କ ଫିଟନେସ ବିଷୟରେ ପ୍ରଶଂସକଙ୍କ ମନରେ ଅନେକ ପ୍ରଶ୍ନ ଉଠିଥିଲା କିନ୍ତୁ ବର୍ତ୍ତମାନ ମାହି ସମ୍ପୂର୍ଣ୍ଣ ଫିଟ ଦେଖାଯାଉଛନ୍ତି। ଯେଉଁଥିପାଇଁ ପ୍ରଶଂସକଙ୍କ ଚେହେରାରେ ଖୁସି ଦେଖିବାକୁ ମିଳିଛି। ଗତ ସିଜିନରେ, ତାଙ୍କ ଅଧିନାୟକତ୍ୱରେ, ସିଏସକେ ପଞ୍ଚମ ଥର ପାଇଁ ଚାମ୍ପିୟନ ହୋଇଥିଲା ।
