ଆଜିକାଲି ମୋବାଇଲ୍ ଯୁବପିଢିଙ୍କ ପାଇଁ ଏକ ନିଶା ପାଲଟିଛି। କରୋନା ସମୟରେ ଅନଲାଇନ୍ କ୍ଲାସ୍ ଯୋଗୁ ମଧ୍ୟ ମୋବାଇଲ୍ ପିଲାମାନଙ୍କ ପାଇଁ ଜରୁରୀ ହୋଇପଡିଛି। ପିଲାଙ୍କୁ ଯେତେ ବାରଣ କଲେ ମଧ୍ୟ ସେମାନେ ମୋବାଇଲ୍ ବିନା ରହିବା ଅସମ୍ଭବ ଯେମିତି ହୋଇପଡୁଛି। ନିକଟରେ ଏକ ୨୨ ମାସର ପିଲା ଅନଲାଇନ୍ ମାଧ୍ୟମରେ ୧.୪ ଲକ୍ଷ ଟଙ୍କାର ଏକ ଆସବାବପତ୍ର ମଗାଇ ଚର୍ଚ୍ଚାକୁ ଆସିଛନ୍ତି।
ଆମରେିକାର ନ୍ୟୁ ଜର୍ସିରେ ଏହି ଘଟଣା ଘଟିଛି। ୨୨ ମାସର ଆୟାଂଶ କୁମାର ଫୋନ ମାଧ୍ୟମରେ ଓ୍ବାଲମାର୍ଟରୁ ୨,୦୦୦ଡଲାର (୧.୪ ଲକ୍ଷ ଟଙ୍କା) ମୂଲ୍ୟର ଆସବାବପତ୍ର ଅର୍ଡର କରିବାକରିଥିଲେ। କିନ୍ତୁ ଏକଥା ତାଙ୍କ ମାତାପିତା ଜାଣି ନ ଥିଲେ। ନୂତନ ଆସବାବପତ୍ର ଘରେ ପହଞ୍ଚିବା ପରେ ସେମାନେ ଆଶ୍ଚର୍ଯ୍ୟ ହୋଇଯାଇଥିଲେ।
ଆୟାଂଶଙ୍କ ମା’ ତାଙ୍କ ନୂଆ ଘର ପାଇଁ କିଛି ଜିନିଷ କିଣିବାକୁ ଚାହୁଁଥିଲେ। ପୁଅ ଏହା ଜାଣି ନିଜେ ଅର୍ଡର କରିଦେଇଥିଲେ। ତାଙ୍କ ପିତା ପ୍ରମୋଦ କୁମାର କହିଛନ୍ତି, ଏହା ବିଶ୍ୱାସ କରିବା ପ୍ରକୃତରେ କଷ୍ଟସାଧ୍ୟ, କିନ୍ତୁ ଏହା ଘଟିଛି। ତାଙ୍କ ପୁଅ ଚେୟାର, ଫୁଲ ଷ୍ଟାଣ୍ଡ ଏବଂ ଅନ୍ୟାନ୍ୟ ଜିନିଷ ଅର୍ଡର କରିଥିବା ସେ କହିଛନ୍ତି।
