ଫେରୁଥିବା ଓଡ଼ିଆଙ୍କ ଦାୟିତ୍ୱ ବୁଝିବେ ୧୦ ଜଣିଆ କମିଟି
8:39 pmMay 2, 2020May 2, 2020 / 21

ବନ୍ତ,୨।୫(ଡି.ଏନ୍‌.ଏ.)-କରୋନା ଲକ୍‌ ଡାଉନ୍‌ ପରିପେକ୍ଷୀରେ ଅନ୍ୟ ରାଜ୍ୟରୁ ଓଡ଼ିଶା ଫେରୁଥିବା ପ୍ରବାସୀ ଓଡ଼ିଆଙ୍କ ଦାୟିତ୍ୱ ବୁଝିବା ନେଇ ପଞ୍ଚାୟତସ୍ତରରେ ୧୦ ଜଣିଆ କମିଟି ଗଠିତ ହୋଇଛି। ଶନିବାର ଭଦ୍ରକ ଜିଲା ବନ୍ତ ବ୍ଲକ ନିଳୋକ ପଞ୍ଚାୟତ କାର୍ଯ୍ୟାଳୟଠାରେ ସରପଞ୍ଚ ଅଶୋକ କୁମାର ମହାନ୍ତି ଓ ନୋଡାଲ ଅଫିସର ଜଗତଜୀବନ ଜେନାଙ୍କ ଉପସ୍ଥିତିରେ ଏହି କମିଟି ଗଠନ କରାଯାଇଛି। କମିଟିରେ ପଞ୍ଚାୟତ କାର୍ଯ୍ୟ ନିର୍ବାହୀ ଅଧିକାରୀ ନାରାୟଣ ପଣ୍ଡା, ଗ୍ରାମ ରୋଜଗାର ସେବକ ପ୍ରଦୀପ ବିଶ୍ୱାଳ, ଆଶା କର୍ମୀ ସାବିତ୍ରୀ ସାହୁ, ଅଙ୍ଗନୱାଡି କର୍ମୀ ସଂଯୁକ୍ତା ରାଉତରାୟ, ମମତା ଭୂୟାଁ, କନକଲତା ନାୟକ, ଶିକ୍ଷକ ଶୋଭେନ୍ଦ୍ର କୁମାର ମାଝୀ, ଅଜୟ ପଣ୍ଡା, ଓଡ଼ିଶା ଜୀବିକା ମିଶନର ବ୍ଲକସ୍ତରୀୟ ସଂଯୋଜକ ବନୋଜ କୁମାର ବାରିକ ରହିଥିବା ସୂଚନା ମିଳିଛି।