ଦେବଗଡ,୯।୩(ଡି. ଏନ. ଏ.): ଦେବଗଡ ଥାନା ଅନ୍ତର୍ଗତ ଚିକିଣି ଘାଟି ନିକଟରେ ମାରଣାତ୍ସ ଦେଖାଇ ୨ଜଣ ଯୁବକଙ୍କଠାରୁ ୯୨ ହଜାର ଟଙ୍କା ଲୁଟି ନେଇଛନ୍ତି ଦୁର୍ବୃତ୍ତ। ଏନେଇ ଦେବଗଡ ଆଦର୍ଶ ଥାନାରେ ଗୁରୁବାର ଅଭିଯୋଗ ହୋଇଛି। ଖବର ମୁତାବକ, ସମ୍ବଲପୁର ସହରର ରଞ୍ଜନ ପାଢ଼ୀ ଓ ସମ୍ବଲପୁର ଜିଲା ଖରସନମାଲ ବିଦ୍ୟାଧର ଖମାରି ମେଡିସିନ କମ୍ପାନୀରେ କାର୍ଯ୍ୟ କରୁଛନ୍ତି। ସେମାନେ ଦ୍ବିପହର ସମୟରେ ରିଆମାଳ ବ୍ଲକ ଅନ୍ତର୍ଗତ ରେଙ୍ଗାଲବେଡାରୁ ମେଡିସିନ ଦୋକାନରୁ ଅର୍ଥ ସଂଗ୍ରହ କରି ଦେବଗଡ ଅଭିମୁଖେ ଫେରୁଥିବାବେଳେ ଚିକିଣି ଘାଟି ନିକଟରେ ୨ଜଣ ଦୁର୍ବୃତ୍ତ ଏକ କଳା ରଙ୍ଗର ପଲସର ବାଇକ୍ରେ ଆସି ସେମାନଙ୍କୁ ମାରଣାତ୍ସ ଦେଖାଇ ଭୟଭୀତ କରି ୯୨ ହଜାର ଟଙ୍କା ଲୁଟି ଘଟଣାସ୍ଥଳରୁ ଫେରାର ହୋଇଯାଇଥିଲେ। ଏ ନେଇ ରଞ୍ଜନ ଓ ବିଦ୍ୟାଧର ଦେବଗଡ ଆଦର୍ଶ ଥାନାରେ ଲିଖିତ ଅଭିଯୋଗ କରିବା ପରେ ପୋଲିସ ଏକ ମାମାଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି ।
