ଇସଲାମାବାଦ/ନୂଆଦିଲ୍ଲୀ,୨୧।୧୨ : ଭାରତର ୮୯ ହିନ୍ଦୁ ତୀର୍ଥଯାତ୍ରୀ ମଙ୍ଗଳବାର ପାକିସ୍ତାନର ପଞ୍ଜାବ ପ୍ରଦେଶର କଟାସ ରାଜ ମନ୍ଦିରରେ ମହା ଶିବରାତ୍ରୀଙ୍କୁ ପାଳନ କରିବା ପାଇଁ ଏଠାରେ ପହଞ୍ଚିଛନ୍ତି। ୱାଘା ସୀମା ଦେଇ ତୀର୍ଥଯାତ୍ରୀ ଭାରତରୁ ଆସିଥିବା ନେଇ ପାକିସ୍ତାନର ସଂଖ୍ୟାଲଘୁ ସମ୍ପ୍ରଦାୟର ଧାର୍ମିକ ସ୍ଥଳଗୁଡିକର ଯତ୍ନ ନେଉଥିବା ଏଭାକ୍ୟୁ ଟ୍ରଷ୍ଟ ପ୍ରପର୍ଟି ବୋର୍ଡ (ଇଟିପିବି) ମୁଖପାତ୍ର ଆମିର ହାଶମି କହିଛନ୍ତି। ବୋର୍ଡର ବରିଷ୍ଠ ଅଧିକାରୀ ରାଣା ସହିଦ ଏବଂ ଫରାଜ ଅବ୍ବାସ ସେମାନଙ୍କୁ ତୀର୍ଥଯାତ୍ରୀଙ୍କୁ ସୀମାରେ ସ୍ବାଗତ କରିଥିଲେ।
ହାଶମି କହିଛନ୍ତି ଯେ ହିନ୍ଦୁ ତୀର୍ଥଯାତ୍ରୀମାନେ ଲାହୋରଠାରୁ ପ୍ରାୟ ୩୦୦ କିଲୋମିଟର ଦୂରରେ ଥିବା ଚାକୱାଲ ଯାତ୍ରା କରିବା ପୂର୍ବରୁ କଟାସ ରାଜ ଠାରେ ସେମାନଙ୍କର ଧାର୍ମିକ ଉତ୍ସବରେ ଯୋଗଦେବା ପାଇଁ ଲାହୋରରେ ଗୋଟିଏ ଦିନ ରହିବେ। ଗୁରୁବାର ସେଠାରେ ମୁଖ୍ୟ କାର୍ଯ୍ୟକ୍ରମ ମହା ଶିବରାତ୍ରୀ ଅନୁଷ୍ଠିତ ହେବ ବୋଲି ସେ କହିଛନ୍ତି। ଏ ବାବଦରେ ବିସ୍ତୃତ ସୁରକ୍ଷା ବ୍ୟବସ୍ଥା କରାଯାଇଛି ବୋଲି ସେ କହିଛନ୍ତି।
ହିନ୍ଦୁ ତୀର୍ଥଯାତ୍ରୀ ନେତା ସଞ୍ଜିବ କୁମାର କହିଛନ୍ତି ଯେ ସେମାନେ ପାକିସ୍ତାନରେ ଭଲ ପାଇବା ପାଇଛନ୍ତି ଏବଂ ଆଶା କରୁଛନ୍ତି ଯେ ଏଭାକ୍ୟୁ ଟ୍ରଷ୍ଟ ପ୍ରପର୍ଟି ବୋର୍ଡ ସେମାନଙ୍କର ପବିତ୍ର ସ୍ଥାନଗୁଡ଼ିକର ଯତ୍ନ ଭଲ ଭାବେ ନେଉଛନ୍ତି।
ଶ୍ରୀ କଟାସ ରାଜ ମନ୍ଦିର, ଯାହା କିଲା କଟାସ ଭାବରେ ମଧ୍ୟ ଜଣାଶୁଣା। ଏଠାରେ ଅନେକ ହିନ୍ଦୁ ମନ୍ଦିରର ଅବସ୍ଥିତ। ପାଦ ଚଲା ରାସ୍ତାରେ ମନ୍ଦିରଗୁଡ଼ିକ ମଧ୍ୟରେ ଯାତାୟତ ହୋଇଥାଏ। ମନ୍ଦିର କମ୍ପ୍ଲେକ୍ସ କଟାସ ନାମକ ଏକ ପୋଖରୀ ଦ୍ୱାରା ଘେରି ରହିଛି ଯାହାକୁ ହିନ୍ଦୁମାନେ ପବିତ୍ର ବୋଲି ବିବେଚନା କରନ୍ତି। ଏହି କମ୍ପ୍ଲେକ୍ସ ପାକିସ୍ତାନର ପଞ୍ଜାବ ପ୍ରଦେଶର ପୋଟୋହର ମାଳଭୂମିରେ ଅବସ୍ଥିତ।
