ଘୁମୁସର ବନଖଣ୍ଡରେ ୮୧ ହାତୀ

ଭଞ୍ଜନଗର/ଆସିକା,୨୪।୫(ବାବୁଲା ପ୍ରଧାନ/ ସୁରେନ୍ଦ୍ର ନାଥ ସାହୁ): ଗଞ୍ଜାମ ଜିଲା ଘୁମୁସର ଉତ୍ତର ବନଖଣ୍ଡ ଏବଂ ଘୁମସର ଦକ୍ଷିଣ ବନଖଣ୍ଡରେ ଗତ ୨୨ ତାରିଖରୁ ଆରମ୍ଭ ହୋଇଥିବା ହାତୀ ଗଣନା ଶୁକ୍ରବାର ଶେଷ ହୋଇଛି। ଘୁମୁସର ଉତ୍ତର ବନଖଣ୍ଡରେ ଶୁକ୍ରବାର ସନ୍ଧ୍ୟା ସୁଦ୍ଧା ବିଭିନ୍ନ ରେଞ୍ଜରେ ୬୨ଟି ହାତୀ ଦେଖିବାକୁ ମିଳିଛି। ସେହିଭଳି ଘୁମୁସର ଦକ୍ଷିଣ ବନଖଣ୍ଡରେ ୧୯ଟି ହାତୀ ଦେଖିବାକୁ ମିଳିଛି।

କିଛିବର୍ଷ ହେବ ପଡ଼ୋଶୀ ବନଖଣ୍ଡ ଅପେକ୍ଷା ଏହି ଦୁଇ ବନଖଣ୍ଡ ହାତୀମାନଙ୍କ ସୁରକ୍ଷିତ ବାସସ୍ଥଳୀ ପାଲଟିଥିବା ଜଣାପଡ଼ିଛି। ତେଣୁ ଏହି ବନଖଣ୍ଡକୁ ଆସୁଥିବା ହାତୀମାନେ ପଡ଼ୋଶୀ ବନଖଣ୍ଡକୁ ଗଲେ ମଧ୍ୟ ପୁଣି ଏହି ବନଖଣ୍ଡକୁ କିଛି ଘଣ୍ଟା ପରେ ଫେରିଆସୁଥିବା ଜଣାପଡ଼ିଛି। ଶୁକ୍ରବାର ସନ୍ଧ୍ୟା ସୁଦ୍ଧା ମିଳିଥିବା ଖବର ଅନୁସାରେ ଘୁମୁସର ଉତ୍ତର ବନଖଣ୍ଡ ମୁଜାଗଡ଼ ରେଞ୍ଜରେ ୨୫ଟି ହାତୀ ଥିବା ବେଳେ ତାରସିଂ ରେଞ୍ଜରେ ୫ ଏବଂ ଜଗନ୍ନାଥପ୍ରସାଦ ରେଞ୍ଜରେ ୩୨ଟି ହାତୀ ଥିବା ଜଣାପଡ଼ିଛି।

ସେହିଭଳି ଦକ୍ଷିଣ ଘୁମୁସର ବନଖଣ୍ଡ ଆସିକା ରେଞ୍ଜର ଷଢ଼ଙ୍ଗୀପଲ୍ଲୀ ଜଙ୍ଗଲରେ ୫ ଏବଂ ସୋରଡ଼ା ରେଞ୍ଜର ପଣ୍ଡାଖୋଲ ଜଙ୍ଗଲରେ ୧୪ଟି ହାତୀ ଥିବା ଜଣାପଡ଼ିଛି। ହାତୀ ଗଣନା ସମୟରେ ଛୁଆ, ମାଈ, ମାଖନା ଏବଂ ଦନ୍ତା ହାତୀ ଉପରେ ଗଣନା ହୋଇଥାଏ। ଏହି ଦୁଇ ବନଖଣ୍ଡରେ ଗଣନା ସମୟରେ ମାଖନା ହାତୀ ଥିବା କେଣସି ସୂଚନା ନାହିଁ। ବନଖଣ୍ଡସ୍ତରୀୟ ରିପୋର୍ଟକୁ ଆରସିସିଏଫ୍‌ସ୍ତରରେ ସମସ୍ତ ବନଖଣ୍ଡକୁ ମିଶାଇ ଗଣନା କରାଯିବ। ଏହାପରେ ସମସ୍ତ ଆରସିସିଏଫ୍‌ଙ୍କ ରିପୋର୍ଟକୁ ଭିତ୍ତିକରି ରାଜ୍ୟସ୍ତରରେ କେତେ ହାତୀ ଅଛନ୍ତି ଚୁଡ଼ାନ୍ତ ହେବ। ଏନେଇ ଦକ୍ଷିଣ ଘୁମୁସର ବନଖଣ୍ଡ ଅଧିକାରୀ ବିନୋଦ ଆଚାର୍ଯ୍ୟଙ୍କ ସହ ଯୋଗାଯୋଗ କରିବାରୁ ସେ କହିଛନ୍ତି ଯେ, ପୂର୍ବରୁ ଯେଉଁ ୧୯ଟି ହାତୀ ଥିଲା ଗଣନା ସମୟରେ ହିଁ ସେତିକି ହାତୀକୁ ଠାବ କରାଯାଇଛି। ସେହିଭଳି ଘୁମୁସର ଉତ୍ତର ବନଖଣ୍ଡ ଅଧିକାରୀ ହିମାଂଶୁ ଶେଖର ମହାନ୍ତି କହିଛନ୍ତି ଯେ, ଏହି ବନଖଣ୍ଡରେ ହାତୀମାନେ ସୁରକ୍ଷିତ ରହିଲା ଭଳି ଜଙ୍ଗଲ ଅଛି। ତେଣୁ ପୂର୍ବ ଅପେକ୍ଷା ହାତୀ ସଂଖ୍ୟା ବୃଦ୍ଧିପାଇଛି।

ସୂଚନାଯୋଗ୍ୟ ଯେ, ୨୦୧୭ରେ ଗଞ୍ଜାମ ଜିଲା ବ୍ରହ୍ମପୁର ବନଖଣ୍ଡରେ ୧୧, ଘୁମୁସର ଉତର ବନଖଣ୍ଡରେ ୧୭ ଏବଂ ଘୁମୁସର ଦକ୍ଷିଣ ବନଖଣ୍ଡରେ ୨୫ଟି ହାତୀ ଥିଲେ। ବର୍ତ୍ତମାନ ହାତୀ ସଂଖ୍ୟା ବହୁତ ବଢ଼ିଯାଇଛି। ତେଣୁ ଏହି ବନଖଣ୍ଡକୁ ଅନ୍ୟ ବନଖଣ୍ଡରୁ ହାତୀ ଆସିଥାଇପାରନ୍ତି। ରାଜ୍ୟରେ ବାର୍ଷିକ ହାରାହାରି ୭୫ରୁ ଊର୍ଦ୍ଧ୍ୱ ହାତୀ ବିଭିନ୍ନ କାରଣ ଯୋଗୁ ମୃତ୍ୟୁବରଣ କରୁଛନ୍ତି। ୨୦୧୭ ପରଠୁ ଇତିମଧ୍ୟରେ ଅନେକ ହାତୀ ଛୁଆ ଜନ୍ମ ହୋଇଛନ୍ତି।

ତେଣୁ ରାଜ୍ୟରେ ହାତୀ ସଂଖ୍ୟା ବୃଦ୍ଧି ପାଇବା ଆଶଙ୍କା କରାଯାଉଛି। ଅନ୍ୟପଟେ ଏହି ଦୁଇ ବନଖଣ୍ଡରେ ହାତୀମାନେ କିଭଳି ସୁରକ୍ଷିତ ରହିପାରିବେ ସେଥିପାଇଁ ଦୁଇ ବନଖଣ୍ଡ ପକ୍ଷରୁ ବିଭିନ୍ନ ସମୟରେ ମିଳିତ ଭାବେ ପଦକ୍ଷେପ ନିଆଯାଉଛି। ସେହିପରି ଆସିକା ବନାଞ୍ଚଳରେ ଗତ ୩ଦିନ ଧରି ହାତୀ ଗଣନା କରାଯାଇଛି। ବୁଧବାର ଏହି ବନାଞ୍ଚଳର ଷଡଙ୍ଗିପଲ୍ଲୀ ସେକ୍ସନ ଅନ୍ତର୍ଗତ ବାଦପୁର ବିଟରେ ୫ଟି ହାତୀ ରହିଥିବା ଗଣନାକାରୀ ବନ ବିଭାଗ କର୍ମଚାରୀଙ୍କ ଦୃଷ୍ଟିକୁ ଆସିଥିଲା ା ସେଥିମଧ୍ୟରେ ୪ଟି ମାଈ ଓ ଗୋଟିଏ ଦନ୍ତା ହାତୀ ରହିଛି। ଶୁକ୍ରବାର ଗଣନା ବେଳେ ଏହି ହାତୀ ଆଉ ଦେଖାଯାଇ ନ ଥିବା ବେଳେ ଏହା ପୋଡାମାରି ସଂଲଗ୍ନ ଲଖାରୀ ଜଙ୍ଗଲକୁ ଚାଲିଯାଇଥିବା ବନାଞ୍ଚଳ ଅଧିକାରୀ ପ୍ରମୋଦ କୁମାର ପଣ୍ଡା ସୂଚନା ଦେଇଛନ୍ତି ା ଆସିକା ବନାଞ୍ଚଳରେ ହାତୀ ନ ଥିଲା ବେଳେ ବିଭିନ୍ନ ସମୟରେ ପୋଡାମାରି ଅଞ୍ଚଳରୁ ହାତୀ ଆସିଥାନ୍ତି। ତେଣୁ ବାଦପୁର ବିଟରେ ଦେଖାଯାଇଥିବା ହାତୀ ପୋଡାମାରୀ ଜଙ୍ଗଲରୁ ଆସିଥିଲା ବେଳେ ପୁଣି ସେଠାକୁ ଫେରିଯାଇଥିବା ସେ ସୂଚନା ଦେଇଛନ୍ତି ା


Enter your email to get our daily news in your inbox.

All Right Reserved By Dharitri.Com

ରାସ୍ତାକଡ଼ରୁ ମିଳିଲା ଶିଶୁପୁତ୍ର

ନୂଆପଡ଼ା,୨୪ା୬ (ମକାରୁ ବେମାଲ): ନୂଆପଡ଼ା ଜିଲା ଲଖନା ଥାନା କୁରୁମପୁରି ପଞ୍ଚାୟତ ବେଲମୁଣ୍ଡିଆ ପଡ଼ା ରାସ୍ତାପାର୍ଶ୍ୱରୁ ସୋମବାର ଏକ ଶିଶୁପୁତ୍ର ଉଦ୍ଧାର ହୋଇଛି। ଶିଶୁର ବୟସ...

ବିଜେଡି ରାଜ୍ୟସଭା ଏମ୍‌ପିମାନଙ୍କୁ ନବୀନ ଦେଲେ ମେସେଜ୍‌, କହିଲେ ଏଥର…

ଭୁବନେଶ୍ୱର,୨୪।୬: ୨୪ ବର୍ଷ ପରେ ଓଡ଼ିଶାରେ ବିଜେଡିର ପତନ ଘଟିଛି। ବିଧାନସଭା ନିର୍ବାଚନରେ ଚମତ୍କାର ପ୍ରଦର୍ଶନ କରିବା ପରେ ଭାଜପା ପ୍ରଥମ ଥର କ୍ଷମତାକୁ ଆସିଛି।...

ମୁଖ୍ୟମନ୍ତ୍ରୀଙ୍କୁ କିଏ ଯାଚିଥିଲେ ଖଣି? ବଡ଼ ଖୁଲାସା କଲେ ମୋହନ ମାଝି

ଭୁବନେଶ୍ୱର,୨୪।୬: ୨ ଦିନିଆ କେନ୍ଦୁଝର ଗସ୍ତରେ ମୁଖ୍ୟମନ୍ତ୍ରୀ ମୋହନ ମାଝି ବିଜେଡିକୁ ଟାର୍ଗେଟ୍‌ କରିଛନ୍ତି। ମୁଖ୍ୟମନ୍ତ୍ରୀ କହିଛନ୍ତି, କ୍ରୀତଦାସ ବୋଲାଉଥିବା ଲୋକେ ମୋତେ ନିଜ ସପକ୍ଷକୁ...

ଦେବୀ ପ୍ରସାଦ ମିଶ୍ରଙ୍କୁ ବଡ଼ ଦାୟିତ୍ୱ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର,୨୪।୬: ଦେବୀ ପ୍ରସାଦ ମିଶ୍ରଙ୍କୁ ବଡ଼ ଦାୟିତ୍ୱ ଦିଆଯାଇଛି। ତାଙ୍କୁ ମୁଖ୍ୟମନ୍ତ୍ରୀଙ୍କ କାର୍ଯ୍ୟାଳୟର ଉପ ସଚିବ ଭାବେ ନୁଯୁକ୍ତ କରାଯାଇଛି। ଏନେଇ ସୋମବାର ସରକାରଙ୍କ ପକ୍ଷରୁ...

ମା’ଙ୍କୁ ମୁଣ୍ଡିଆ ମାରି ଆଶୀର୍ବାଦ ନେଲେ ମୁଖ୍ୟମନ୍ତ୍ରୀ

କେନ୍ଦୁଝର,୨୪ା୬: ମୁଖ୍ୟମନ୍ତ୍ରୀ ହେବା ପରେ ପ୍ରଥମଥର ପାଇଁ ନିଜ ଜିଲା କେନ୍ଦୁଝରକୁ ଦୁଇ ଦିନିଆ ଗସ୍ତରେ ଆସି ସୋମବାର ଦ୍ୱିତୀୟ ଦିନରେ ନିଜ ଜନ୍ମମାଟିରେ ପାଦ...

ଛତିଶା ନିଯୋଗ ବୈଠକରେ ରଥଯାତ୍ରା ପାଇଁ ହେଲା ନୀତି ନିର୍ଘଣ୍ଟ, ଜାଣନ୍ତୁ କେତେବେଳେ ଆରମ୍ଭ ରଥଟଣା

ପୁରୀ,୨୪।୬: ଶ୍ରୀମନ୍ଦିର ଛତିଶା ନିଯୋଗ ଗୁରୁତ୍ୱପୂର୍ଣ୍ଣ ବୈଠକରେ ଶ୍ରୀଗୁଣ୍ଡିଚା ଯାତ୍ରା ପାଇଁ ନୀତି ନିର୍ଘଣ୍ଟ ହୋଇଛି। ଦିନ ୧ଟା ୧୦ରେ ପହଣ୍ଡି ଆରମ୍ଭ ହୋଇ ୨ଟା...

ସର୍ପ ଦଂଶନରେ ଚାଲିଗଲା ସାପ ଧରାଳିଙ୍କ ଜୀବନ

ବୀରମହାରାଜପୁର,୨୪।୬: ସୁବର୍ଣ୍ଣପୁର ଜିଲା ବୀରମହାରାଜପୁର ଥାନା ପରିସରରେ ଏକ ଅଭାବନୀୟ ଘଟଣା ଘଟିଛି। ସାପ ଧରାଳି ଜଣକ ଥାନା ଭିତରେ ଲୋକଙ୍କୁ ସାପ ଦେଖାଉଥିବା ବେଳେ...

ଜନ୍ମମାଟିରେ ମା’ଙ୍କ ହାତରୁ ପଖାଳ ଖାଇଲେ ମୁଖ୍ୟମନ୍ତ୍ରୀ, କହିଲେ…

କେନ୍ଦୁଝର,୨୪ା୬(ନରେଶ ଚନ୍ଦ୍ର ପଟ୍ଟନାୟକ): ମୁଖ୍ୟମନ୍ତ୍ରୀ ହେବା ପରେ ପ୍ରଥମଥର ପାଇଁ ନିଜ ଜିଲା କେନ୍ଦୁଝରକୁ ଦୁଇ ଦିନିଆ ଗସ୍ତରେ ଆସି ସୋମବାର ଦ୍ୱିତୀୟ ଦିନରେ ନିଜ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri