ଲଣ୍ଡନ: ସବୁବେଳେ ଅପରାଧୀଙ୍କୁ ପୋଲିସ ଗିରଫ କରି ଜେଲ୍ରେ ଭର୍ତ୍ତି କରିଥାନ୍ତି। କିନ୍ତୁ ସେଠାରେ ଅଭିଯୁକ୍ତ ଜଣେ ମହିଳା କିମ୍ବା ପୁରୁଷ ହୋଇଥାଏ। ତେବେ ଇଂଲଣ୍ଡରେ ୭ କୁକୁରକୁ ପୋଲିସ ଗିରଫ କରିଥିବା ଜଣାପଡ଼ିଛି। ରିପୋର୍ଟ ମୁତାବକ, ଗୁରୁବାର ଇଂଲଣ୍ଡର ସୁରେରେ କିଛି କୁକୁର ଲୋକଙ୍କ ଆକ୍ରମଣ କରୁଥିବା ଖବର ମିଳିଥିଲା। ସେଥିରେ ଜଣେ ୨୦ ବର୍ଷିୟା ଯୁବତୀଙ୍କୁ କୁକୁର କାମୁଡ଼ିବାରୁ ତାଙ୍କର ମୃତ୍ୟୁ ହୋଇଥିଲା। ଅନ୍ୟ ଜଣେ ମହିଳା କୁକୁରର ଆକ୍ରମଣର ଶିକାର ହୋଇ ଚିକିତ୍ସା ପରେ ସୁସ୍ଥ ଥିବା ଜଣାପଡ଼ିଛି। ନ୍ୟାଶନାଲ ପୋଲିସ ଏୟାର ସର୍ଭିସ ସେଠାରେ ପହଞ୍ଚି ପରିସ୍ଥିତିକୁ କାବୁ କରିଥିଲେ। ଏଥିରେ ସୁରେ ପୋଲିସ ୭ କୁକୁରକୁ କାବୁ କରି ହାଜତକୁ ନେଇଛି। ତେବେ କୁକୁରକୁ ମଣିଷ ଅଧିକ ଭରସା କରଥାନ୍ତି। ହେଲେ ଏପରି ଘଟଣା ପରେ ସେଠାରେ କୁକୁର ପ୍ରତି ଲୋକଙ୍କ ଭୟ ବଢିଯାଇଛି। ସବୁ କୁକୁରଙ୍କୁ ଯାଞ୍ଚ କରାଯାଉଥିବାବେଳେ ଅଞ୍ଚଳର ସମସ୍ତଙ୍କୁ ଘରେ ତାଲା ପକାଇବାରୁ ନିର୍ଦ୍ଦେଶ ଦିଆଯାଇଛି।
