ନୂଆଦିଲ୍ଲୀ, ୨୨।୬: ଦେଶର ସବୁଠାରୁ ବଡ଼ ବ୍ୟାଙ୍କ SBI ସରକାରଙ୍କୁ ରେକର୍ଡ ପରିମାଣର ଡିଭିଡେଣ୍ଡ୍ ଦେଇଛି । ଭାରତୀୟ ଷ୍ଟେଟ୍ ବ୍ୟାଙ୍କ୍ର ଚେୟାରମ୍ୟାନ୍ ଦୀନେଶ ଖାରା ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ୬୯୫୯.୨୯ କୋଟି ଟଙ୍କାର ଚେକ୍ ଦେଇଛନ୍ତି । ଏନେଇ ସୋସିଆଲ ମିଡିଆ ପ୍ଲାଟଫର୍ମ ଏକ୍ସରେ ଅର୍ଥମନ୍ତ୍ରୀ ସୂଚନା ଦେଇଛନ୍ତି । ଏହି ଡିଭିଡେଣ୍ଡ ୨୦୨୩-୨୪ ବର୍ଷର । SBI ଛଡ଼ା ବ୍ୟାଙ୍କ୍ ଅଫ୍ ମହାରାଷ୍ଟ୍ର ମଧ୍ୟ ଡିଭିଡେଣ୍ଡର ଘୋଷଣା କରିଛି ।
SBI ମଧ୍ୟ ଏହାର ସେୟାର ହୋଲ୍ଡର ବା ଅଂଶୀଦାର ମାନଙ୍କୁ ସେୟାର ପ୍ରତି ୧୩.୭୦ ପଇସା ଡିଭିଡେଣ୍ଡ ଦେବା ନେଇ ମଧ୍ୟ ଘୋଷଣା କରିଛି । ୨୦୨୩ ଆର୍ଥିକ ବର୍ଷରେ ଷ୍ଟେଟ୍ ବ୍ୟାଙ୍କ୍ ପ୍ରତି ସେୟାର ପିଛା ୧୧.୩୦ ଟଙ୍କା ଡିଭିଡେଣ୍ଡ ଘୋଷଣା କରିଥିଲା । ୨୦୨୪ ଆର୍ଥିକ ବର୍ଷରେ SBIର ନେଟ୍ ଲାଭ ରେକର୍ଡ କରିଛି । ବ୍ୟାଙ୍କର ମୋଟ ୬୭,୦୮୫ କୋଟି ଲାଭ ହୋଇଛି । ଅନ୍ୟପଟେ ଏହାର ପୂର୍ବ ଆର୍ଥିକ ବର୍ଷରେ ଲାଭ ୫୫,୬୪୮ କୋଟି ଟଙ୍କା ହୋଇଥିଲା ।
