ନୂଆଦିଲ୍ଲୀ, ୯।୮: ସମ୍ପ୍ରତି କିଛି ଗଣମାଧ୍ୟମ ରିପୋର୍ଟରେ ଦାବି କରାଯାଇଛି ଯେ ATMରୁ ଖୁବ ଶୀଘ୍ର ୫୦୦ ଟଙ୍କିଆ ନୋଟ ବାହାରିବା ବନ୍ଦ ହୋଇଯିବ। ଅର୍ଥ ମନ୍ତ୍ରଣାଳୟ ଏ ବିଷୟରେ ସ୍ପଷ୍ଟୀକରଣ ଦେଇଛି।ଭାରତୀୟ ରିଜର୍ଭ ବ୍ୟାଙ୍କ (RBI) ସମସ୍ତ ବ୍ୟାଙ୍କକୁ ୨୦୨୫ ସେପ୍ଟେମ୍ବର ୩୦ ସୁଦ୍ଧା ATM ମାଧ୍ୟମରେ ୫୦୦ ଟଙ୍କିଆ ନୋଟ ବଣ୍ଟନ ବନ୍ଦ କରିବାକୁ ନିର୍ଦ୍ଦେଶ ଦେଇଛି। ଏହି ଗୁଜବ ଅନୁଯାୟୀ, ଆଗାମୀ ଦିନରେ ATM ଗୁଡ଼ିକ କେବଳ ୧୦୦ ଓ ୨୦୦ ଟଙ୍କିଆ ନୋଟ ହିଁ ବାଣ୍ଟିବ। ଏହା ସାଧାରଣ ଜନତାଙ୍କ ମଧ୍ୟରେ ବିଭ୍ରାନ୍ତି ସୃଷ୍ଟି କରିଛି। କିନ୍ତୁ ସରକାର ଏବଂ RBI ଏହି ଦାବିକୁ ସଂପୂର୍ଣ୍ଣ ଭାବେ ଖଣ୍ଡନ କରିଛନ୍ତି।
ଛୋଟ ନୋଟ୍ ଅର୍ଥାତ୍ ୧୦୦ ଏବଂ ୨୦୦ ଟଙ୍କିଆ ଉପଲବ୍ଧତା ବୃଦ୍ଧି କରିବା ପାଇଁ, ରିଜର୍ଭ ବ୍ୟାଙ୍କ ସମସ୍ତ ବ୍ୟାଙ୍କ ଏବଂ ହ୍ୱାଇଟ୍ ଲେବଲ୍ ATM ଅପରେଟର (WLAO)ଙ୍କୁ ନିର୍ଦ୍ଦେଶ ଦେଇଛି। ସେମାନଙ୍କୁ ନିଶ୍ଚିତ କରିବାକୁ ପଡିବ ଯେ ୩୦ ସେପ୍ଟେମ୍ବର ୨୦୨୫ ସୁଦ୍ଧା ଅତି କମରେ ୭୫% ATM ୧୦୦ କିମ୍ବା ୨୦୦ ଟଙ୍କା ନୋଟ୍ ବଣ୍ଟନ କରିବେ। ଏହା ପରେ, ୩୧ ମାର୍ଚ୍ଚ ୨୦୨୬ ସୁଦ୍ଧା ଏହି ସଂଖ୍ୟା ୯୦% ପହଞ୍ଚିବା ଉଚିତ। ଏହି ପଦକ୍ଷେପ ୫୦୦ ଟଙ୍କିଆ ନୋଟ୍ ବଦଳାଇବା ପାଇଁ ନୁହେଁ। ଏହାର ଉଦ୍ଦେଶ୍ୟ ହେଉଛି ଦୈନନ୍ଦିନ ବ୍ୟବହାର ପାଇଁ କମ୍ ମୂଲ୍ୟର ନୋଟ୍ ଉପଲବ୍ଧତା ବୃଦ୍ଧି କରିବା।
