ସାର୍ଟିଫିକେଟ୍‌ ପାଇଁ ୫୦ ହଜାରରୁ ୫ ଲକ୍ଷ

ବଲାଙ୍ଗୀର/ କେନ୍ଦ୍ରାପଡ଼ା ଅଫିସ, ୨୮ା୩:ବଲାଙ୍ଗୀର ଡାକ ମଣ୍ଡଳରେ ଜାଲ୍‌ ସାର୍ଟିଫିକେଟ୍‌ ଦେଇ ଚାକିରି ଆବେଦନକରି କେତେଜଣ ପ୍ରାର୍ଥୀ ଧରାପଡ଼ିବା ଘଟଣାର ପୋଲିସ ତଦନ୍ତ ପରେ ଦେଶବ୍ୟାପୀ ବିଛେଇ ହୋଇଥିବା ଆନ୍ତଃ ରାଜ୍ୟ ଜାଲ୍‌ ସାର୍ଟିଫିକେଟ୍‌ ର଼୍ୟାକେଟ୍‌ର ପର୍ଦ୍ଦାଫାଶ ହୋଇଛି। ସାର୍ଟିଫିକେଟ୍‌ ପିଛା ୫୦ ହଜାରରୁ ୫ ଲକ୍ଷ ଟଙ୍କା ପର୍ଯ୍ୟନ୍ତ କାରବାର ହୋଇଥିବା ଜଣାପଡ଼ିଛି। ଜାଲ୍‌ ସାର୍ଟିଫିକେଟ କାରବାର ମାମଲାରେ ସ୍ବତନ୍ତ୍ର ପୋଲିସ ଟିମ୍‌ ସ୍ଥାନୀୟ ରିଲାଏନ୍ସ ଏଜୁକେଶନ କମ୍ପ୍ଲ୍ଳେକ୍ସ ମାଲିକ ତଥା ମାଷ୍ଟରମାଇଣ୍ଡ ମନୋଜ ମିଶ୍ର ଓ ପାର୍ଟନର ଆଲୋକ ଉଦ୍‌ଗାତାଙ୍କ ସମେତ ୧୯ଜଣଙ୍କୁ ଗିରଫକରି ସୋମବାର କୋର୍ଟ ଚାଲାଣ କରିଛି। ଏହି ଶିକ୍ଷା ପ୍ରତିଷ୍ଠାନରୁ ଦେଶର ବିଭିନ୍ନ ପ୍ରଦେଶର ୪୧ ସ୍କୁଲ, କଲେଜ ଏବଂ ବିଶ୍ୱବିଦ୍ୟାଳୟର ପ୍ରାୟ ୫ ହଜାର ଜାଲ୍‌ ସାର୍ଟିଫିକେଟ ଜବତ କରାଯାଇଛି। ଏହା ସହ ୨୭ ଶିକ୍ଷାନୁଷ୍ଠାନ ଅଧିକାରୀଙ୍କ ଜାଲ୍‌ ସିଲ୍‌ ଓ ଷ୍ଟାମ୍ପ, ବଲାଙ୍ଗୀର ଓ ପୁଇଁତଳା ତହସିଲଦାରଙ୍କ ସମେତ ବିଭିନ୍ନ ଅଧିକାରୀଙ୍କ ଷ୍ଟାମ୍ପ ଓ ସିଲ୍‌, ୩ଲକ୍ଷ ୬୭ହଜାର ୬ଶହ ଟଙ୍କା, ୪ଟି କମ୍ପ୍ୟୁଟର ସିଷ୍ଟମ୍‌, ୨ଟି ଲାପ୍‌ଟପ୍‌, ୩ଟି ପ୍ରିଣ୍ଟର,
ସ୍କାନର, ଜେରକ୍ସ ମେଶିନ, ଏସ୍‌ଏସ୍‌ଡି ହାର୍ଡଡିସ୍କ, ମୋବାଇଲ ଫୋନ୍‌, ବିଭିନ୍ନ ବିଶ୍ୱବିଦ୍ୟାଳୟ ଏବଂ ଶିକ୍ଷା ଅଧିକାରୀଙ୍କ ଅଫିସ୍‌କୁ ଲେଖାଯାଇଥିବା ଚିଠି, ଜାଲ୍‌ ସାର୍ଟିଫିକେଟ୍‌ କାରବାରର ଏକାଧିକ ଡାଏରି ଜବତ କରାଯାଇଛି। ଘଟଣା ପ୍ରଘଟ ହେବା ପରେ ୨ମାଷ୍ଟରମାଇଣ୍ଡ ହାର୍ଡଡିକ୍ସରୁ ସମସ୍ତ ତଥ୍ୟ ଡିଲିଟ୍‌ କରିଦେଇଥିଲେ। ପରେ ପୋଲିସ ସମ୍ପୃକ୍ତ ଜବତ ହାର୍ଡଡିକ୍ସରୁ ଜାଲ୍‌ ସାର୍ଟିଫିକେଟ୍‌ର ସମସ୍ତ କଳାଚିଠା ରିଟ୍ରାଇଭ କରିବାରେ ସଫଳ ହୋଇଥିଲା। ଅଭିଯୁକ୍ତ ମନୋଜ ମିଶ୍ର ମହାନଦୀ କୋଲ୍‌ ଫିଲ୍ଡ ଲିମିଟେଡ୍‌(ଏମ୍‌ସିଏଲ୍‌)ରେ ଚାକିରି କରାଇଦେବା ପାଇଁ ଜଣେ ଯୁବକଙ୍କଠାରୁ ୫ଲକ୍ଷ ଟଙ୍କା ନେଇଥିବା ସୂଚନା ଦେଇଥିଲେ। ଏହାବ୍ୟତୀତ ଏମ୍‌ସିଏଲ୍‌ରେ ଅନ୍ୟମାନଙ୍କୁ ଚାକିରି କରାଇଦେବା ନଁାରେ ଟଙ୍କା ନେଣଦେଣ କରିଥିବା ଜଣାପଡ଼ିଛି। ବଲାଙ୍ଗୀର ଏସ୍‌ପି ନୀତିନ କୁଶଲକର ସୋମବାର ଟାଉନ୍‌ ଥାନା ପରିସରରେ ଏ ସମ୍ପର୍କରେ ଖବରଦାତା ସମ୍ମିଳନୀରେ ସୂଚନା ଦେଇଛନ୍ତି। ସମସ୍ତ ଅଭିଯୁକ୍ତଙ୍କ ବିରୋଧରେ ଭାରତୀୟ ଦଣ୍ଡବିଧି ଆଇନର ଧାରା ୪୬୭, ୪୬୮, ୪୭୧, ୪୨୦, ୩୪, ୧୨୦ ବି’ରେ ମାମଲା ରୁଜୁ ହୋଇଛି।
ଏସ୍‌ପି କୁଶଲକର ଆହୁରି କହିଛନ୍ତି, ବଲାଙ୍ଗୀର ଡାକ ଅଧୀକ୍ଷକ ରାଜେନ୍ଦ୍ର କୁମାର ପଟ୍ଟନାୟକଙ୍କ ଲିଖିତ ଅଭିଯୋଗ ପରେ ଟାଉନ୍‌ ଥାନାରେ ଏକ ମାମଲା (୧୪୧/୨୩) ରୁଜୁ କରାଯାଇଥିଲା। ଏହାପରେ ବଲାଙ୍ଗୀର ଜିଲା ସିନ୍ଧେକେଲା ଥାନା ଅଧୀନ ଚାନ୍ଦୋତରାର ରଜତ କୁମାର ନାଏକଙ୍କ ଅଭିଯୋଗକ୍ରମେ ଆଉ ଏକ ମାମଲା(୧୪୩/୨୩) ରୁଜୁ କରାଯାଇଥିଲା। ଏହି ଦୁଇ ମାମଲାକୁ ଭିତ୍ତିକରି ପୋଲିସ ସ୍ବତନ୍ତ୍ର ଟିମ୍‌ ରିଲାଏନ୍ସ ଏଜୁକେଶନ କମ୍ପ୍ଲେକ୍ସରେ ଚଢ଼ାଉ କରିଥିଲେ। ଏହି କୋଚିଂ ସେଣ୍ଟର ମାଲିକ ମନୋଜ ମିଶ୍ର, ସହଯୋଗୀ ଆଲୋକ ଉଦ୍‌ଗାତା ୨୦୧୬ ମସିହାରୁ ଜାଲ୍‌ ସାର୍ଟିଫିକେଟ୍‌ ର଼୍ୟାକେଟ ଚଳାଇଥିବା ଜଣାପଡ଼ିଥିଲା। ଅଭିଯୁକ୍ତ ମିଶ୍ର ଦେଶର ବିଭିନ୍ନ ସ୍ଥାନର ୪୧ ସ୍କୁଲ, କଲେଜ ଏବଂ ବିଶ୍ୱବିଦ୍ୟାଳୟର କେତେଜଣ ଦଲାଲ ଓ କୋଅର୍ଡିନେଟରଙ୍କ ସହ ଯୋଗାଯୋଗରେ ଥିଲେ। ଅଭିଯୁକ୍ତ ଆଲୋକ ଉଦ୍‌ଗାତା ହେଉଛନ୍ତି ଜାଲ୍‌ ସାର୍ଟିଫିକେଟ୍‌ ତିଆରିର ବିଶେଷଜ୍ଞ। ବିଭିନ୍ନ ଶିକ୍ଷାନୁଷ୍ଠାନର ସାର୍ଟିଫିକେଟ୍‌କୁ ନିଖୁଣ ଭାବେ କପିକରି ସେଥିରେ ସମ୍ପୂର୍ଣ୍ଣ ଅରିଜିନାଲ ସିଲ୍‌, ଲୋଗୋ ଏବଂ ପ୍ରିଣ୍ଟ କାଢ଼ିବାରେ ସଫଳ ହୋଇଥିଲେ। ଏହାପରେ ସାର୍ଟିଫିକେଟ୍‌ ପିଛା ୫୦ହଜାରରୁ ୫ଲକ୍ଷ ପର୍ଯ୍ୟନ୍ତ ଟଙ୍କା ଆଦାୟ କରୁଥିଲେ। ରିଲାଏନ୍ସ ଏଜୁକେଶନ କମ୍ପ୍ଳେକ୍ସ ୧୯୯୮ ମସିହାରୁ କୋଚିଂ ସେଣ୍ଟର ଭାବେ ଚାଲୁଛି ଏବଂ ୨୦୧୬ ମସିହାରୁ ଆଲୋକ ରଞ୍ଜନ ଉଦ୍‌ଗାତାଙ୍କ ସହ ମିଶି ଜାଲ୍‌ ସାର୍ଟିଫିକେଟ କାରବାରରେ ଲିପ୍ତ ହୋଇଥିବା ଏସ୍‌ପି ସୂଚନା ଦେଇଛନ୍ତି। ଏମାନଙ୍କଠାରୁ ଜାଲ୍‌ ସାର୍ଟିଫିକେଟ ନେଇ ବହୁ ଯୁବତୀଯୁବକ ଉଚ୍ଚ ଶିକ୍ଷାନୁଷ୍ଠାନରେ ପାଠ ପଢ଼ିବା ସହ ସରକାରୀ ଓ ବେସରକାରୀ ସଂସ୍ଥାରେ ଚାକିରି କରୁଛନ୍ତି। ଏହି ଜାଲ୍‌ ସାର୍ଟିଫିକେଟ କାରବାର କରି ଅଭିଯୁକ୍ତ ମିଶ୍ର ଓ ଉଦ୍‌ଗାତା କୋଟି କୋଟି ଟଙ୍କା ଉପାର୍ଜନ କରିଥିବା ଏସ୍‌ପି କୁଶଲକର ସୂଚନା ଦେଇଛନ୍ତି। ଜାଲ୍‌ ସାର୍ଟିଫିକେଟ କାରବାର ଏକ ଆନ୍ତଃ ରାଜ୍ୟ ର଼୍ୟାକେଟ ହୋଇଥିବାରୁ ଏଥିରେ ବିଭିନ୍ନ ରାଜ୍ୟର ବହୁ ଦଲାଲ ସମ୍ପୃକ୍ତ ଅଛନ୍ତି ଏବଂ ଏହାର ପର୍ଦ୍ଦାଫାଶ କରିବାକୁ ବଡ଼ଧରଣ କାର୍ଯ୍ୟାନୁଷ୍ଠାନର ଆବଶ୍ୟକତା ରହିଛି ବୋଲି ସେ କହିଛନ୍ତି। ଏହି ଜାଲ୍‌ ସାର୍ଟିଫିକେଟ ର଼୍ୟାକେଟ୍‌ରେ ବଲାଙ୍ଗୀର, ବରଗଡ଼, କଳାହାଣ୍ଡି, ବୌଦ୍ଧ, ସୁବର୍ଣ୍ଣପୁର ଓ ଢେଙ୍କାନାଳ ଜିଲା ସମେତ ଉତ୍ତରପ୍ରଦେଶ, ତାମିଲନାଡୁ, ଆନ୍ଧ୍ରପ୍ରଦେଶ, କର୍ନାଟକ, ସିକ୍କିମ, ରାଜସ୍ଥାନ, ମେଘାଳୟ, ମଧ୍ୟପ୍ରଦେଶ, ବିହାର, ଝାଡ଼ଖଣ୍ଡ, ଗୁଜରାଟରେ ସକ୍ରିୟ ରହିଥିବା ସୂଚନା ଦେଇଛନ୍ତି। ବଲାଙ୍ଗୀରରେ ଧରାପଡ଼ିଥିବା ଜାଲ୍‌ ସାର୍ଟିଫିକେଟ ସ୍କାମ୍‌ କେବଳ ବରଫ ପାହାଡ଼ର ଶିଖର ସଦୃଶ। ଆହୁରି ବିଶାଳ ପାହାଡ଼ ଲୁଚି ରହିଛି ବୋଲି ଏସ୍‌ପି କୁଶଲକର ଗଣମାଧ୍ୟମକୁ କହିଛନ୍ତି।
ସେହିପରି କେନ୍ଦ୍ରାପଡ଼ା ଡାକ ଡିଭିଜନରେ ଗତ ଜାନୁୟାରୀ ୨୭ରେ ଗ୍ରାମୀଣ ଡାକ ସେବକ(ଜିଡିଏସ୍‌) ପଦବୀ ପାଇଁ ଭଦ୍ରକ ଜିଲା ଲୁଣିଆ ଗ୍ରାମର ଅନୀତା ଜେନା ନାମ୍ନୀ ଜଣେ ମହିଳା ଆବେଦନ କରିଥିଲେ। ହେଲେ ଯାଞ୍ଚ ସମୟରେ ସେ ଦାଖଲ କରିଥିବା ମାଟ୍ରିକ୍‌ ସାର୍ଟିଫିକେଟ ନକଲି ବୋଲି ଜଣାପଡ଼ିଥିଲା। ଉକ୍ତ ସାର୍ଟିଫିକେଟ ଉତ୍ତରପ୍ରଦେଶର ଏକ ଶିକ୍ଷାନୁଷ୍ଠାନରୁ ପ୍ରାପ୍ତ ହୋଇଥିବାବେଳେ ସେଥିରେ ସେ ଓଡ଼ିଆରେ ୧୦୦ରୁ ୯୯ ନମ୍ବର ରଖିଥିବା ଉଳ୍ଲେଖ ରହିଛି। ଯାଞ୍ଚ ସମୟରେ ଉତ୍ତରପ୍ରଦେଶର ଉକ୍ତ ଶିକ୍ଷାନୁଷ୍ଠାନରେ ଓଡ଼ିଆ ଭାଷା ନ ଥିବା ଜଣାପଡ଼ିଥିଲା। ଗତ ୨୧ତାରିଖରେ କେନ୍ଦ୍ରାପଡ଼ା ଡାକ ଅଧୀକ୍ଷକ ଦେବରାଜ ସେଠୀ ଉକ୍ତ ମହିଳାଙ୍କୁ ଡାକି ପଚାରିବାରେ ସେ ସତ ମାନିବା ସହ ଆବେଦନ ପତ୍ର ଫେରାଇ ନେବାକୁ କହିଥିଲେ। ଏପରି କି କୌଶଳକ୍ରମେ ସେଠାରୁ ପଳାଇ ଯାଇଥିଲେ। ଏନେଇ ଡାକ ଅଧୀକ୍ଷକଙ୍କ ଅଭିଯୋଗକ୍ରମେ ପୋଲିସ ଏକ ମାମଲା ରୁଜୁ କରିଥିବାବେଳେ ଘଟଣାର ତଦନ୍ତ କରୁଥିବା ପୋଲିସ କହିଛି।


Enter your email to get our daily news in your inbox.

All Right Reserved By Dharitri.Com

ଅନ୍ତର୍ଜାତୀୟ ବାଲୁକା କଳା ପ୍ରଦର୍ଶନୀ ପାଇଁ ଓମ ପ୍ରକାଶଙ୍କ ପ୍ରସ୍ତୁତି: ଓଡ଼ିଶାର ଐତିହ୍ୟକୁ ବିଶ୍ୱ ଦରବାରରେ ପହଞ୍ଚାଇବା ଲକ୍ଷ୍ୟ

କର୍ଲାମୁଣ୍ଡା,୧୬।୧୧(ପ୍ରଦୀପ କୁମାର ସାହୁ):କୋଣାର୍କର ଚନ୍ଦ୍ରଭାଗା ବେଳାଭୂମିରେ ଡିସେମ୍ବର ୧ରୁ ୫ ତାରିଖ ପର୍ଯ୍ୟନ୍ତ କୋଣାର୍କ ମହୋତ୍ସବ ଅନୁଷ୍ଠିତ ହେବ। ଏଥିରେ ଭାଗ ନେବା ପାଇଁ ପଶ୍ଚିମ ଓଡ଼ିଶାର…

ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା ଉଦ୍‌ଯାପିତ: ଭବାନୀପାଟଣା ଚାମ୍ପିୟନ

ରିଷିଡ଼ା,୧୬ା୧୧(ସୁଶାନ୍ତ ମଲ୍ଲିକ): କର୍ଲାମୁଣ୍ଡା ବ୍ଲକ ରିଷିଡ଼ାସ୍ଥିତ ଜଗନ୍ନାଥ କୌଶଲ୍ୟା ଉଚ୍ଚ ମାଧ୍ୟମିକ ବିଦ୍ୟାଳୟଠାରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ଓଡ଼ିଶା ପକ୍ଷରୁ ତ୍ରିଦିବସୀୟ ଆଞ୍ଚଳିକସ୍ତରୀୟ କବାଡି ପ୍ରତିଯୋଗିତା…

ଟେଷ୍ଟ କ୍ରିକେଟରୁ ଅବସର ନେଇ ବଡ଼ ଭୁଲ କରିଦେଲେ କୋହଲି-ଶାମି: କପିଳଙ୍କ ଚାଞ୍ଚଲ୍ୟକର ଦାବି, କହିଲେ-୧୦ ବର୍ଷ ପରେ…

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟର ଦିଗ୍ଗଜ ବ୍ୟାଟର ବିରାଟ କୋହଲି ଏବଂ ଅଭିଜ୍ଞ ଦ୍ରୁତ ବୋଲର ମହମ୍ମଦ ଶାମି ଟେଷ୍ଟ କ୍ରିକେଟରୁ ସନ୍ନ୍ୟାସ ନେଇସାରିଛନ୍ତି। କୋହଲି ୨୦୨୫ ଜୁନରେ…

ଟିମ ଇଣ୍ଡିଆକୁ ବଡ଼ ଝଟ୍‌କା: ପୁଣି ଆହତ ହେଲେ ଷ୍ଟାର୍‌ ଖେଳାଳି

ନୂଆଦିଲ୍ଲୀ,୧୬।୧୧: ଭାରତୀୟ କ୍ରିକେଟ ଦଳର ଅନେକ ଷ୍ଟାର୍‌ ଖେଳାଳି ଏବେ ସୟଦ ମୁସ୍ତାକ ଅଲ୍ଲୀ ଟ୍ରଫି ୨୦୨୬ରେ ଖେଳୁଥିବା ନଜର ଆସୁଛନ୍ତି। ଏହି ଟୁର୍ନାମେଣ୍ଟରେ ଭଲ ପ୍ରଦର୍ଶନ…

ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ବିୟୋଗରେ ଗୁଣପୁର ଓକିଲ ସଂଘର ଶୋକସଭା

ଗୁଣପୁର, ୧୬।୧୧ (ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଓକିଲ ସଂଘର ବରିଷ୍ଠ ଆଇନଜୀବୀ ଦୁର୍ଗା ପ୍ରସାଦ ମଣିପାତ୍ରଙ୍କ ୭୫ ବର୍ଷ ବୟସରେ ଶନିବାର ପରଲୋକ ଘଟିଥିଲା।…

ପର୍ଯ୍ୟଟକଙ୍କ ପାଇଁ ଖୋଲିଲା ଦାରିଙ୍ଗବାଡ଼ି ଇକୋ ରିଟ୍ରିଟ: ୨୮ ତମ୍ବୁ ଘର ସହ ପଞ୍ଚତାରକା ହୋଟେଲ୍‌ର ସୁବିଧା

ଦାରିଙ୍ଗବାଡ଼ି, ୧୬।୧୧ (ଅରୁଣ ସାହୁ): ପର୍ଯ୍ୟଟକଙ୍କ ପାଇଁ ଖୋଲିଲା କନ୍ଧମାଳ ଜିଲାର ପ୍ରସିଦ୍ଧ ପର୍ଯ୍ୟଟନସ୍ଥଳୀ ଦାରିଙ୍ଗବାଡ଼ି ଇକୋ ରିଟ୍ରିଟ। ଚଳିତ ବର୍ଷର ଇକୋ ରିଟ୍ରିଟକୁ ରାଜ୍ୟ ପର୍ଯ୍ୟଟନ…

ଗର୍ଭରେ ଆଲିଆ ଭଟ୍ଟ ଥିବାବେଳେ ଗୋଟିଏ ଦିନରେ ୧୦୦ ସିଗାରେଟ ଟାଣୁଥିଲେ ମା’ ସୋନି ରାଜଦାନ, ନିଜେ ଖୋଲିଲେ ଗୁମର

ମୁମ୍ବାଇ:ବଲିଉଡ୍‌ର ଜଣାଶୁଣା ଅଭିନେତ୍ରୀ ସୋନି ରାଜଦାନ ନିଜ ଦମ୍‌ଦାର ଅଭିନୟ ପାଇଁ ବେଶ ପରିଚିତ। ଦୀର୍ଘଦିନ ଧରି ଫିଲ୍ମ ଇଣ୍ଡଷ୍ଟ୍ରିରେ ସକ୍ରିୟ ଥିବା ସୋନି ନିଜ ଚରିତ୍ରକୁ…

କେନ୍ଦୁଝରରେ ଚାଞ୍ଚଲ୍ୟ: ଜୀବନ ଯୁଦ୍ଧରେ ହାରିଗଲେ ବଳାତ୍କାର ପୀଡିତା, ଅଭିଯୁକ୍ତଙ୍କୁ ଖୋଜୁଛି ପୋଲିସ…

କେନ୍ଦୁଝର,୧୬।୧୧(ନରେଶ ଚନ୍ଦ୍ର ପଟ୍ଟନାୟକ): କେନ୍ଦୁଝର ଜିଲା ତେଲକୋଇ ଥାନା ଅଞ୍ଚଳରେ ଜଣେ ୪୫ ବର୍ଷୀୟା ଜୁଆଙ୍ଗ ଆଦିମ ଜନଜାତି ବିଧବା ମହିଳା ବଳାତ୍କାରର ଶିକାର ହୋଇଥିଲେ। ଗୁରୁତର…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?