ବାରଙ୍ଗ,୨ା୧(ଡି.ଏନ୍.ଏ.):ନୂଆବର୍ଷରେ ନନ୍ଦନକାନନ ଓ ବଟାନିକାଲ ଗାର୍ଡେନରେ ପର୍ଯ୍ୟଟକଙ୍କ ଭିଡ଼ ଜମିଥିଲା। ନନ୍ଦନକାନନକୁ ୪୧,୯୬୭ ଜଣ ପର୍ଯ୍ୟଟକ ଆସିଥିବା ବେଳେ ସେମାନଙ୍କ ମଧ୍ୟରୁ ଅଫ୍ଲାଇନରେ ୩୯,୪୬୨ ଜଣ ଓ ଅନ୍ଲାଇନରେ ୨,୪୮୬ ଜଣ ପର୍ଯ୍ୟଟକ ଟିକେଟ କାଟିଥିଲେ। ତନ୍ମଧ୍ୟରୁ ୧୯ ଦିବ୍ୟାଙ୍ଗ ପର୍ଯ୍ୟଟକଙ୍କୁ ବିନା ଶୁଳ୍କରେ ନନ୍ଦନକାନନକୁ ପ୍ରବେଶ କରାଯାଇଥିଲା। ସେହିପରି ବଟାନିକାଲ ଗାର୍ଡେନକୁ ୩,୭୫୦ ପର୍ଯ୍ୟଟକ ଆସିଥିବା ବେଳେ ସେଥିମଧ୍ୟରୁ ଅଫ୍ଲାଇନରେ ୩,୬୬୧ ଓ ଅନ୍ଲାଇନରେ ୮୯ ଜଣ ପର୍ଯ୍ୟଟକ ଟିକେଟ କାଟିଥିଲେ ବୋଲି ନନ୍ଦନକାନନ ଉପନିର୍ଦ୍ଦେଶକ ସଞ୍ଜିତ୍ କୁମାର କହିଛନ୍ତି। ତେବେ ଗହଳିର ସୁଯୋଗରେ ୧୦୦ରୁ ଊର୍ଦ୍ଧ୍ୱ ପର୍ଯ୍ୟଟକ ଲୁଟ୍ର ଶିକାର ହୋଇଛନ୍ତି। ସେଥିମଧ୍ୟରୁ କେତେଜଣ ନନ୍ଦନକାନନ ଥାନାରେ ଅଭିଯୋଗ କରିଥିବା ବେଳେ କେତେଜଣ ଟିକେଟ ଯାଞ୍ଚ ଫାଟକ ନିକଟରେ ଥିବା ସୁରକ୍ଷା କର୍ମଚାରୀଙ୍କଠାରେ ଅଭିଯୋଗ କରି ଫେରିଥିବା ଜଣାପଡ଼ିଛି। ଅନ୍ୟପକ୍ଷରେ ୧୮ ନମ୍ବର ମୋ ବସ୍ରୁ ୬ଟି ମୋବାଇଲ ଫୋନ୍ ଚୋରି ହୋଇଥିବା ନେଇ ନନ୍ଦନକାନନ ଥାନାରେ ଅଭିଯୋଗ ହୋଇଛି।
