Posted inଜାତୀୟ

ମୁକ୍ତି ପ୍ରତୀକ୍ଷାରେ ୪ ମାସ : କାତାର ଜେଲରେ ୮ ନୌସେନା ଭେଟେରାନ୍‌

ନୂଆଦିଲ୍ଲୀ,୨ା୧: ଦେଶ ପାଇଁ ସେବା ପ୍ରଦାନରେ ନିଷ୍କଳଙ୍କ କ୍ୟାରିୟର, ସର୍ଭିସ ରେକର୍ଡରେ ଟିକିଏ ବି ଦାଗ ନାହିଁ। ତଥାପି ଭାରତୀୟ ନୌସେନାର ୮ ଜଣ ଅବସରପ୍ରାପ୍ତ ଅଧିକାରୀ କାତାରସ୍ଥିତ ଦୋହା ଜେଲରେ ୪ ମାସ ହେଲା ବନ୍ଦୀ ଅଛନ୍ତି। ସେମାନଙ୍କୁ ଯଥାଶୀଘ୍ର ମୁକ୍ତ କରିବା ପାଇଁ କାତାର ସରକାରଙ୍କ ସହ ଆଲୋଚନା କରିବାକୁ ଭେଟେରାନ୍‌ଙ୍କ ପରିବାର ପକ୍ଷରୁ କେନ୍ଦ୍ରର ନରେନ୍ଦ୍ର ମୋଦି ସରକାରଙ୍କୁ ଅନୁରୋଧ କରାଯାଇଛି।
୮ ବିଲିୟନ୍‌ ଲୋକ ନୂଆବର୍ଷକୁ ସ୍ବାଗତ କରିଛନ୍ତି। କିଏ ହର୍ଷୋଲ୍ଲାସରେ ଉତ୍ସବ ପାଳନ କରୁଛନ୍ତି ତ ପୁଣି କିଏ ଭବିଷ୍ୟତ ପାଇଁ ନୂଆ ଖସଡ଼ା ପ୍ରସ୍ତୁତ କରୁଛନ୍ତି। କିନ୍ତୁ ଭାରତୀୟ ନୌସେନାର ୮ ଜଣ ଅବସରପ୍ରାପ୍ତ ଅଫିସରଙ୍କ ପରିବାର ଲାଗି ଏହି ନବବର୍ଷ ପାଣିଚିଆ ହୋଇଯାଇଛି। ଗତ ଅଗଷ୍ଟରୁ ଏହି ଅଧିକାରୀମାନେ କାତାରରେ ବନ୍ଦୀ ଜୀବନ ବିତାଉଛନ୍ତି। ୨୦୨୩ରେ ସେମାନଙ୍କ ଦୀର୍ଘ ୪ ମାସ ଧରି ଯନ୍ତ୍ରଣାଦାୟକ ପ୍ରତୀକ୍ଷାର ଅନ୍ତ ଘଟୁ। ଏହା ହିଁ ସେମାନଙ୍କ ଏକମାତ୍ର ଆଶା।

ନୈସେନା କମାଣ୍ଡର ପୂର୍ଣ୍ଣେନ୍ଦୁ ତିଓ୍ବାରୀ, କ୍ୟାପଟେନ ନଭତେଜ ସିଂ ଗିଲ୍‌ ଓ ଅନ୍ୟ ୬ ଜଣ ଅଧିକାରୀ ଚାକିରିରୁ ଅବସର ନେବା ପରେ ଦୋହା ଗ୍ଲୋବାଲ୍‌ ଟେକ୍ନୋଲୋଜି ଆଣ୍ଡ୍‌ କନ୍‌ସଲ୍ଟିଙ୍ଗ୍‌ ସର୍ଭିସେସ୍‌ରେ କାର୍ଯ୍ୟ କରୁଥିଲେ। କାତାର ନୌସେନା କର୍ମଚାରୀମାନଙ୍କୁ ଏହି ପ୍ରାକ୍ତନ ଭାରତୀୟ ଅଧିକାରୀମାନେ ପ୍ରଶିକ୍ଷଣ ଦେଉଥିଲେ। କିନ୍ତୁ ଗତ ଅଗଷ୍ଟ ୩୦ରେ କାତାର ଗୋଇନ୍ଦା କର୍ତ୍ତୃପକ୍ଷ ହଠାତ୍‌ ସେମାନଙ୍କୁ ଉଠାଇ ନେଇଥିଲେ। ସେମାନଙ୍କୁ ଦୋହାସ୍ଥିତ ଏକ ଜେଲର ପୃଥକ୍‌ କୋଠରିରେ ନିଃସଙ୍ଗ ଜୀବନ ବିତାଇବାକୁ ବାଧ୍ୟ କରାଯାଇଛି। ବିନା କୌଣସି ଅପରାଧରେ କେଉଁ କାରଣରୁ ଜେଲରେ ରଖାଯାଇଛି ସେନେଇ ଦୋହା ପକ୍ଷରୁ କିଛି ସ୍ପଷ୍ଟ କରାଯାଇ ନାହିଁ। କମ୍ପାନୀର ମୁଖ୍ୟ କାର୍ଯ୍ୟନିର୍ବାହୀ ଅଧିକାରୀ (ସିଇଓ) ଥିବା ଜଣେ ଓମାନ୍‌ ନାଗରିକଙ୍କୁ ମଧ୍ୟ ଫିଫା ଫୁଟ୍‌ବଲ ବିଶ୍ୱକପ୍‌ ଆୟୋଜନ ପୂର୍ବରୁ ବେଆଇନ ଭାବେ ଗିରଫ କରି ଜେଲରେ ରଖାଯାଇଛି।
୨୦୦୨ରେ ନୌସେନାରୁ ଅବସର ନେଇଥିବା କମାଣ୍ଡର ପୂର୍ଣ୍ଣେନ୍ଦୁ ସେହି କମ୍ପାନୀରେ ମ୍ୟାନେଜିଂ ଡାଇରେକ୍ଟର ଭାବେ କାର୍ଯ୍ୟ କରୁଥିଲେ। ୨୦୧୯ରେ ତାଙ୍କୁ ଭାରତ ସରକାର ପ୍ରବାସୀ ଭାରତୀୟ ସମ୍ମାନ ଦେଇଥିଲେ।

ପୂର୍ଣ୍ଣେନ୍ଦୁଙ୍କ ଭାଇ ଡ.ମିଟୁ ଭାର୍ଗବ କହିଛନ୍ତି, ୬୩ ବର୍ଷୀୟ ବଡ଼ଭାଇଙ୍କ ସ୍ବାସ୍ଥ୍ୟାବସ୍ଥା ଭଲ ନାହିଁ। ତାଙ୍କୁ ଜେଲରେ ଏକାନ୍ତବାସରେ ରହିବାକୁ ପଡ଼ିଛି। ତାଙ୍କ ମାନସିକ ସ୍ଥିତି କ’ଣ ଥିବ କିଛି ଜାଣିହେଉ ନାହିଁ। ଭାଇଙ୍କୁ ତୁରନ୍ତ ମୁକ୍ତ କରି ଭାରତ ଫେରାଇ ଆଣିବା ଦିଗରେ କେନ୍ଦ୍ର ସରକାର ଉଦ୍ୟମ କରନ୍ତୁ ବୋଲି ସେ ଅନୁରୋଧ କରିଛନ୍ତି। ସେହିପରି ୫୭ ବର୍ଷୀୟ କ୍ୟାପଟେନ ନଭତେଜ ସିଂ ଗିଲ୍‌ (ସୋର୍ଡ ଅଫ୍‌ ଅନର ବିଜେତା ତଥା ଗୋଲ୍ଡ ମେଡାଲିଷ୍ଟ)ଙ୍କ ଭାଇ ନଭଦୀପ ଗିଲ୍‌ କହିଛନ୍ତି, ଭାଇ ୨୦୧୨ରେ ଅବସର ନେଇ ୨୦୧୬ରେ କାତାର ଯାଇଥିଲେ। କମ୍ପାନୀର ନିର୍ଦ୍ଦେଶକ ପଦରେ ଅବସ୍ଥାପିତ ଥିବାବେଳେ ତାଙ୍କୁ ଗିରଫ କରାଯାଇଥିଲା। ଏହି ଗିରଫଦାରି ଆମ ପରିବାର ପାଇଁ ଏକ ଶକ୍ତ ଝଟ୍‌କା। ପୂର୍ବରୁ ହ୍ବାଟ୍ସଆପ୍‌ରେ ଆମେ ତାଙ୍କଠାରୁ ମେସେଜ୍‌ ପାଉଥିଲୁ। ଗତ ସେପ୍ଟେମ୍ବର ୬ରେ ଭାଇଙ୍କ ଜନ୍ମଦିନ ଅବସରରେ ତାଙ୍କୁ ଫୋନ୍‌ କରିବାରୁ ସୁଇଚ୍‌ ଅଫ୍‌ ଥିବା ଜାଣିବାକୁ ପାଇଥିଲୁ। କମ୍ପାନୀ ସହ ଯୋଗାଯୋଗ କରିବା ପରେ କାତାର ସିକ୍ୟୁରିଟି ସର୍ଭିସ୍‌ ପକ୍ଷରୁ ତାଙ୍କୁ ଗିରଫ କରାଯାଇଥିବା କୁହାଯାଇଥିଲା। ଭାଇଙ୍କୁ ଯଥାଶୀଘ୍ର ପ୍ରତ୍ୟର୍ପିତ କରି ସ୍ବଦେଶ ଫେରାଇ ଆଣିବାକୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ଅନୁରୋଧ କରିଛୁ। ଭାରତୀୟ ନୌସେନାର ଅନ୍ୟ ୬ ଅବସରପ୍ରାପ୍ତ ଅଧିକାରୀ ହେଲେ କମାଣ୍ଡର ବୀରେନ୍ଦ୍ର କୁମାର ବର୍ମା, କମାଣ୍ଡର ସୁଗୁନାକର କପଲା, କମାଣ୍ଡର ସଞ୍ଜୀବ ଗୁପ୍ତା, କମାଣ୍ଡର ଅମିତ ନାଗପାଲ, କ୍ୟାପ୍‌ଟେନ ସୌରଭ ବଶିଷ୍ଠ, ସୈଲର ରାଗେଶ।

କ’ଣ କହୁଛି କେନ୍ଦ୍ର

ଦୋହା ଜେଲରେ ଥିବା ସମସ୍ତ ୮ ଅଧିକାରୀଙ୍କୁ କୂଟନୈତିକ ଚ୍ୟାନେଲରେ ଆଇନଗତ ସହାୟତା ପ୍ରଦାନ କରାଯିବ ବୋଲି ଭାରତର ବହିର୍ବ୍ୟାପାର ମନ୍ତ୍ରଣାଳୟ କହିଛି। ବହିର୍ବ୍ୟାପାର ମନ୍ତ୍ରୀ ଏସ୍‌. ଜୟଶଙ୍କର ନିକଟରେ ଏହି ପ୍ରସଙ୍ଗକୁ ସରକାର ପ୍ରାଥମିକତା ଦେଉଥିବା ପାର୍ଲାମେଣ୍ଟକୁ ଅବଗତ କରାଇଥିଲେ। ରାଜ୍ୟ ସଭାରେ ଜୟଶଙ୍କର କହିଥିଲେ, ଏହା ଅତ୍ୟନ୍ତ ସମ୍ବେଦନଶୀଳ ପ୍ରସଙ୍ଗ। ସେମାନଙ୍କ ହିତକୁ ଦୃଷ୍ଟିରେ ରଖାଯାଇଛି। ରାଷ୍ଟ୍ରଦୂତ ଓ ବରିଷ୍ଠ ଅଧିକାରୀମାନେ କାତାର ସରକାରଙ୍କ ସହ ଯୋଗାଯୋଗରେ ଅଛନ୍ତି। କିନ୍ତୁ ଏହି ଆଶ୍ୱାସନା ବଳରେ ଭାର୍ଗବ ଓ ନବଦୀପଙ୍କ ଭଳି ଅନ୍ୟ ଭେଟେରାନ୍‌ ପରିବାର ଆଉ କେତେ ଦିନ ଘଣ୍ଟା ଓ କ୍ୟାଲେଣ୍ଡର ଦେଖି ଅପେକ୍ଷା କରିଥିବେ, ତାହା ହେଉଛି ବଡ଼ ପ୍ରଶ୍ନ।


Enter your email to get our daily news in your inbox.

All Right Reserved By Dharitri.Com

୩ ଥର ବିବାହ, ଆତ୍ମହତ୍ୟା ଯୋଜନା, ଭାଇଙ୍କ ବିରୋଧରେ ଦଳ; ଗୋଟିଏ ମାଷ୍ଟରଷ୍ଟ୍ରୋକ୍‌ ଯୋଗୁ ପଓ୍ବନ କଲ୍ୟାଣ ବଦଳାଇଦେଲେ ଆନ୍ଧ୍ର ରାଜନୀତି…

ନୂଆଦିଲ୍ଲୀ,୧୪।୬: ଏକ ସମୟରେ ଆନ୍ଧ୍ରପ୍ରଦେଶ ରାଜନୀତିରେ ପଓ୍ବନ କଲ୍ୟାଣଙ୍କ ଦବ୍‌ଦବା ପ୍ରାୟ ଶୂନ ଭଳି ରହିଥିଲା। ତାଙ୍କର ଜନ ସେନା ପାର୍ଟିର ପରିଚୟ ବି ସେତେଟା...

ଇଟାଲୀରେ ପ୍ରଧାନମନ୍ତ୍ରୀ ମୋଦିଙ୍କୁ ଭେଟି ଆଲିଙ୍ଗନ କଲେ ପୋପ୍‌ ଫ୍ରାନ୍ସିସ୍‌

ନୂଆଦିଲ୍ଲୀ,୧୪।୬: ଇଟାଲୀରେ ଚାଲିଥିବା ଜି୭ ଶିଖର ସମ୍ମିଳନୀରେ ପ୍ରଧାନମନ୍ତ୍ରୀ ମୋଦି ଯୋଗ ଦେଇଛନ୍ତି। ଏହି ଅବସରରେ ସେ ପୋପ୍‌ ଫ୍ରାନ୍ସିସ୍‌ଙ୍କୁ ଭେଟିଛନ୍ତି। ଉଭୟଙ୍କ ଭେଟର କିଛି...

ନିଆଁ ଲାଗିଯାଇଥିବା ଗୁଜବ ଯୋଗୁ ବଡ଼ ଦୁର୍ଘଟଣା; ଏକ୍ସପ୍ରେସ୍‌ରୁ କୁଦିଲେ ଯାତ୍ରୀ, ପିଟିଲା ମାଲବାହୀ ଟ୍ରେନ୍‌

ରାଞ୍ଚି,୧୪।୬: ଝାଡ଼ଖଣ୍ଡ ଲାଟେହାରର ସାସାରାମ-ରାଞ୍ଚି ଇଣ୍ଟରସିଟି ଏକ୍ସପ୍ରେସ୍‌ରେ ନିଆଁ ଲାଗିବା ଗୁଜବ ୩ଜଣଙ୍କ ଜୀବନ ନେଇଛି। ଏକ୍ସପ୍ରେସ୍‌ଟି କୁମାଣ୍ଡି ଷ୍ଟେଶନରେ ପହଞ୍ଚିଥିବା ବେଳେ କେହି ଜଣେ...

ଇସ୍ତଫା ଦେଲେ କଂଗ୍ରେସ ନେତା ଅଧିର ରଞ୍ଜନ ଚୌଧୁରୀ

ନୂଆଦିଲ୍ଲୀ,୧୪।୬:ପଶ୍ଚିମବଙ୍ଗର କଂଗ୍ରେସ ସଭାପତି ଆଧୀର ରଞ୍ଜନ ଚୌଧୁରୀ ଇସ୍ତଫା ଦେଇଛନ୍ତି। ସେ ଦଳର ହାଇ କମାଣ୍ଡଙ୍କୁ ଇସ୍ତଫା ପତ୍ର ପଠାଇଛନ୍ତି। ଇସ୍ତଫାରେ ସେ କହିଛନ୍ତି, ମମତା...

ଚାଷୀଙ୍କ ପାଇଁ ବଡ଼ଖବର: ଏହି ଦିନ ଆକାଉଣ୍ଟକୁ ଆସିବ  ପିଏମ୍‌ କିଶାନ ଟଙ୍କା, ଜାଣି ନିଅନ୍ତୁ…

ନୂଆଦିଲ୍ଲୀ,୧୪।୬: ପ୍ରଧାନମନ୍ତ୍ରୀ କିଶାନ ଯୋଜନା ହିତାଧିକାରୀଙ୍କ ପାଇଁ ଖୁସି ଖବର। ଆସନ୍ତା ସପ୍ତାହରେ ଯୋଗ୍ୟ ଚାଷୀଙ୍କ ଖାତାକୁ ଆସିବ ୧୭ତମ କିସ୍ତି। ତେବେ ନିକଟରେ ପ୍ରଧାନମନ୍ତ୍ରୀ...

ମୁଖ୍ୟମନ୍ତ୍ରୀଙ୍କ ଠାରୁ ଅଧିକ ପାଓ୍ବାରଫୁଲ ଉପ ମୁଖ୍ୟମନ୍ତ୍ରୀ! ମନ୍ତ୍ରୀମାନଙ୍କ ଠାରୁ ମିଳେ କେତେ ଅଧିକ ଦରମା?

ନୂଆଦିଲ୍ଲୀ,୧୪।୬: ଆନ୍ଧ୍ରପ୍ରଦେଶ ଓ ଓଡ଼ିଶାରେ ନୂଆ ସରକାର ଶପଥ ନେଇଛନ୍ତି। ଆନ୍ଧ୍ରପ୍ରଦେଶରେ ଟିଡିପି ମୁଖ୍ୟ ଚନ୍ଦ୍ରବାବୁ ନାଇଡୁ ଶାସନ କମାଣ ଧରିଥିବାବେଳେ ଓଡ଼ିଶାରେ ୨୪ବର୍ଷରେ କ୍ଷମତାକୁ...

ଜୈଶ ଆତଙ୍କବାଦୀ ଆମିର ଦେଇଛନ୍ତି ଅଯୋଧ୍ୟା ରାମ ମନ୍ଦିରକୁ ବୋମାରେ ଉଡାଇ ଦେବାକୁ ଧମକ!

ନୂଆଦିଲ୍ଲୀ,୧୪।୬: ପାକିସ୍ତାନରେ ଅବସ୍ଥିତ ଆତଙ୍କବାଦୀ ସଂଗଠନ ଜୈଶ-ଇ-ମହମ୍ମଦ (ଜେଏମ) ଅଯୋଧ୍ୟାରେ ରାମ ମନ୍ଦିରକୁ ବିସ୍ଫୋରଣ କରିବାକୁ ଧମକ ଦେଇଛନ୍ତି। ଅଡିଓ ମାଧ୍ୟମରେ ଏହି ଧମକ ଦିଆଯାଇଛି,...

ଯୌନ ଉତ୍ପିଡନରେ ସବୁବେଳେ ପୁରୁଷ ଦୋଷୀ ନୁହେଁ: ହାଇକୋର୍ଟଙ୍କ ଗୁରୁତ୍ୱପୂର୍ଣ୍ଣ ଟିପ୍ପଣି

ଆହ୍ଲାବାଦ,୧୪।୬: ଆହ୍ଲାବାଦ ହାଇକୋର୍ଟ ଏକ ମାମଲାରେ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ଦେଇଥିବାବେଳେ କହିଛନ୍ତି ଯେ ମହିଳାଙ୍କ ଉପରେ ଯୌନ ଉତ୍ପୀଡ଼ନ ସହ ଜଡିତ ଆଇନ ମହିଳା-କେନ୍ଦ୍ରିକ।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri