ପ୍ୟାରିସ୍,୯ା୬ : ଫ୍ରାନ୍ସର ଆନ୍ନେସି ସହରରେ ଜଣେ ବ୍ୟକ୍ତିଙ୍କ ଛୁରାମାଡ଼ରେ ୪ ଛୋଟପିଲାଙ୍କ ସମେତ ୫ ଜଣ ଆହତ ହୋଇଛନ୍ତି। ଆକ୍ରମଣକାରୀ ଛୁରାମାଡ଼ କରିବା ପରେ ଦୌଡ଼ି ପଳାଉଥିବାର ଦୃଶ୍ୟ ସାମାଜିକ ଗଣମାଧ୍ୟମରେ ବହୁଳ ପ୍ରସାରିତ ହୋଇଛି। ୬ ସେକେଣ୍ଡର ଉକ୍ତ ଭିଡିଓକୁ ଜଣେ ଫ୍ରିଲାନ୍ସ ଜର୍ନାଲିଷ୍ଟ ଟୁଇଟରରେ ପୋଷ୍ଟ କରିଥିଲେ।
ଅଭିଯୁକ୍ତଙ୍କ ବୟସ ପ୍ରାୟ ୩୦ ବର୍ଷ ହେବ। ସେ ଜଣେ ସିରିଆ ନାଗରିକ। ଗତ ଏପ୍ରିଲରେ ସୁଇଡେନ୍ରେ ତାଙ୍କୁ ଶରଣାର୍ଥୀ ମାନ୍ୟତା ଦିଆଯାଇଥିଲା ବୋଲି ପୋଲିସ କହିଛି। ଜଣେ ଫୁଟ୍ବଲ ଖେଳାଳି କହିଛନ୍ତି, ପାର୍କରେ ସେ ସମସ୍ତଙ୍କୁ ଆକ୍ରମଣ କରିବାକୁ ଚାହୁଁଥିଲେ। ଗୃହମନ୍ତ୍ରୀ ଗେରାଲ୍ଡ ଡରମାନିଆନ୍ ଟୁଇଟ୍ କରିଛନ୍ତି, ଅପରାଧୀଙ୍କୁ ପୋଲିସ ଗିରଫ କରିଛି। ପୀଡ଼ିତଙ୍କ ମଧ୍ୟରୁ ୩ ଜଣଙ୍କ ଅବସ୍ଥା ସଙ୍କଟାପନ୍ନ ରହିଛି। ରାଷ୍ଟ୍ରପତି ଇମାନ୍ବେଲ ମାକ୍ରଁ ଏହାକୁ ଜଣେ ଅତି ଭୀରୁଙ୍କ ଆକ୍ରମଣ ବୋଲି ଅଭିହିତ କରିଛନ୍ତି।
