ଧାମନଗର,୨୦।୧୦(ସନ୍ତୋଷ କୁମାର ମହାପାତ୍ର): ପାର୍ବଣକୁ ଦୃଷ୍ଟିରେ ରଖି ଭଦ୍ରକ ଜିଲାପାଳଙ୍କ ନିର୍ଦ୍ଦେଶ କ୍ରମେ ଅବକାରୀ ଅଧୀକ୍ଷକ ପ୍ରଦୀପ୍ତ କୁମାର ଦାସଙ୍କ ନେତୃତ୍ୱରେ ଜିଲା ଅବକାରୀ ବିଭାଗ ପକ୍ଷରୁ ଉପଅଧୀକ୍ଷକ ଅନିତା ପ୍ରଧାନ, ଭ୍ରାମ୍ୟମାଣ ସ୍କ୍ବାଡ୍ ନିରୀକ୍ଷକ ସୁଶ୍ରୀ ସଙ୍ଗୀତା ମହାନ୍ତିଙ୍କୁ ନେଇ ଗଠିତ ଏକ ସ୍ବତନ୍ତ୍ର ଟିମ୍ ଧୁଷୁରୀ ଥାନା ଅଧୀନ ବେତାଳିଗଁା ଓ ଆରଡ଼ି ବଜାର ଅଞ୍ଚଳରେ ଚଢ଼ାଉ କରିଛି।
ଚଢାଉ ବେଳେ ଅଧିକାରୀମାନେ ୪୯.୬୪୦ ଲିଟର ବିଦେଶୀ ମଦ, ୧୩୨.୮୦୦ ଲିଟର ବିଅର, ୧୦ ଲିଟର ଆସ୍କାଫର୍ଟି ଏବଂ ୨ଟି ଫ୍ରିଜ ଜବତ ସହ ୪ ଜଣଙ୍କୁ ଗିରଫ କରିଥିଲେ। ଗିରଫ ବେପାରୀମାନେ ହେଲେ ଧୁଷୁରୀ ଥାନା ଅଧୀନ କୁଳସାହି ଗ୍ରାମର ସୋମନାଥ ସାମଲ, ବେତାଳିଗଁା ଗ୍ରାମର ବାପିନା ମଳିକ ଓ ପଙ୍କଜ ନାୟକ ଏବଂ ଆରଡ଼ି ଗ୍ରାମର ପ୍ରତାପ କୁମାର ପାଢ଼ୀ। ଜବତ ମଦ, ବିଅର ଓ ଫ୍ରିଜର ଆନୁମାନିକ ମୂଲ୍ୟ ୨ ଲକ୍ଷ ଟଙ୍କାରୁ ଊଦ୍ଧର୍ବ ହେବ ବୋଲି ଅବକାରୀ ବିଭାଗ ପକ୍ଷରୁ କୁହାଯାଇଛି। ଏନେଇ ଭଦ୍ରକ ଅବକାରୀ ବିଭାଗ ପକ୍ଷରୁ ୪ଟି ମାମଲା ରୁଜୁ କରାଯାଇଛି। ଏସ୍ଆଇ ସନ୍ଦୀପ କୁମାର ପାଢ଼ୀ, ରବି ବେହେରା, ଏଏସ୍ଆଇ ପ୍ରହ୍ଲାଦ ସାମଲ, ଦୀପକ ରାଉତ, ସନ୍ତୋଷ ଦାସ, ରମେଶ ନାୟକ, ରଶ୍ମିରେଖା ଜେନା ପ୍ରମୁଖ ଚଢ଼ାଉରେ ସାମିଲ ଥିଲେ।
