ଛତ୍ରପୁର,୫ା୪(ଡି.ଏନ୍.ଏ): ୨୦୨୨ରେ ଗଞ୍ଜାମ ଜିଲାରେ ସଡ଼କ ଦୁର୍ଘଟଣାଜନିତ ମୃତ୍ୟୁସଂଖ୍ୟା ଓଡିଶାରେ ସର୍ବାଧିକ ରହିଛି। ଠିକ୍ ସମୟରେ ଦୁର୍ଘଟଣାରେ ଆହତଙ୍କୁ ଆବଶ୍ୟକୀୟ ଚିକିସତ୍। ଏବଂ ଏଥିପାଇଁ ଆବଶ୍ୟକ ପଡୁଥିବା ହସ୍ପିଟାଲରେ ଭର୍ତ୍ତି କରାଇବାରେ ବିଳମ୍ବ ଯୋଗୁଁ ମଧ୍ୟ ମୃତ୍ୟୁ ସଂଖ୍ୟା ବଢୁଛି। ସଡ଼କ ଦୁର୍ଘଟଣାରେ ଆହତଙ୍କୁ ଆଶୁ ଚିକିସତ୍। ପାଇଁ ରାଜ୍ୟରେ ୫୮ ଟି ହସ୍ପିଟାଲରେ ଟ୍ରମା କେୟାର ସେଣ୍ଟର ଖୋଲିବା ନେଇ ରାଜ୍ୟ ସରକାର ଗତ ସପ୍ତାହରେ ନିଷ୍ପତ୍ତି ନେଇଛନ୍ତି। ଏହି ପରିପ୍ରେକ୍ଷୀରେ ଗଞ୍ଜାମ ଜିଲାରେ ମଧ୍ୟ ୩ଟି ଟ୍ରମା କେୟାର ସେଣ୍ଟର ଖୋଲିବ। ଏନେଇ ଗଞ୍ଜାମ ଜିଲା ମୁଖ୍ୟ ଚିକିସତ୍। ଅଧିକାରୀ ସୂଚନା ଦେଇଛନ୍ତି। ସେଗୁଡିକ ମଧ୍ୟରେ ଖଲିକୋଟ, ଆସିକା ଓ ଭଞ୍ଜନଗର ବୋଲି ଜଣାପଡିଛି। ୧୬ ନଂ ଜାତୀୟ ରାଜପଥ ପାର୍ଶ୍ୱରେ ଖଲିକୋଟ ଅବସ୍ଥିତ ଥିବାବେଳେ ବ୍ରହ୍ନପୁର- ଭଞ୍ଜନଗର ମୁଖ୍ୟ ରାସ୍ତାରେ ଆସିକା ସହର ରହିଛି। ସେହିପରି ଭଞ୍ଜନଗର ଜିଲାର ସୀମାବର୍ତ୍ତୀ ଅଞ୍ଚଳରେ ରହିଥିବା ବେଳେ କନ୍ଧମାଳ ଜିଲା ଅବସ୍ଥିତ। ପୂର୍ବରୁ ଗଞ୍ଜାମ ଜିଲାର ବ୍ରହ୍ମପୁରସ୍ଥିତ ଏମକେସିଜି ମେଡିକାଲ କଲେଜ ଓ ହସ୍ପିଟାଲରେ ଟ୍ରମା କେୟାର ସେଣ୍ଟର ଲେଭଲ-୧ ରହିଛି। ତେବେ ଏତେବଡ ଜିଲା ସହ ୧୬ ନଂ ଜାତୀୟ ରାଜପଥ ଓ ରାଜ୍ୟପଥ ମଧ୍ୟ ଯାଇଛି। ଏଥିସହ ପୂର୍ବତଟ ରେଳପଥ ମଧ୍ୟ ଜିଲା ଦେଇ ଯାଇଛି। ଏଥିଲାଗି ବିଭିନ୍ନ ସମୟରେ ଦୁର୍ଘଟଣା ମଧ୍ୟ ଘଟୁଛି। ଆହତମାନଙ୍କ ଆଶୁ ଚିକିସତ୍। ପାଇଁ ଜିଲାରେ ଥିବା ଉକ୍ତ ଗୋଟିଏ ମାତ୍ର ଟ୍ରମା କେୟାର ସେଣ୍ଟର ଉପରେ ନିର୍ଭର କରିବାକୁ ପଡୁଛି। ଏପରିକି ଜିଲାର କୋଣ ଅନୁକୋଣରୁ ଆହତମାନଙ୍କୁ ବ୍ରହ୍ମପୁର ଆଣିବାରେ ମଧ୍ୟ ବିଳମ୍ବ ହୋଇଥାଏ। ସୂଚନାଯୋଗ୍ୟ ଜିଲାରେ ଆଉ କିଛି ଟ୍ରମା କେୟାର ସେଣ୍ଟର ଖୋଲିବା ପାଇଁ ଗଞ୍ଜାମ ଜିଲାପାଳ ଦିବ୍ୟଜ୍ୟୋତି ପରିଡା ଆକ୍ସନ ପ୍ଲାନ୍ରେ ଉଲ୍ଲେଖ କରି ରାଜ୍ୟ ସରକାରଙ୍କୁ ପ୍ରସ୍ତାବ ପଠାଇଥିଲେ। ଏଥିସହ ଆରଟିଓ ଓ ସିଡିଏମଓଙ୍କ ପକ୍ଷରୁ ମଧ୍ୟ ଏନେଇ ପ୍ରସ୍ତାବ ପଠାଯାଇଥିଲା। ଏପରିକି ଗତବର୍ଷ ସେପ୍ଟେମ୍ବର ୨୩ରେ ଅନୁଷ୍ଠିତ ସଂସଦୀୟ ସଡକ ସୁରକ୍ଷା କମିଟି ବୈଠକରେ ଟ୍ରମା କେୟାର ସେଣ୍ଟର ଉପରେ ଆଲୋଚନା ହୋଇଥିଲା। ବ୍ରହ୍ମପୁର ଏମ୍କେସିଜିରେ ଥିବା ଟ୍ରମା କେୟାର ସେଣ୍ଟରକୁ ଅପଗ୍ରେଡ କରିବା ସହ ଅନ୍ୟ ସ୍ଥାନ ମାନଙ୍କରେ ଟ୍ରମା କେୟାର ସେଣ୍ଟର ଖୋଲିବା ନେଇ ସର୍ବସମ୍ମତି ପ୍ରସ୍ତାବ ଗୃହୀତ ହୋଇଥିଲା। ଏହାକୁ ରାଜ୍ୟ ସରକାରଙ୍କୁ ପ୍ରସ୍ତାବ ପଠାଯାଇଥିଲା। ପ୍ରକାଶଯୋଗ୍ୟ ୨୦୨୨ରେ ସଡକ ଦୁର୍ଘଟଣା ଓ ତଦ୍ଜନିତ ମୃତ୍ୟୁ ସଂଖ୍ୟା ୨୦୨୧ ତୁଳନାରେ ଅହେତୁକ ବୃଦ୍ଧିପାଇଛି। ୨୦୨୨ରେ ଜିଲାରେ ୮୩୧ ସଡକ ଦୁର୍ଘଟଣା ଘଟିଥିବା ବେଳେ ୪୧୪ ଜଣଙ୍କ ମୃତ୍ୟୁ ଓ ୬୩୨ ଜଣ ଗୁରୁତର ଆହତ ହୋଇଥିଲେ।
