ଘରୋଇ ହସ୍ପିଟାଲ ନେଇଛନ୍ତି ୩୪୫ କୋଟି

ଭୁବନେଶ୍ୱର,୧୬।୩(ବ୍ୟୁରୋ): କରୋନା ରୋଗୀଙ୍କ ଚିକିତ୍ସା ପାଇଁ ରାଜ୍ୟ ସରକାର ୩୩ଟି କୋଭିଡ୍‌-୧୯ ଘରୋଇ ହସ୍ପିଟାଲକୁ ୩୪୪.୫୫ କୋଟି ଟଙ୍କା ପ୍ରଦାନ କରିଛନ୍ତି। ବିଧାୟକ ଗଣେଶ ରାମ ସିଂ ଖୁଣ୍ଟିଆଙ୍କ ଏକ ଲିଖିତ ପ୍ରଶ୍ନର ଉତ୍ତରରେ ସ୍ବାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରୀ ନବ କିଶୋର ଦାସ ସୋମବାର ବିଧାନସଭାରେ ଏହି ସୂଚନା ଦେଇଛନ୍ତି। ମନ୍ତ୍ରୀ କହିଛନ୍ତି, କରୋନା ରୋଗୀଙ୍କ ଚିକିତ୍ସା ପାଇଁ ରାଜ୍ୟ ସରକାର ୩୦ଟି ସରକାରୀ ହସ୍ପିଟାଲ ସହିତ ୩୩ ଘରୋଇ ହସ୍ପିଟାଲକୁ ଅନୁବନ୍ଧିତ କରିଥିଲେ। କୋଭିଡ୍‌ ରୋଗୀଙ୍କ ଚିକିତ୍ସା ଖର୍ଚ୍ଚ ବାବଦରେ ଘରୋଇ ହସ୍ପିଟାଲଗୁଡ଼ିକ ୪୭୯.୯୦ କୋଟି ଟଙ୍କାର ବିଲ୍‌ ପଇଠ କରିଥିଲେ। ସେଥିରୁ ସରକାର ୩୪୪.୫୫କୋଟି ଟଙ୍କା ପ୍ରଦାନ କରିଛନ୍ତି। ଘରୋଇ ହସ୍ପିଟାଲଗୁଡିକ ମଧ୍ୟରୁ କିମ୍ସ ସର୍ବାଧିକ ୫୯.୪୧ କୋଟି ଟଙ୍କା ବିଲ୍‌ ଦେଇଥିବା ବେଳେ ସମ୍‌ ହସ୍ପିଟାଲ ୫୮.୫୯ କୋଟି ଦାବି କରିଥିଲେ। ସେଥିରୁ ରାଜ୍ୟ ସରକାର କିମ୍ସକୁ ୩୮.୪୦ କୋଟି ଟଙ୍କା ପ୍ରଦାନ କରିଥିବା ବେଳେ ସମ୍‌କୁ ୨୮ କୋଟି ଟଙ୍କା ଦିଆଯାଇଛି ବୋଲି ମନ୍ତ୍ରୀ କହିଛନ୍ତି। ସେହିପରି ହାଇଟେକ୍‌ ମେଡିକାଲ କଲେଜକୁ ୩୩.୩୮ କୋଟି, କଟକ ସ୍ଥିତ ଅଶ୍ୱିନୀ ହସ୍ପିଟାଲକୁ ୨୭.୬୬ କୋଟି, ଯାଜପୁର ଡୁବୁରିସ୍ଥିତ ଟାଟା ହସ୍ପିଟାଲକୁ ୨୪.୦୨ କୋଟି, ଭୁବନେଶ୍ୱର ଆଦିତ୍ୟ ଅଶ୍ୱିନୀ ହସ୍ପିଟାଲକୁ ୧୮.୨୮ କୋଟି, କେନ୍ଦ୍ରାପଡ଼ା ଛତାହାଟ କୋଭିଡ୍‌ ହେଲ୍‌ଥ କେୟାର ସେଣ୍ଟରକୁ ୧୩.୪୫ କୋଟି, ଭୁବନେଶ୍ୱର ସ୍ଥିତ ନୀଳାଚଳ ହସ୍ପିଟାଲକୁ ୧୨.୧୮ କୋଟି, ବ୍ଲୁ ହୁଇଲ ହସ୍ପିଟାଲକୁ ୬.୪୭ କୋଟି ଏବଂ କେନ୍ଦୁଝର ଯୋଡା ଟାଟା ହସ୍ପିଟାଲକୁ ୬୫ ଲକ୍ଷ ଟଙ୍କା ପ୍ରଦାନ କରାଯାଇଛି।
ମନ୍ତ୍ରୀ କହିଛନ୍ତି, ରାଜ୍ୟରେ ୨୦୨୧ ଫେବୃୟାରୀ ୧୩ ସୁଦ୍ଧା ୮୦ ଲକ୍ଷ ୨୩ ହଜାର ୯୭୮ ଜଣଙ୍କ କୋଭିଡ୍‌ ପରୀକ୍ଷା କରାଯାଇଥିଲା। ସେଥି ମଧ୍ୟରୁ ୩ ଲକ୍ଷ ୩୬ ହଜାର ୧୭୪ ଜଣ କୋଭିଡ୍‌ ପଜିଟିଭ ଚିହ୍ନଟ ହୋଇଥିଲେ। ୧୯୧୦ ଜଣ କରୋନା ରୋଗୀଙ୍କର ମୃତ୍ୟୁ ହୋଇଛି। ଏହି ସମୟ ସୁଦ୍ଧା ୧୬ ଲକ୍ଷ ୯୭ ହଜାର ୨୩୪ ଜଣଙ୍କର ଆର୍‌ଟି-ପିସିଆର୍‌ ଓ ୬୨ ଲକ୍ଷ ୯୯ ହଜାର ୭୧୬ ଜଣଙ୍କର ଆଣ୍ଟିଜେନ୍‌ ଟେଷ୍ଟ କରାଯାଇଛି। ସେଥିମଧ୍ୟରୁ ୩,୩୩,୪୫୧ ଜଣ ସୁସ୍ଥ ହୋଇଛନ୍ତି। ନକଲି ନାମ, ମିଥ୍ୟା ମୋବାଇଲ ନମ୍ବର ଦେଇ ସୁସ୍ଥ ଲୋକଙ୍କୁ ପଜିଟିଭ ଦର୍ଶାଇ ରୋଗୀସଂଖ୍ୟା ବଢ଼ାଇ ଅର୍ଥ ହଡ଼ପ କରିବା, ଜବରଦସ୍ତ ଟେଷ୍ଟିଂ ପାଇଁ ଲୋକଙ୍କୁ ନେବା, ଭୁଲ୍‌ ରିପୋର୍ଟ ଦେଇ କ୍ୱାରାଣ୍ଟାଇନରେ ରଖିବା, ମିଥ୍ୟା ଟେଷ୍ଟିଂ ରିପୋର୍ଟ ଦେଇ ବିଲ୍‌ କରିବା ଭଳି କୌଣସି ଅଭିଯୋଗ ସରକାରଙ୍କ ହସ୍ତଗତ ହୋଇ ନାହିଁ ବୋଲି ମନ୍ତ୍ରୀ କହିଛନ୍ତି। ସେହିପରି କଂଗ୍ରେସ ସଭ୍ୟ ମହମ୍ମଦ ମୋକିମ ପଚାରିଥିବା ଏକ ଲିଖିତ ପ୍ରଶ୍ନର ଉତ୍ତରରେ ମନ୍ତ୍ରୀ କହିଛନ୍ତି ଯେ, କଟକ ମହାନଗର ନିଗମ ଅଞ୍ଚଳରେ କୋଭିଡ୍‌ ଆକ୍ରାନ୍ତଙ୍କ ପିଛା ୧୬,୨୭୯ ଟଙ୍କା ୩୨ ପଇସା ଖର୍ଚ୍ଚ ହୋଇଛି। ଏ ବାବଦରେ ଘରୋଇ ହସ୍ପିଟାଲଗୁଡ଼ିକୁ ଏ ପର୍ଯ୍ୟନ୍ତ ୨୪,୮୬,୧୬,୧୧୪ ଟଙ୍କା ପ୍ରଦାନ କରାଯାଇଛି। କଟକ ମହାନଗର ନିଗମକୁ ୨୬,୭୪,୫୨,୮୬୮ କୋଟି ଟଙ୍କା ପ୍ରଦାନ କରାଯାଇଛି।

 

କୋଭିଡ୍‌ ହସ୍ପିଟାଲ ନାମ ଦାବି କରିଥିବା ସରକାର ଦେଇଥିବା
ଅର୍ଥ(କୋଟିରେ) ଅର୍ଥ (କୋଟିରେ)
କିମ୍ସ ହସ୍ପିଟାଲ, ଭୁବନେଶ୍ୱର ୫୯.୪୧ ୩୮.୪୦
ଆଇଏମ୍‌ଏସ୍‌ ଆଣ୍ଡ ସମ୍‌ ହସ୍ପିଟାଲ ୫୮.୫୯ ୨୮
ହାଇଟେକ ମେଡିକାଲ କଲେଜ,ଭୁବନେଶ୍ୱର ୩୩.୩୮ ୧୯.୧୦
ଅଶ୍ୱିନୀ ହସ୍ପିଟାଲ, କଟକ ୩୨.୩୫ ୨୭.୬୬
ଟାଟା ହସ୍ପିଟାଲ(ଡୁବୁରୀ) ୨୪.୦୨ ୨୪.୦୨
ରାନକୀ, କେନ୍ଦୁଝର ୧୯.୨୫ ୧୮.୨୨
କିମ୍ସ କ୍ୟାମ୍ପସ, ବାରିପଦା ୧୮.୩୭ ୮.୩୪
ଆଦିତ୍ୟ ଅଶ୍ୱିନୀ ହସ୍ପିଟାଲ,ଭୁବନେଶ୍ୱର ୧୮.୨୮ ୧୮.୨୮
ହାଇଟେକ୍‌ ମେଡିକାଲ କଲେଜ,ରାଉରକେଲା ୧୭.୩୧ ୧୫.୨୯
ସୃଷ୍ଟି ହସ୍ପିଟାଲ, କଟକ ୧୬.୫୩ ୧୧.୭୮
କିସ୍‌ କ୍ୟାମ୍ପସ, ବଲାଙ୍ଗୀର ୧୬.୩୯ —
ଚାନ୍ଦପୁର ଟିବି ହସ୍ପିଟାଲ, ନୟାଗଡ ୧୩.୫୮ ୫.୬୭
କୋଭିଡ୍‌ କେୟାର ଇନଷ୍ଟିଚ୍ୟୁଶନ,କେନ୍ଦ୍ରାପଡା ୧୩.୪୫ ୧୩.୪୫
ଜୟ ପ୍ରକାଶ ହସ୍ପିଟାଲ, ରାଉରକେଲା ୧୩.୦୭ ୧୧.୯୫
ଅମିତ ଅଶ୍ୱିନୀ କୋଭିଡ୍‌ ହସ୍ପିଟାଲ,ବ୍ରହ୍ମପୁର ୧୨.୫୩ ୫.୯୯
ଏନ୍‌ଏସ୍‌ସିଏଚ୍‌ ହସ୍ପିଟାଲ, ତାଳଚେର ୧୨.୧୯ ୮.୧୮
ନୀଳାଚଳ ହସ୍ପିଟାଲ,ବାଳକାଟି ୧୨.୧୮ ୧୨.୧୮
ଟାଟା ହସ୍ପିଟାଲ, ଗଞ୍ଜାମ ୧୦.୮୩ ୫.୬୩
ସାଉଥ ପଏଣ୍ଟ ହସ୍ପିଟାଲ, କଟକ ୮.୪୪ ୫.୮୮
ଏମ୍‌ସିଏଚ୍‌ ବିଲ୍ଡିଂ, ବରଗଡ଼ ୭.୯୨ ୭.୯୨
ସଦ୍‌ଗୁରୁ ହସ୍ପିଟାଲ, କଟକ ୭.୫୪ ୭.୫୪
କାନୁନ୍‌ଗୋ ଇନଷ୍ଟିଚ୍ୟୁଟ ଅଫ୍‌ ଡାଇବେଟିସ ୭.୩୩ ୭.୩୩
ସନ୍‌ ହସ୍ପିଟାଲ, କଟକ ୭.୩୦ ୭.୧୯
ଜ୍ୟୋତି ହସ୍ପିଟାଲ, ବାଲେଶ୍ୱର ୬.୯୫ ୬ କୋଟି
ଡିଏଚ୍‌ଏଚ୍‌ ,ଝାରସୁଗୁଡା ୬.୬୩ ୬.୧୩
ବ୍ଲୁ ହୁଇଲ ହସ୍ପିଟାଲ, ଭୁବନେଶ୍ୱର ୬.୪୭ ୬.୪୭
ସେଞ୍ଚୁରିଆନ ହେଲ୍‌ଥ ୟୁନିଭରସିଟି,ଗଜପତି ୬.୩୮ ୫.୬୫
ବିଏଡ୍‌ କଲେଜ,ନବରଙ୍ଗପୁର ୩.୪୨ ୨.୮୫
ସୁନ୍ଦରଗଡ ମେଡିକାଲ କଲେଜ ୩.୩୭ ୩.୩୭
ଶାନ୍ତି ମେମୋରିଆଲ ହସ୍ପିଟାଲ, ରାଉରକେଲା ୨.୭୮ ୨.୭୮
ସାଲନ୍ଦୀ ହସ୍ପିଟାଲ ୧.୬୩ ୧.୨୮
ଜିଆଇଏମ୍‌ଏସ୍‌ଏଆର୍‌,କଟକ ୧.୨୩ ୧.୨୩
ଟାଟା ହସ୍ପିଟାଲ, ଯୋଡ଼ା ୦.୬୫ ୦.୬୫


Enter your email to get our daily news in your inbox.

All Right Reserved By Dharitri.Com

ପୂର୍ବ ଶତ୍ରୁତା: ଯୁବକଙ୍କୁ ଗୋଡ଼େଇ ହାଣିଲେ; ଜଣଙ୍କୁ କାବୁକଲେ ସ୍ଥାନୀୟ ଲୋକେ

ଭୁବନେଶ୍ୱର, ୧୬।୨(ବ୍ୟୁରୋ): ଶହୀଦନଗର ଥାନା ୟୁନିଟ୍‌-୯ ଗ୍ରୀଡ୍‌କୋ କଲୋନୀରେ ଜଣେ ଯୁବକଙ୍କୁ ୩୦ରୁ ଊର୍ଦ୍ଧ୍ୱ ଯୁବକ ଗୋଡ଼େଇ ଗୋଡ଼େଇ ହାଣିଛନ୍ତି। ସେମାନେ ଖଣ୍ଡା, ଭୁଜାଲି, ଲୁହାରଡ଼୍‌ରେ...

ଭାଜପା ପ୍ରାର୍ଥୀଙ୍କ କାର୍‌କୁ ବୋମାମାଡ଼ : ଅଳ୍ପକେ ବର୍ତ୍ତିଲେ ଜଗନ୍ନାଥ ପ୍ରଧାନ

ଭୁବନେଶ୍ୱର,୨୨ା୪ (ବ୍ୟୁରୋ)- ଭୁବନେଶ୍ୱର-ମଧ୍ୟ ନିର୍ବାଚନମଣ୍ଡଳୀର ଭାଜପା ବିଧାୟକ ପ୍ରାର୍ଥୀ ଜଗନ୍ନାଥ ପ୍ରଧାନଙ୍କ ଉପରେ ପୁଣି ଆକ୍ରମଣ ହୋଇଛି। ଦୁର୍ବୃତ୍ତମାନେ ତାଙ୍କ କାର ଉପରକୁ ବୋମାମାଡ଼ କରିଛନ୍ତି। ତେବେ...

ବନ୍ଦ ହେଲା ନିକୋ ପାର୍କ

ଭୁବନେଶ୍ୱର,୧୭।୩(ବ୍ୟୁରୋ): କରୋନା ଆତଙ୍କ ପାଇଁ ବିଡିଏ ସିଟି ସେଣ୍ଟର (ନିକୋ ପାର୍କ)କୁ ବନ୍ଦ କରାଯାଇଛି। ମଙ୍ଗଳବାରଠାରୁ ପାର୍କକୁ ପରବର୍ତ୍ତୀ ନିର୍ଦ୍ଦେଶନାମା ଜାରି ହେବା ପର୍ଯ୍ୟନ୍ତ ବନ୍ଦ...

ନିରଞ୍ଜନ ସେଠୀ ସୂଚନା ଓ ଲୋକ ସମ୍ପର୍କ ବିଭାଗର ନୂଆ ନିର୍ଦ୍ଦେଶକ

ଭୁବନେଶ୍ୱର,୧।୬(ବ୍ୟୁରୋ): ସୂଚନା ଓ ଲୋକ ସମ୍ପର୍କ ବିଭାଗର ନିର୍ଦ୍ଦେଶକ କୃପାସିନ୍ଧୁ ମିଶ୍ର ମଙ୍ଗଳବାର ଅବସର ଗ୍ରହଣ କରିଛନ୍ତି। ଏହାପରେ ତାଙ୍କ ସ୍ଥାନରେ ଏବେ ନୀରଞ୍ଜନ ସେଠୀ...

ବନାଞ୍ଚଳ ସ୍ତରୀୟ ମୋବାଇଲ ବ୍ୟାରାକ କୋଠା ଉଦଘାଟିତ

ଦେବଗଡ଼,୧୨ା୧(ଡି.ଏନ.ଏ):ବନ ବିଭାଗ ପକ୍ଷରୁ ଦେବଗଡ କୃଷି ବିଜ୍ଞାନ କେନ୍ଦ୍ର ନିକଟରେ ନୂତନ ଭାବେ ନିର୍ମିତ ଦେବଗଡ ବନାଞ୍ଚଳସ୍ତରୀୟ ମୋବାଇଲ ବ୍ୟାରାକ କୋଠା ସୋମବାର ଉଦଘାଟିତ ହୋଇଯାଇଛି।...

ସ୍ବମନ୍ଦିର ଫେରିଲେ ଦେବଦମ୍ପତି

ପୁରୁଣା ଭୁବନେଶ୍ୱର, ୧୭ା୬ (ଡି.ଏନ୍‌.ଏ.): ଶ୍ରୀଲିଙ୍ଗରାଜ ମହାଦେବଙ୍କ ବିବାହ ଉତ୍ସବ ଶେଷ ହେବା ପରେ ଶ୍ରୀଜୀଉ ବୁଧବାର ସ୍ବମନ୍ଦିର ପ୍ରତ୍ୟାବର୍ତ୍ତନ କରିଛନ୍ତି। ଏ ନେଇ ପ୍ରାତଃରୁ...

କଲେଜ ପଡ଼ିଆ ପାଲଟିଛି ଷ୍ଟକ୍‌ୟାର୍ଡ

କେନ୍ଦୁଝର,୧୬।୭(ସ୍ବ.ପ୍ର.) କେନ୍ଦୁଝରସ୍ଥିତ ଧରଣୀଧର ସ୍ବୟଂ ଶାସିତ ମହାବିଦ୍ୟାଳୟ ପରିସରରେ ପାଣି ପାଇପ୍‌ ଜମା କରାଯାଇଥିବାରୁ ନାନା ସମସ୍ୟା ସୃଷ୍ଟି ହେଉଛି। ପାଇପ୍‌ଗୁଡ଼ିକ ବିପଦପୂର୍ଣ୍ଣ ଅବସ୍ଥାରେ ଗଛିତ...

ଖୋଲିଲା ଆଖଣ୍ଡଳମଣି ମନ୍ଦିର

ଆରଡି,୨।୨(ଡି.ଏନ.ଏ.) କୋଭିଡ୍‌ କଟକଣା ଯୋଗୁ ବନ୍ଦ ଥିବା ଭଦ୍ରକ ଜିଲା ଆରଡ଼ିସ୍ଥିତ ପ୍ରସିଦ୍ଧ ଶୈବପୀଠ ବାବା ଆଖଣ୍ଡଳମଣିଙ୍କ ମନ୍ଦିର ମଙ୍ଗଳବାର ଖୋଲିଛି। ଭୋର ୫ଟାରେ ମଙ୍ଗଳ...

Advertisement
Archives

Model This Week