ଘରେ ବସି କାମ ଖୋଜିପାରିବେ ପ୍ରବାସୀ:ସହାୟକ ହେବ ‘ମୋ ସହାୟ’ ପୋର୍ଟାଲ

ଭୁବନେଶ୍ୱର,୧୦ା୬(ବ୍ୟୁରୋ): କରୋନା ଓ ଲକ୍‌ଡାଉନ୍‌ ଯୋଗୁ କାମ ହରାଇଥିବା ପ୍ରବାସୀ ଶ୍ରମିକଙ୍କୁ କାମ ଯୋଗାଇବାରେ ସହଯୋଗ କରିବ ସ୍ବତନ୍ତ୍ର ଆପ୍ଲିକେଶନ। ଘରେ ବସି ଅନ୍‌ଲାଇନରେ ନିଜ ଦକ୍ଷତା ଅନୁଯାୟୀ ଚାକିରି ବା କାମ ଖୋଜିପାରିବେ ଶ୍ରମିକ। ଘରେ ବସିଥିବା ଲକ୍ଷାଧିକ ପ୍ରବାସୀ ଶ୍ରମିକଙ୍କୁ ପୁଣିଥରେ କାମ ଯୋଗାଇଦେବା ଲକ୍ଷ୍ୟରେ ‘ମୋ ସହାୟ’ ନାମରେ ଏକ ଆପ୍ଲିକେଶନ ପ୍ରସ୍ତୁତ କରିଛନ୍ତି ଆଇଆଇଟି ଭୁବନେଶ୍ୱର ସମେତ ରାଜ୍ୟର ପ୍ରମୁଖ ବୈଷୟିକ ଶିକ୍ଷାନୁଷ୍ଠାନର ପ୍ରଫେସର ଓ ଛାତ୍ରୀଛାତ୍ର। ଇତିମଧ୍ୟରେ ଏହା ଲୋକାର୍ପିତ ହୋଇଥିବାବେଳେ ନିଯୁକ୍ତିଦାତା ଓ ଶ୍ରମିକଙ୍କ ମଧ୍ୟରେ ଏକ ମାଧ୍ୟମ ଭାବେ କାର୍ଯ୍ୟ କରିବ। ଶ୍ରମିକଙ୍କୁ କାମ ବା ଚାକିରି ଯୋଗାଇବା କ୍ଷେତ୍ରରେ ଏହା ବେଶ୍‌ ସହାୟକ ହେବ।
ଆଇଆଇଟି ଭୁବନେଶ୍ୱର ପ୍ରଫେସର ଦେବୀପ୍ରସାଦ ଡୋଗ୍ରାଙ୍କ ନେତୃତ୍ୱରେ ପ୍ରସ୍ତୁତ ହୋଇଥିବା ଏହି ଆପ୍ଲିକେଶନରେ ପ୍ରଥମେ ପ୍ରବାସୀ ଶ୍ରମିକଙ୍କୁ ପଞ୍ଜୀକରଣ କରିବାକୁ ପଡ଼ିବ। ନାମ, ବୟସ, ମୋବାଇଲ୍‌ ନମ୍ବର, ନିଜ ଠିକଣା ଆଦି ଦେବାପରେ ଏହି କ୍ରସ୍‌-ପ୍ଲାଟ୍‌ଫର୍ମ ଆପ୍ଲିକେଶନ ଶ୍ରମିକଙ୍କ ସ୍ବାସ୍ଥ୍ୟାବସ୍ଥା ଓ ଦକ୍ଷତା ସମ୍ପର୍କିତ ତଥ୍ୟ ମାଗିବ। ତେବେ ଲେଖାପଢା ଜାଣି ନ ଥିବା ଶ୍ରମିକମାନେ ଯେପରି ସହଜରେ ଏଥିରେ ପଞ୍ଜୀକୃତ ହୋଇପାରିବେ ସେଥିପାଇଁ ଏହାକୁ ସରଳ କରାଯାଇଛି। ଇଂଲିଶ, ହିନ୍ଦୀ ସହ ଓଡ଼ିଆ ଭାଷା ମଧ୍ୟ ଉପଲବ୍ଧ ରହିଛି। ଆଗାମୀ ଦିନରେ ଅଧିକରୁ ଅଧିକ ଭାଷାରେ ‘ମୋ ସହାୟ’କୁ ଉପଲବ୍ଧ କରିବାକୁ ପ୍ରଚେଷ୍ଟା ଚାଲିଛି ବୋଲି ସୂଚନା ଦିଆଯାଇଛି। ତେବେ ଶ୍ରମିକମାନେ ନାମ ପଞ୍ଜୀକରଣ କରିସାରିବା ପରେ ସମ୍ପୃକ୍ତ ତଥ୍ୟକୁ ଏହି ପୋର୍ଟାଲ ନିଯୁକ୍ତିଦାତା ଓ ରାଜ୍ୟ ସରକାରଙ୍କୁ ପ୍ରଦାନ କରିବ। ଏହାପରେ ‘ଆର୍ଟିଫିସିଆଲ ଇଣ୍ଟେଲିଜେନ୍ସ’ ମାଧ୍ୟମରେ ପଞ୍ଜୀକୃତ ଶ୍ରମିକଙ୍କ ଦକ୍ଷତାକୁ ବିଚାରକୁ ନେଇ ତାହାକୁ ମାନବସମ୍ବଳ ଆବଶ୍ୟକ କରୁଥିବା ବିଭିନ୍ନ ଶିଳ୍ପାନୁଷ୍ଠାନ ଏବଂ ସଂସ୍ଥା ନିକଟରେ ପହଞ୍ଚାଇବ। ଦେଶର ବିଭିନ୍ନ ପ୍ରାନ୍ତରେ ଥିବା ପ୍ରମୁଖ ଶିଳ୍ପସଂସ୍ଥା, ଏମ୍‌ଏସ୍‌ଏମ୍‌ଇ ଏବଂ ଛୋଟବଡ଼ ଶିଳ୍ପାନୁଷ୍ଠାନ ଏଥିରେ ରହିଛନ୍ତି। ଏସବୁ ପ୍ରକ୍ରିୟାରେ ଶ୍ରମିକଙ୍କ ତଥ୍ୟକୁ ସୁରକ୍ଷିତ ଏବଂ ଗୋପନୀୟ ରଖାଯିବ ବୋଲି ପ୍ରସ୍ତୁତକର୍ତ୍ତାଙ୍କ ପକ୍ଷରୁ କୁହାଯାଇଛି।
ସୂଚନା ମୁତାବକ, ବର୍ତ୍ତମାନ ସୁଦ୍ଧା ‘ମୋ ସହାୟ’ରେ ୨୪ଟି ଭିନ୍ନ ଭିନ୍ନ ଶିଳ୍ପ ପାଇଁ ଆବଶ୍ୟକ ୩୦୮ ପ୍ରକାରର ଦକ୍ଷତା ବା କାମ ସମ୍ପର୍କରେ ଉଲ୍ଲେଖ ରହିଛି। ଆଗାମୀ ଦିନରେ ଏହାକୁ ଅଧିକ ମଜବୁତ କରିବା ସହ ବଡ଼ ବଡ଼ ଶିଳ୍ପାନୁଷ୍ଠାନ ସହ ଯୋଡ଼ିବାକୁ ‘ମୋ ସହାୟ’ କନ୍‌ଫେଡେରେଶନ ଅଫ୍‌ ଇଣ୍ଡିଆନ୍‌ ଇଣ୍ଡଷ୍ଟ୍ରୀ(ସିଆଇଆଇ) ଏବଂ ଫେଡେରେଶନ ଅଫ୍‌ ଇଣ୍ଡିଆନ୍‌ ଚାମ୍ବର୍ସ ଅଫ୍‌ କମର୍ସ ଆଣ୍ଡ୍‌ ଇଣ୍ଡଷ୍ଟ୍ରୀ(ଏଫ୍‌ଆଇସିସିଆଇ) ସହ ମିଳିତଭାବେ କାର୍ଯ୍ୟକରିବ। ଅନ୍ୟପକ୍ଷରେ ‘ପ୍ଲେ ଷ୍ଟୋର୍‌’ରେ ଉପଲବ୍ଧ ନ ଥିବା ଏହି ଆପ୍‌କୁ ବ୍ୟବହାରକାରୀ ନିଜ ସ୍ମାର୍ଟଫୋନ୍‌, କମ୍ପ୍ୟୁଟର ଆଦିର ବ୍ରାଉଜର ମାଧ୍ୟମରେ ଆକ୍ସେସ କରିପାରିବ। ‘ଲିଙ୍କ୍‌ଡ ଇନ୍‌’, ‘ନକ୍‌ରୀ’ ଆଦି ଜବ୍‌ ପୋର୍ଟାଲ ଭଳି ଏହା କାର୍ଯ୍ୟକରିବ। ଆଇଆଇଟି ପ୍ରଫେସର ମନୋରଞ୍ଜନ ଶତପଥୀ, ଉଦ୍ୟୋଗୀ ସୁରଜ କୁମାର ଗନ୍ତାୟତ, ବରିଷ୍ଠ ଇଣ୍ଡଷ୍ଟ୍ରୀ ପ୍ରଫେସନାଲ ବିଜୟ ସାହୁ, ଆଇଆଇଟି ଭୁବନେଶ୍ୱର ସମେତ ରାଜ୍ୟର ପ୍ରମୁଖ ବୈଷୟିକ ଶିକ୍ଷାନୁଷ୍ଠାନର ୩୦ରୁ ଊର୍ଦ୍ଧ୍ୱ ଛାତ୍ରୀଛାତ୍ର ଏବଂ ପ୍ରଫେସରଙ୍କ ଦ୍ୱାରା ଏହି ଆପ୍‌ ପ୍ରସ୍ତୁତ କରାଯାଇଛି।


Enter your email to get our daily news in your inbox.

All Right Reserved By Dharitri.Com

ଦେଶରେ ବଢି ଚାଲିଛି କରୋନା ସଂକ୍ରମଣ

ନୂଆଦିଲ୍ଲୀ,୧୨ ।୩: ଦେଶରେ ପୁଣିଥରେ ଦିନକୁ ଦିନ ବଢି ଚାଲିଛି କରୋନା ସଂକ୍ରମିତଙ୍କ ସଂଖ୍ୟା । କେନ୍ଦ୍ର ସ୍ୱାସ୍ଥ୍ୟ ଓ ପରିବାର କଲ୍ୟାଣ ମନ୍ତ୍ରଣାଳୟ ପକ୍ଷରୁ...

କ୍ୱାରାଣ୍ଟାଇନ ଶେଷ ପରେ ଗାଁରେ ପହଞ୍ଚାଇଲାନି ପ୍ରଶାସନ: ରାତିରେ ଅଧାରାସ୍ତାରେ ଛାଡ଼ିଗଲେ ଡ୍ରାଇଭର

ମାଲକାନଗିରି,୪ା୫(ଡି.ଏନ୍‌.ଏ.) : କରୋନା ଭୂତାଣୁର ମୁକାବିଲା ପାଇଁ କେନ୍ଦ୍ର ଓ ରାଜ୍ୟ ସରକାର ବିଭିନ୍ନ ପଦକ୍ଷେପ ଗ୍ରହଣକରି ଚାଲିଛନ୍ତି। ମାଲକାନଗିରି ଜିଲା ପ୍ରଶାସନ ଏହି ନିୟମକୁ...

୨୯ ତାରିଖ ମଧ୍ୟରେ ବାତିଲ ହେବ ଏକାଧିକ ଟ୍ରେନ୍‌

ଭୁବନେଶ୍ୱର,୧୪।୩ (ବ୍ୟୁରୋ): ପୂର୍ବତଟ ରେଳପଥ ପରିସୀମା ମଧ୍ୟରେ ବିଭିନ୍ନ ସ୍ଥାନରେ ନିରାପତ୍ତା ସମ୍ବନ୍ଧୀୟ ଆଧୁନିକୀକରଣ କାର୍ଯ୍ୟ ଲାଗି ଛଅ ପାସେଞ୍ଜର ଟ୍ରେନ ଓ ଦୁଇ ଏକ୍ସପ୍ରେସ...

ନିରଞ୍ଜନଙ୍କୁ ବଡ଼ ଭାଇ କହି କଥା ବଦଳାଇଲେ ତାରା

ଭୁବନେଶ୍ୱର, ୩୧।୮(ବ୍ୟୁରୋ): ପ୍ରଦେଶ କଂଗ୍ରେସ କମିଟି(ପିସିସି) ସଭାପତି ନିରଞ୍ଜନ ପଟ୍ଟନାୟକଙ୍କ ବିରୋଧରେ ସିଧାସଳଖ ବିଷୋଦ୍‌ଗାର କରୁଥିବା ବିଧାୟକ ତାରାପ୍ରସାଦ ବାହିନୀପତି ନିଜ ମତ ପରିବର୍ତ୍ତନ କରିଛନ୍ତି।...

CORONAVIRUS UPDATE: ରାଜ୍ୟରୁ ଆଜି ୩,୨୬୭ ପଜିଟିଭ୍‌ ଚିହ୍ନଟ, ଆକ୍ରାନ୍ତଙ୍କ ସଂଖ୍ୟା ୧,୧୬,୬୭୮କୁ ବୃଦ୍ଧି

ଭୁବନେଶ୍ୱର,୪ା୯(ବ୍ୟୁରୋ): ଶୁକ୍ରବାର ୩୦ ଜିଲାରୁ ୩,୨୬୭ ନୂଆ ପଜିଟିଭ୍‌ ଚିହ୍ନଟ ହୋଇଛନ୍ତି। ଏହାକୁ ମିଶାଇ ରାଜ୍ୟରେ ମୋଟ୍‌ ଆକ୍ରାନ୍ତଙ୍କ ସଂଖ୍ୟା ୧,୧୬,୬୭୮ରେ ପହଞ୍ଚିଥିବା ରାଜ୍ୟ ସୂଚନା...

ଭୁବନେଶ୍ୱରରୁ ଆଜି ୫୫୦ ନୂଆ ପଜିଟିଭ ଚିହ୍ନଟ: ସେଥିରୁ ୩୦୭ ଲୋକାଲ କଣ୍ଟାକ୍ଟ କେସ

ଭୁବନେଶ୍ୱର,୪।୯(ବ୍ୟୁରୋ)-ଗତ ୨୪ ଘଣ୍ଟା ମଧ୍ୟରେ ଭୁବନେଶ୍ୱରରୁ ୫୫୦ ନୂଆ ପଜିଟିଭ ଚିହ୍ନଟ ହୋଇଛନ୍ତି । ୫୫୦ ଆକ୍ରାନ୍ତଙ୍କ ମଧ୍ୟରେ ୨୪୩ ଜଣ କ୍ୱାରାଣ୍ଟାଇନରୁ ଚିହ୍ନଟ ହୋଇଥିବାବେଳେ...

ଚଳନ୍ତା କାରରେ ବଳାତ୍କାର ଘଟଣା : ଧାର ଟଙ୍କାକୁ ନେଇ ଯୁବତୀ ରଚିଥିଲେ ନାଟକ

ଭୁବନେଶ୍ୱର,୧୧।୧୧(ବ୍ୟୁରୋ) : ଚଳନ୍ତା କାର୍‌ରେ ଯୁବତୀଙ୍କୁ ବଳାତ୍କାର କରି ଫିଙ୍ଗିଦେବା ଘଟଣାର ପର୍ଦ୍ଦାଫାଶ କରିଛି ପୋଲିସ। ଧାର ଟଙ୍କା ପାଇଁ ଯୁବତୀ ଜଣକ ଏଭଳି ନାଟକ...

ଆଗ ବିଜେଡି, ପଲଟି ଖାଇ ଭାଜପା

ଭୁବନେଶ୍ୱର,୨୨।୬(ବ୍ୟୁରୋ): ଓଡ଼ିଶାର ଖାଲି ପଡ଼ିଥିବା ୩ଟି ରାଜ୍ୟ ସଭା ଆସନ ପାଇଁ ଶୁକ୍ରବାର ସନ୍ଧ୍ୟାରେ ବିଜେଡି ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ପ୍ରାର୍ଥୀଙ୍କ ନାମ...

Advertisement


Archives

Model This Week