ଦେବଗଡ଼,୨୯ା୪(ଡି.ଏନ.ଏ.)-ଲକ୍ଡାଉନ କଟକଣା ସତ୍ତ୍ୱେ ନିର୍ଦ୍ଧାରିତ ସମୟଠାରୁ ଅଧିକ ସମୟ ଦୋକାନ ଖୋଲା ରଖିବା ଏବଂ କୌଣସି କାମ ନ ଥାଇ ବାହାରେ ବୁଲାବୁଲି କରୁଥିବା ବ୍ୟକ୍ତିମାନଙ୍କ ବିରୋଧରେ କଡ଼ା ଆଭିମୁଖ୍ୟ ଗ୍ରହଣ କରିଛି ଜିଲା ପ୍ରଶାସନ ା ମାସ୍କ ବ୍ୟବହାର କରୁ ନ ଥିବା ବ୍ୟକ୍ତିଙ୍କଠାରୁ ଜିଲା ପ୍ରଶାସନ ପକ୍ଷରୁ ଜରିମାନା ଆଦାୟ ଜୋରଦାର କରାଯାଇଛି ା ଜିଲାପାଳ ସୁଧାଂଶୁ ମୋହନ ସାମଲ ଏବଂ ଏସ୍ପି ରାହୁଲ ଜୈନ ଏହା ଉପରେ ନଜର ରଖିଛନ୍ତି ା ଏହି ପରିପ୍ରେକ୍ଷୀରେ ଜିଲାପାଳ ତାଙ୍କ ବାରକୋଟ ଗସ୍ତ ସମୟରେ ଧାର୍ଯ୍ୟ ସମୟ ପରେ ମଧ୍ୟ ୪ଟି ଦୋକାନ ଖୋଲା ଥିବା ଦେଖି ସେଗୁଡିକ ତୁରନ୍ତ ସିଲ୍ କରିବାକୁ ବାରକୋଟ ତହସିଲଦାରଙ୍କୁ ନିର୍ଦ୍ଦେଶ ଦେଇଥିଲେ ା ସେହିଭଳି ଦେବଗଡ ସହରର ଏକ ଦୋକାନ ଖୋଲାଥିବା ଦେଖି ଏସ୍ପି ଜୈନ ତାକୁ ସିଲ୍ କରିବା ପାଇଁ ଦେବଗଡ଼ ତହସିଲଦାରଙ୍କୁ ନିର୍ଦ୍ଦେଶ ଦେଇଛନ୍ତି ା ସଂପୃକ୍ତ ଦୋକାନୀମାନଙ୍କ ବିରୋଧରେ ମାମଲା ରୁଜୁ କରାଯାଇଛି ା ଜିଲାର ସମସ୍ତ ଅଞ୍ଚଳରେ ନିୟୋଜିତ ସରଭାଇଲେନ୍ସ ଏବଂ ଏନ୍ଫୋର୍ସମେଣ୍ଟ ଟିମ୍କୁ ଲକ୍ଡାଉନ କଟକଣା ଉଲ୍ଲଂଘନ କରୁଥିବା ବ୍ୟକ୍ତିମାନଙ୍କ ବିରୋଧରେ କଡା କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ନିର୍ଦ୍ଦେଶ ଦିଆଯାଇଛି ା
