ପାଟଣା, ୨।୧(ସ୍ବ.ପ୍ର.) କେନ୍ଦୁଝର ଜିଲା ପାଟଣା ବ୍ଲକ ଡୁମୁରିଆ ପଞ୍ଚାୟତ ଘାଟ ବାଲିଯୋଡି ମୌଜା ଅଧୀନ ପ୍ରସିଦ୍ଧ ପର୍ଯ୍ୟଟନସ୍ଥଳୀ ଭୀମକୁଣ୍ଡ ନୂଆବର୍ଷ ଉପଲକ୍ଷେ ଶନିବାର ଉତ୍ସବମୁଖର ହୋଇପଡିଥିଲା। ପ୍ରତିବର୍ଷ ଏଠାରେ ୩୦ହଜାରରୁ ଊଦ୍ଧର୍ବ ପର୍ଯ୍ୟଟକଙ୍କ ସମାଗମ ହୋଇଥାଏ। ଚଳିତବର୍ଷ କରୋନା କଟକଣା ପାଇଁ ମାତ୍ର ୨ ହଜାରରୁ ଊଦ୍ଧର୍ବ ଲୋକଙ୍କ ଗହଳି ହୋଇଥିଲା। ସରକାରଙ୍କ ନୂତନ କୋଭିଡ ଏସଓପି ଏଠାରେ ଖୋଲାଖୋଲି ଉଲ୍ଲଙ୍ଘନ ହେଉଥିବା ଦେଖିବାକୁ ମିଳିଥିଲା। ଘଟଗାଁ ପୋଲିସ ଓ ଭୀମକୁଣ୍ଡ ଉନ୍ନୟନ ପରିଷଦ କମିଟି ସଦସ୍ୟଙ୍କ ପକ୍ଷରୁ ବଣଭୋଜି କରିବାକୁ ଆସିଥିବା ଲୋକଙ୍କୁ ଭିଡ଼ ନ କରିବା ପାଇଁ ବୁଝାଶୁଝା କରାଯାଇଥିଲା। ସ୍ଥାନୀୟ ପ୍ରଶାସନ ଓ ପର୍ଯ୍ୟଟନ ବିଭାଗ ତରଫରୁ କୌଣସି ଅଧିକାରୀ ଘଟଣାସ୍ଥଳରେ ଉପସ୍ଥିତ ନ ଥିଲେ। ପାଟଣା ମୁଖ୍ୟଳୟ ବୈତରଣୀ ନଦୀକୂଳ, ମିରିଗିଖୋଜି ପଞ୍ଚାୟତ ଅଶନଣି ଗାଁ ବୈତରଣୀ ନଦୀକୂଳ ସିନ୍ଦୁର ଗୋରୀ ତୀର୍ଥରେ ପର୍ଯ୍ୟଟକଙ୍କ ଭିଡ଼ ଦେଖିବାକୁ ମିଳିଥିଲା।
