ରାଉରକେଲା,୨।୫(ସଙ୍ଗୀତା ଜେନା): ଇସ୍ପାତ ସହର ରାଉରକେଲାର ସେକ୍ଟର-୧୯ ଥାନା ଅଞ୍ଚଳରେ କୋଲ୍ ଡ୍ରିଙ୍କ୍ସ କିଣିବା ବାହାନାରେ ୨ଜଣ ନାବାଳିକାଙ୍କୁ ବଳାତ୍କାର କରାଯାଇଥିବା ଅଭିଯୋଗ ହୋଇଛି। ଏହି ଘଟଣାରେ ପୋଲିସ ଜଣେ ବୃଦ୍ଧଙ୍କୁ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତ ହେଲେ ହମିରପୁର ବାସିନ୍ଦା ସନାତନ ନାୟକ(୬୫)। ଏ ନେଇ ଥାନାରେ ଏକ ମାମଲା (ନଂ. ୯୩/୨୬) ରୁଜୁ ହୋଇଛି।
ଏସ୍ଡିପିଓ ମନୋରଞ୍ଜନ ପ୍ରଧାନଙ୍କ ସୂଚନା ଅନୁଯାୟୀ, ଅଭିଯୁକ୍ତ ସେକ୍ଟର-୧୯ ଥାନା ଅନ୍ତର୍ଗତ ହମିରପୁର ଅଞ୍ଚଳରେ ପୁଅବୋହୂଙ୍କ ସହ ରହୁଥିଲେ। ବୃଦ୍ଧ ଜଣଙ୍କ ପଡୋଶୀ ୨ ନାବାଳିକାଙ୍କୁ କୋଲ୍ ଡ୍ରିଙ୍କ୍ସ କିଣିବା ବାହାନାରେ ଡାକି ବଳାତ୍କାର କରିଥିଲେ। ନାବାଳିକା ଦ୍ୱୟ ଏହି କଥା ଘରେ କହିବା ପରେ ଥାନାରେ ଏ ନେଇ ଅଭିଯୋଗ ହୋଇଥିଲା। ତଦନ୍ତ ପରେ ପୋଲିସ ଅଭିଯୁକ୍ତଙ୍କୁ ଗିରଫ କରିଥିଲା।
