ରାଉରକେଲା,୧୫।୬(ବିପ୍ଳବ ରଞ୍ଜନ ଦାଶ): କୋଏମ୍ବାଟୁର-ବଡୋନୀ (ନଂ-୦୩୩୫୮) ଟ୍ରେନ୍ର ଏ-୧ ବଗିର ଏସି କାମ ଦେଉ ନ ଥିବାରୁ ରାଉରକେଲା ରେଲଓ୍ବେ ଷ୍ଟେଶନରେ ଯାତ୍ରୀମାନେ ଗୁରୁବାର ଅପରାହ୍ନରେ ହଙ୍ଗାମା କରିଛନ୍ତି। ଫଳରେ ୨ଘଣ୍ଟା ଧରି ଟ୍ରେନ ଷ୍ଟେଶନରେ ଅଟକି ରହିବାରୁ ଯାତ୍ରୀମାନେ ଗରମରେ ହନ୍ତସନ୍ତ ହୋଇଥିଲେ। ପ୍ରାୟ ୨ଘଣ୍ଟା ପରେ ଏ-୧ବଗିର ଏସି ସିଷ୍ଟମ ଠିକ ହେବା ପରେ ଟ୍ରେନଟି ଷ୍ଟେଶନରୁ ଛାଡିଥିଲା। ଏ ନେଇ ରାଉରକେଲା ଷ୍ଟେଶନ ମ୍ୟାନେଜର ପ୍ରଭାସ ଦାସଙ୍କୁ ପଚାରିବାରୁ ସେ କହିଲେ, ଏ-୧ ବଗିର ଯାନ୍ତ୍ରିକ ସମସ୍ୟା ଯୋଗୁ ଏସି ଅଚଳ ହୋଇଥିଲା। ମରାମତି ପରେ ଟ୍ରେନ ପାଖାପାଖି ୫ଟା ୫୩ ମିନିଟରେ ନିଜ ଗନ୍ତବ୍ୟ ପଥରେ ଯାଇଥିଲା।
