ନୂଆଦିଲ୍ଲୀ,୧୨ା୯: ଦିଲ୍ଲୀ ନିକଟସ୍ଥ ଫରିଦାବାଦରେ ଜଣେ ୧୨ ବର୍ଷର ନାବାଳିକା ଆତ୍ମହତ୍ୟା କରିଥିବା ଜଣାପଡ଼ିଛି। ତେବେ ପ୍ରେମରେ ଧୋକ୍କା ଖାଇ ରଶି ଲଗାଇ ଆତ୍ମହତ୍ୟା କରିବା ଘଟଣା ସମଗ୍ର ଅଞ୍ଚଳରେ ଚାଞ୍ଚଲ୍ୟ ଖେଳାଇ ଦେଇଛି। ଏହାର ପ୍ରମାଣ ମିଳିଛି ଏକ ସୁଇସାଇଡ୍ ନୋଟ୍ରୁ। ପୋଲିସ ଏ ନେଇ ଏକ ମାମଲା ରୁଜୁ କରିବା ସହ ତଦନ୍ତ ଆରମ୍ଭ କରିଛି।
ଏହି ନାବାଳିକା ଜଣକ ଫରିଦାବାର ବଲ୍ଲଭଗଡ଼ରେ ନିଜ ମାତାପିତାଙ୍କ ସହ ରହୁଥିଲୋ। ପଡ଼ୋଶୀଙ୍କ ନାବାଳକ ପୁଅ ସହ ଏହି ନାବାଳିକାଙ୍କ ପ୍ରେମ ସମ୍ପର୍କ ଗଢ଼ି ଉଠିଥିଲା। ମାତ୍ର ଉକ୍ତ ନାବାଳକଙ୍କ ଆଉ କାହା ସହ ପ୍ରେମସମ୍ପର୍କ ଥିଲା। ଏକଥା ନାବାଳିକା ଜଣକ ସୁଇସାଇଡ୍ ନୋଟ୍ରେ ସ୍ପଷ୍ଟ ଭାବରେ ଲେଖିଛନ୍ତି ଯେ, ଏଥିରେ ସେ ମର୍ମାହତ ହୋଇ ଆତ୍ମହତ୍ୟା କରୁଛନ୍ତି। ନାବାଳିକାଙ୍କ ପିତା କୁହନ୍ତି, ଏହି କଥା ସେ ଜାଣିନାହାନ୍ତି। ମାତ୍ର ଝିଅର ସୁଇସାଇଡ୍ ନୋଟରୁ ଜାଣିବାକୁ ପାଇଛନ୍ତି। ସେ କହିଛନ୍ତି, ତାଙ୍କ ଝିଅ ପଡ଼ୋଶୀଙ୍କ ଜଣେ ନାବାଳକ ପୁଅଙ୍କ ନାଁ ଲେଖିଛି।
ପୋଲିସ ଅଧିକାରୀ ଆଦର୍ଶଦୀପ କୁହନ୍ତି, ୧୨ ବର୍ଷର ନାବାଳିକା ଜଣେ ନାବାଳକଙ୍କୁ ପ୍ରେମ କରୁଥିଲେ ବୋଲି ଯାହା ତାଙ୍କ ସୁଇସାଇଡ୍ ନୋଟ୍ରୁ ଜାଣିବାକୁ ପାଇଛନ୍ତି। ଏହି ଘଟଣାରେ ସେ ଏକ ମାମଲା ରୁଜୁ କରି ତଦନ୍ତ କରୁଥିବା କହିଛନ୍ତି।
