ଭୁବନେଶ୍ୱର,୧୯ା୮(ବ୍ୟୁରୋ): କରୋନା ସଂକ୍ରମଣକୁ ରୋକିବା ପାଇଁ ରାଜ୍ୟ ସରକାର ଅଧିକରୁ ଅଧିକ ଟେଷ୍ଟିଂ ପାଇଁ ଗୁରୁତ୍ୱ ଦେଉଛନ୍ତି। ଏହି କ୍ରମରେ ରାଜ୍ୟରେ କୋଭିଡ୍ ଟେଷ୍ଟ ୧୦ ଲକ୍ଷ ଟପିଛି। ଗତ ତିନିଦିନ ହେଲା ରାଜ୍ୟରେ ଦୈନିକ ହାରାହାରି ୫୦ ହଜାର ନମୁନା ପରୀକ୍ଷଣ କରାଯାଉଛି। ମଙ୍ଗଳବାର ସୁଦ୍ଧା ମୋଟ ୧୦,୦୯,୪୫୪ଟି ନମୁନା ପରୀକ୍ଷା ହୋଇସାରିଛି। ସେଥିରୁ ୬.୩୯ ପ୍ରତିଶତ ପଜିଟିଭ୍ ଚିହ୍ନଟ ହୋଇଛନ୍ତି।
ଅନ୍ୟପକ୍ଷରେ ରାଜ୍ୟର ୨୯ଟି ଜିଲାରୁ ୨,୨୩୯ ଜଣ ନୂଆ ଆକ୍ରାନ୍ତ ବାହାରିଛନ୍ତି। ଏମାନଙ୍କ ମଧ୍ୟରୁ ୧,୪୧୬ ଜଣ କ୍ୱାରାଣ୍ଟାଇନ ସେଣ୍ଟରରୁ ଥିବାବେଳେ ୮୨୩ ଜଣ ସ୍ଥାନୀୟ ଆକ୍ରାନ୍ତ ରହିଛନ୍ତି। ନୂଆ ଆକ୍ରାନ୍ତଙ୍କ ମଧ୍ୟରେ ଖୋର୍ଦ୍ଧା ଜିଲାରୁ ସର୍ବାଧିକ ୪୧୯ ଜଣ ରହିଥିବା ବେଳେ ଲଗାତର ୭ଦିନ ଧରି ଖୋର୍ଦ୍ଧା ଜିଲା ସଂକ୍ରମଣ ତାଲିକାର ପ୍ରଥମ ସ୍ଥାନରେ ରହିଛି। ଏଥିରେ ଗଞ୍ଜାମ ଜିଲା ଦ୍ୱିତୀୟ ସ୍ଥାନରେ ରହିଛି। ଗଞ୍ଜାମରୁ ୨୪୬ ଜଣ ଆକ୍ରାନ୍ତ ଚିହ୍ନଟ ହୋଇଥିବା ବେଳେ ନୟାଗଡ଼ ୧୪୭, ବାଲେଶ୍ୱର ୧୩୦, ରାୟଗଡ଼ା ୧୨୦, କଟକ ୧୧୭, କୋରାପୁଟ ୯୧, କନ୍ଧମାଳ ୯୦, ମୟୂରଭଞ୍ଜ ୮୦, ଯାଜପୁର ୭୫, ଭଦ୍ରକ ୭୩, କେନ୍ଦୁଝର ୭୨, ବଲାଙ୍ଗୀର ୬୬, ସୁନ୍ଦରଗଡ଼ ୬୪, ମାଲକାନଗିରି ୫୫, ବରଗଡ଼ ୫୧, ଗଜପତି ୪୨, ପୁରୀ ୪୦, ଢେଙ୍କାନାଳ ୩୬, ଜଗତ୍ସିଂହପୁର ୨୬, ସୋନପୁର ୨୪, କଳାହାଣ୍ଡି ୨୧, ନବରଙ୍ଗପୁର ୧୪, ଝାରସୁଗୁଡ଼ା ୧୩, ନୂଆପଡ଼ା ୮, କେନ୍ଦ୍ରାପଡ଼ା ୭, ଅନୁଗୋଳରୁ ୬, ବୌଦ୍ଧ ଓ ସମ୍ବଲପୁରରୁ ୫୩ ଜଣ ଲେଖାଏ ରହିଛନ୍ତି। ଏମାନଙ୍କୁ ମିଶାଇ ରାଜ୍ୟରେ ମୋଟ ସଂକ୍ରମିତଙ୍କ ସଂଖ୍ୟା ୬୪,୫୩୩ରେ ପହଞ୍ଚତ୍ଛି। ଅନ୍ୟପକ୍ଷରେ କରୋନାରେ ଆକ୍ରାନ୍ତ ଥାଇ ମଙ୍ଗଳବାର ରାଜ୍ୟରେ ୯ ଜଣଙ୍କର ମୃତ୍ୟୁ ହୋଇଛି। ମୃତକଙ୍କ ମଧ୍ୟରେ ଗଞ୍ଜାମ ଜିଲାରୁ ୩, ରାୟଗଡ଼ାରୁ ୨, ବାଲେଶ୍ୱର, ଖୋର୍ଦ୍ଧା, ମାଲକାନଗିରି ଓ ସମ୍ବଲପୁରରୁ ଜଣେ ଲେଖାଏ ଆକ୍ରାନ୍ତ ରହିଛନ୍ତି। ଏହାକୁ ମିଶାଇ ରାଜ୍ୟରେ କରୋନାଜନିତ ମୃତ୍ୟୁ ସଂଖ୍ୟା ୩୬୨ରେ ପହଞ୍ଚତ୍ଛି।
